التلقيح الإصطناعي

صباح الخير البنات
كيف حالكم
هادا كان أخر موضوع كتبتو
باش تفهموا اشنو كين
دخلو الملف ديالي وشوفو أخر موضوع أنا مبغاش يتحل ليا الملف معرفتش علاش

المهم راني مشيت عند الطبيبة نهار السبت
عطيتها التحاليل شافتهم وقالت لي بللي الحمد لله كلشي مزيان
غير هاديك التحليلة ديال amh لي هيا مخزون البويضات خرج قليل شوية
بمعنى أن عندي مخزون البويضات مبقاش فيه بزاااف يعني ممكن يجيني سن اليأس بكري شوية وخى أنا يالله عندي دبا 28 وقريبة ال-29
وقالت لي بللي من الأفضل ندير ط§ظ„طھظ„ظ‚ظٹط­ ط§ظ„ط¥طµط·ظ†ط§ط¹ظٹ باش نزيدو من فرص الحمل
باش مايبقاش الوقت تايضيع
اوا وخرجت لي gonal f 400 سولت عليه لقيتوا تايدير 1788 درهم والتحليلة ديال راجلي خصها 1000 درهم وهي غادي تاخد 1000 درهم وعاد الإبرة التفجيرية تدير 250 درهم وعد غادي يكونو les كونترول نهار اه ونهار لا
تيكون فيهم ليكو
خصها تخلص فيهم
المهم خصني 5000 درهم وصافي ههههه
والله البنات معرفا ماندير
شورو عليا وقولوا لي شنو بان لكم
راني تالفة وربي لي عالم بحالتي

---

hgjgrdp hgYw’khud

الله يفرحك اختي غونال راها زوينة غير توكلي على الله

الله يفرحك اختي ويرزقك من اوسع ابواابه ويفرج همك ياااارب اميييين

أختي دي هادوك التحاليل لشي طبيبة أخرى و شوفي آش تقول ليك راه التلقيح هو آآآآآآآآآآآخر حل
ممكن تعطيك غا التنشيط و يكون خير
و اللي تايخلمع انه التلقيح قال واحد الطبيب تايديروه حتى 6 المرات ماشي ضروري من المرة الاولى ينجح

اختي شوفي طبيب آخر حتي يقولو ليك شي 3 اطباء آخر حل هو التلقيح عاد ديريه

غزلان سلام حبيبة كيف راك لاباس شوفي كولي لي شحال عندك في amh راه حتى انا عندي ضعيف بزاف مي متخافيش راه يمكن تحملي بيه
وشحال عندك في fsh
انا راه عندي نفس المشكل مي طبيب خرج لي واحد الدوا نجيبو من امريكا و هو كيحسن من جودة التبويض يعني و خا يكون البويضات كمية قليلة مي نوعية جدية
و كنت جبتو و خدمت بيه هي فاش حملت مي اجهضت و كان بقى لي غير فرقتو و دبا انا محتجاه الا جاني نعطيك منو خاص نبقاو على اتصال

إن شاء الله حبيبتي
الله يجازيك بالخير

أميين يارب
بارك الله فيك أختي

أختي الحبيبة راه 5 سنين هادي وأنا من طبيب لطبيب وحتى واحد مقالي عندك شي مشكل
كلشي تيقولي ماعندك ولو
وحتى راجلي هكاك ماعندو ولو
راه كنت حملت هادي 4 سنوات تقريباً ووقعلي إجهاض متكرر
ومن تما مبقيتش حملت
ومكاينش سبب علمي
الله يدير الخير وصافي
راه تندير غير بالأسباب وصافي
أما كلشي بيد لله
وشكراً على النصيحة الحبيبة
الله يكتر خيرك

اختي الله يكون معاك ويدير ليك اللي فيها الخير
تانا درتو نهار السبت نتمناو من الله يكون خييير ان شاء الله وانا طلع ليا تقريبا بالكونترول والدوا وكلشي ب 8500 درهم
انا ستعملت بيريجون حذيتها ب 2500 درهم وكيف قلتي اللابو ب 1000 وهي دارتو ليا ب 3000 عاد ليكونترول باش تشوف تبويض
مهم الفلوس كيمشيو ويجيو كنتمناو غير نتيجة تكون مزيانة وصافي
الله يسهل على جميع المنتظرات ياربي ويرزقنا الذرية الصالحة ان شاء الله

رشيدة حبيبة شكراً على ردك
أنا راه معنديش قليل بزاف
راه بغيت نصيفت لك التحاليل ولكن نسيت كيفاش تيمشيو التصاور هههه
فكريني كيفاش ندير الله يحفضك ليا
أما بنسبة ال-fsh عندي فيه 5.74
واش هاد الدوا غادي يجيك قريب أحبيبة و قوليلي بشحال تيجيك باش يلا بغيتو نقولك تجيبلي معاك
الله يعطيك الخير
ودبا اشنو بان لك واش نبدا ف التلقيح ولا بلاتي شوية

amh خرجت لي فيها
17.99 ____ خصها تكون بين 14 / 48
وخرجت ليا تاني
2.5 _____ خصها تكون بين 2 / 6.8