الحمل المفاجئ اثناء الرضاعة

السلام عليكم
عافاكم لي عندها شي فكرة على هادشي تفيدني الله يخليكم
في فترة النفاس قالتلي الطبيبة نشرب ميكروفال قبل الاربعين ب ايام قليلة و داكشي لي درت مما ادى انه ماجاتنيش الدورة بعد انتهاء النفاس و ملي دازت الاربعين ماجاتنيش الدورة و كنلاحض كل شهر كينزل مني دم خفيف مرة واحدة في يوم واحد و صافي بحالا ماكين والو دابا مدة 3 اشهر يوم في الشهر كينزل دم خفييف و بعد المرات الم في الجهة اليمنى
مع العلم كنرضع طبيعي مع رضاعة واحدة في الليل اصطناعية و ولدي دابا عندو 3 اشهر
عنداك نكون حاملة هههههه واش هادا هو النزيف لي كيقولو ديال موكروفال؟؟؟

hgplg hglth[z hekhx hgvqhum hg[lg

سيري لطبيبة هي لتأكد ليك لانه مامزيانش تكوني حاملة وتترضعي

mohal tkoni hamla hit ila kanti hamla maghtjikch ga3 wanti katcharbi lkina hta ana mecrobal dartli l fayda bazaf wana nahbasha

بحال كتهدري عليا هههه غي انا كل 15 يوم و غي ملي نمسح حشاك نلقى شويه دالوسخ و حتى انا خايفة لايكون حمل

لا اختي مانضن يكون حمل ويجيك دم كل شهر خاصك تشوفي الطبيبة وتبدلي الكينة

هههه ماتخافوش ايلا تاكلوها بانتضام و فالوقت و كترضعو وليداتكم بزاف مكان لاش تخافو ميكروفال كتخربق الدورة و تنشف لحليب ننصحكم ب exulton سبيطار الحومة كتشد و ماتجيكش نهائي كيتاخديها فالوقت انا بعدا كتجي معايا و بزاف لي جربوها والماتهم

الكينة تقدر دير هاد الشي في 3 شهور الأولى راه كاتبينها فيها
أنا بديتها 16 يوم بعد الولادة ، وبقات فيا الدم شهرين ونص ، دابا شهر ماجاتني ، ولكن متأكدة ماكاينش حمل
غير هو ردي بالك مزييييان راه الكينة ديال الرضاعة خفيفة بزآآاف شربيها في نفس الساعة كل يوم ، تأخير ديال 3 سوايع تقدري تحملي

ههه راها غي الكينة اللي كدير هكاك تا أنا ديما فشك دوزت 2 مرات ودرت التيست واحد المرة الطبيبة طمناتني بلي هدشي عادي إلي كتخديها فلوقت بلى متخافي ولي دارها الله هي لي كاينا

matekhafi walo heta ana mali weladete khedite microval o baka nacherabeha l daba katejini les regles khefifa mane 15 jrs 15 jrs o fi lawele presk dima ihebate mani hachak chewiya
daba beneti 3andeha 1 an et 1 mois o mazala chewiya mekharebeka mais machi behal awale hamdolilah
mechite 3anede 2 medecin galo li 3adi dire like hakake safi kamaleteha o heta nehayade nchalahe reda3a 3ade nebadaleha ila ketabe

المشاركة الأصلية كتبت بواسطة anassi

داكشي راه عادي حتى أنا منين ولدت درة ميكروفال وبقت معايا هاد الحالة لمدة عام كلو ومني ندوش منها ونمشي نبغي نصلي كنلقا شوية الدم مشيت عند الطبيب خرج ليا الدواء مدار ليا ولو وأنا نحبسو صافي سولت على الصلاة قالو ليا خاصك تعرفي أيام الدورة ديالك حبسي فيها الصلاة ومني دوز 8أيام وخا باقة فيك صلي بلا متخلعي أختي وحتى أنا كنت كنرضع ورضعتو عامين

الحمل المفاجئ اثناء الرضاعة

اترك تعليقاً إلغاء الرد