الحلزون بلكريم د الحامض رووووووعة

بسم الله
حاجتنا ل 400 غرام فورص + 100 غرام فينو + شي 3 حتى 4 معالق سنيدة + ساشي د لفاني + ساشي د خميرة + خميرة فورية + نص كاس زيت الما دافئ لي يجمع العجين عجين يكون عادي ماشي قاصح و ماشي مرخوف

خاصنا كذلك زبدة و زيت للتوراق

بالنسبة لاكريم د ط§ظ„ط­ط§ظ…ط¶

سنيدة شي كاس و كل وحدة على حساب الذوق ديالها + 2 حامضات معصرين + قشور حامضة كبيرة + معلقة كبيرة مايزينا + 3 بيضات + 50 غرام زبدة + شي شوية د الزبيب

الطريقة : ندير مقادير العجين و نعجن العجين عادي و نخليه يخمر من بعد نديرهم بحال شغل الرغايف غي يكونو شوية صغار و نطلق بشوية د الزيت و ندير شوية د الزبدة ملينة و ندير لاكريم لي غادي نوريكم كيفاش كايوجد و نلويها بحال محنشة حلزونية

الصور غادي توضح كل شيء

كيفية تحضير لكريم د الحامض

نخلط البيض مزيان بشي فورشيطة و ندير ط§ظ„ط­ط§ظ…ط¶ فوق النار مهيلة مع سنيدة و نزيد قشور ط§ظ„ط­ط§ظ…ط¶ ثم مايزنا ثم البيض لي خلطت و مانبحس من تحراك حتى تبدا تعقد و نزيد الزبدة و ملي تعقد بالمرة نزيد الزبيب

نطلق كويرة بحال لي فالصورة و ندير شوية د الزبدة ماشي دايبة غي ملينة أنا دوبتها شي شوية حيث ماخرجتهاش من الثلاجة بكري

و ندير شوية د لاكريم فالجانب ديال الدائرة

و نبدا نلوي عليها العجينة باش نحصل على حربول

على هذا الشكل

و نلويها على نفسها باش نعطيها هذا الشكل

نديرهم فطاوة مدهونة بالزيت و نخليهم يخمرو مرة أخرى شي ربع ساعة حتى ل 20 دقيقة

ملي يخمرو دهنتهم بالبيض و دخلتهم للفرن مسخن من قبل

و النتيجة رائعة و المذاق أروع

لا تنسوني من صالح الدعاء

hgpg.,k fg;vdl ] hgphlq v,,,,,,um