السلام عليكم طبعا أنا ما حادكَة ما والو سميت راسي هكا تفاؤلا باش نولي كذلك 
..أنا كانعرف الحد الأدنى فالطبخ وأقل ولكن قررت نتعلم قبل ماتحقق النبوءة ديال ماما ألا وهي أنني نتزوج و نوحل فدار راجلي وتضحك عليا عائلتو 
…بما أنني ذكرت ماما خليني نقول ليكوم مشكلتي معاها ماكانتش كاتشجعنا ندخلو الكوزينة أبدا أبدا وحتى ملي كاتخليني نطيب كاتديرهي أغلب الخطوات باش تسالي بالزربة حيت ماعندهاش الخاطر تصبر عليا نتعلم تخيلو حتى العجين وأنا دابا عندي 21 عام وكانعجن عادي كادير حتى هي يديها باش تعجن معايا
والمشكلة ملي كاتللاقى مع خواتاتي المزوجين كاتبقى تقوليهوم ماكايوصولوش الكوزينة ماباغيينش يتعلمو والو …إلخ داكشي علاش غالبا كانتسنى حتى كاتخرج وكانجرب شي حاجة..كون كانت كاتسافر كون تعلمت الطبخ من زماااااااااان حيت غانولي أنا والكوزينة وجها لوجه 
..
المهم قررت نناضل و نتعلم بمساعدة المنتدى 
وعندي بعض الأسئلة :
*آشناهوما أهم الأكلات الأساسية اللي خص الفتاة المغربية تكون كاتعرف تطيبهوم ؟؟
* كنور واش أساسي فالطبخ ؟ واش يمكن يجي الطياب زوين بلا بيه حيت سمعت بلي ماشي صحي وبغيت نبقى نطيب بلا بيه ؟
* عندي مشكلة فالطياب عموما وفالفران خصوصا ماكانكونش عارفة امتى نقول صافي راه الأكلة طابت وأحيانا كانبقى ناخد منها شوية بحال اللحم مثلا ونشوفو آشناهو الحل باش نعرف الماكلة طابت بدون افساد المظهر الخارجي ؟؟
هادو هوما الأسئلة اللي فبالي حاليا..وشكرا…
ياربي يكون هنا المكان المناسب للموضوع وما يتحذفش.
hgph];m [hj>>> [hj
لحوايج لي خاصك تعلمي كل شي كسكس لحريرة مسمن دجاج محمر لحم بلبرقوق راكي عارفة شهيواتنا كتار تبارك الله ولكن ركزي علي هادو باش لجوك ضياف تعرفي ليهم
انا كنت فدارنا نعجن ويعجبني ندير لميناج بس ههههه ولحلويات كنت كنعرف لهم مزيان فاش جيت عند راجلي منفعني غير المندتى وعمي قوقول الله يخلف عليهم تعلمت كلشي
وكنور جامي نطيب بيه هو زعفران ملون هادوك راه سم ولموت بعينها ديري لخرقوم كيعطي لون وطبيعي
لحاجة باش تعرفيها طابت دوقي ضروري حتي طباخة لكبار كيدوقو وتخشي لموس فدجاج لدخل بسهولة ومخرجش دم راه طاب
طرقت باب المنتدى المناسب
الأنيقات حادكات ماشاء الله
تبعي الخطوات وإلى الأمام
كنور والملون الإصطناعي كله مواد سامة
باش تجيك المريقة لذيذة متكثريش الماء مخصوش يفوت اللحم باش يشرب التتبيلة
إن شاء الله تصبحي الحادكة رقم 1 فالعائلة وتكوني حادكة في كل الجوانب الديني الإجتماعي
مرة مرة ندخل نشوفك فين وصلتي
دخلي لقسم التنظيف كاين موضوع تجمع المقتصدات جد مهم حتى تتعلمي التدبير المنزلي وتجمعي الفلوس ههههه دخلي له لكي تتعرفي على تجارب الحادكات
تبارك الله عليك ومرحبا بك مرة أخرى
Read more: https://www.anaqamaghribia.com/vb/sho…#ixzz3Bs27dG34
ضحكني السرد ديالك الله يحفظ لك ماماك و يمتعك برضاها
اانا غنجاوبك غير على السؤال اللي فالفوق ، الجواب لا/ ماشي ضروري لان امهاتنا و جداتنا مكانوش كيستعملوه و طيابهم كان بنييييين
ثاني حاجة راه هاد ضامة البنةراها سم الى درتيه فاكلك و احادي جلوتومات الصوديوم اللي فيه هي لكتخلي الماكلة بنينة واخا مفيها ميتكال ، دكشي علاش بعدي عليه قدر المستطاع
راه الطبخ ماشي صعيب خصو غير الخاطر و الارادة و الزعااااااااااااامة
و الله يعاونك
…وشكرا على النصائح ديالكوم ان شاء الله نطور المهارات ديالي بفضل الله ثم بفضل المساعدة والنصائح ديالكوم.
تبارك الله عليك اختي والله احفضك لميمتك وان شاء الله تولي لالة البنات
دابا خاصك تعلمي لطاجين كسكس دجاج محمر تريد او رفيسة اللحم بالبرقوق
المسمن البغرير الملوي الحرشة
هادشي ماشي ضاروري تكون امك مسافرة ممكن تنوضي بكري وقادي مسمن فاش تفيق ماماك تلقاك مقادة الفطور ومرة بغرير فالكوتي المهم بحال هاكدا حتى تولي ماماك تيق فيك وفطيابك لول شي نهلر تمشي ماماك لحمام نت طيبي شي طويجين ولا دجاج محمر زعمة استغلي غياب ماماك وتعلمي
وبالنسبة لواش اللحم طاب ولا لا راه مع الوقت والممارسة غادي تولي تعرفي شحال دالوقت خاص كل حاجة
وبالنسبة لكنور راه مسموم وغير صحي ونا كيجيني خانز والله الطياب بلابيه احسن مئة مرة
والله اعاونك احبيبة وييسر ليك ويجيبليك شي ولد الناس يكون صالح وتقي
لكن بعد شهر تعلمت اللي كنتشهاها كنقولها لعمي كوكل وها كلشي واجد
ماتخافيش راه دغيا تعلمي