الحريرة بطريقتي الخاصة بنينة ولذيذة

السلام عليكم
اليوم صورت ليكم الطريقة باش كانصاوب حريرتي اللي كاتجي لذيذة وكاتعجب الكل (درت قياس كوكوت كبيرة 14 شخص)

كاندير فيها :
زلافة حمص
200 gr كفته ولا لحم ولا دجاج
1 كيلو وربع ماطيشة طرية
3 معالق كبار مطيشة ديال الحك(مطيشة عايشة)
1 ربطة كرافس
1 ربطة معدنوس
2 ضامة البنة بقري ولا غنمي(كنور)
4عواد ديال القرفة
1 معلقة ونصف صغارملحة
معلقة صغيرة بزار
2 معالق صغارعطرية (من الخلطة السرية ديالي سبق وحطيها في المنتدى)
1 كأس زيت رومية
نصف معلقة سمن
نصف معلقة سمن (نسيت ماصورتو)
1 زلافة دقيق فورص
نصف زلافة شعرية السفة

الكفتة كانصغرها بزااف (قد الزيتونة تقريبا)

ماطيشة الحك

الحمص مرقد ومقشر

البصلة

المعدنوس

لكرافس

مطيشة طرية

دقيق مخلط لتدويرة لحريرة

التوابل

كنور + لبزار+الملحة+القرفة+ خلطة العطرية السرية نصف معلقة صغيرة سمن(نسيت ماصورتو)

نشد الحمص ونحك البصلة ونحطهم في الكوكوت مع 1ليتر ماء ونسد عليهم ونخليهم حتى تصفر الكوزكوت ونحسب نصف ساعة ونطفي عليهم

نقطع لكرافي

ونطحنو

نضيفها للكوكوت

نقطع المعدنوس

نطحنو

نقطع مطيشة

نطحنها

نضيفها للكوكوت

نضيف كنور +لبزار+الملحة+القرفة+الزيت+العطرية

نضيف مطيشة الحك

نضيف الكفتة


نسد على الكوكوت ونخليها بعد ماتصفر 20دقيقة على النار

ملي تطيب نطفي عليها

نضيف لها قياسي ديال الماء ونشعل عليها بدون مانسد الكوكوت

ملي تفيض



نضيف التدويرة

نحركها ونخليها 10 دقايق


من بعد نضيف الشعرية مدهونة بالزيت باش ماتلصق وتذوب


ونطفي مباشرة بعد مانضيفها ومانسدش الكوكوت باش ماتذوب نحط الغلاقة غير على جنب

وبالصحة والراحة

hgpvdvm f’vdrjd hgohwm fkdkm ,g`d`m f,dkj

شكرا لك

تقييمك هو تفاعلك مع الموضوع