السلام عليكم بناتي و اخواتي العزيزات
ان شاء المولى تكونوا جميعا بالف خير
هاد ط§ظ„طط±ط´ط© ط§ظ„ط؛ط±ظٹط¨ط© كتجي غزالة فالشكل و المداق
و مقاديرها سهلة و لبسيطة و مكتعدبش فالتحضير و الكمية كتكون كبيرة
المقادير :
نصف كيلو سميدة رقيقة
كاس (عنبة) سنيدة
كاس (عنبة) حليب
كاس (عنبة) زيت
1 ملعقة كبيرة زبدة
1 خمارة الحلوة
1 فاني
نصف ملعقة صغيرة خميرة العجين
قبصة ملح
شوية سميدة غليضة للتفنيد
الطريقة :
كنخلط كل المقادير الناشفة اولا
نصف كيلو سميدة رقيقة + كاس سنيدة + قبصة ملح+ خميرة الحلوة+ فاني
و نضيف للنواشف كاس زيت + ملعقة كبيرة زبدة و نفتلها حتى تتشرب الزيت و تترمل
و بعدها نضيف ليها راس ملعقة صغيرة خميرة الخبز مدابة في كاس الحليب
و نخلط الكل حتى تتشرب كل المكونات و تتمازج
نخليها تخمر شوية و نوجد الطاوات ديال الفران مدهونين او مفرشين بورق الزبدة
و نبدا ناخد كويرات نتوسطة او صغيرة الحجم من العجين و نفندها فالسميدة الغليضة و نستفها فالطاوة و نخلي فراغات بينها لانها كتتشقق و كتكبار فالحجم شوية
بعد منكمل كل الكويرات كنخليها ترتاح شوية 5 الى 10 دقائق و ندخلها للفرن تخبز و تتحمر
كلما طالت مدة التخمير كلما كانت الحريشات مشققة و هشيشة
انا عملت منهم حجم صغير و حجم متوسط و زربت بالطياب ديالهم
لانه كان عندي ضياف فطيبتهم بلا منخليهم يخمرو
حتى المراحل ديال التحضير مصورتهاش للسرعة
لكن للي ممزروباش تخليهم يخمرو كيجيو مطرطقين و مشققين مزيان
قدموها بالصحة و الراحة سخونة او باردة
ممكن تنسموها باللوز او اي نسمة محببة ليكم
او تعمروها بعجينة اللوز او الشكلاط . . .
و لا تنسوني من صالح الدعوات
hgpvam hgyvdfm lk l’fod fhgw,v
نورتم الموضوع
تبارك الله عليك كتشهي
الله يعطيك الصحة
الله يعطيك الصحة كل شهيوة من ايدياتك كتجي غزااااالة
حفظك ربي يا الغالية
جزاك الله خيرا
الله احفظك و احفظ بناتك من كل شر
تم تثبيت