السلام علكيم انيقات
عندي مشكلة نتمنى نلقى الحل عند الامهات دوات الخبرة انا بنتي في عمرها سنة و دابا بدات تنوض واحد الشرسة و ناب و مبقاتش كتبغي تاكل مع انها كانت كتاكل كلشي خضار و فواكه و دجاج و اسماك و لحم كلشي كانت تبارك الله كتاكلو و لكن دابا صار لها جوج اسابيع مكابغيش تاكل مكتفوت فرماجة و شوربة شوفان و طوال اليوم على الحليب الصناعي انا دابا معرفتش اي سياسية نسلك معاها واش نوكلها بزز منها وخا هاد الطريقة طبقتها مع اخوها الاكبر منها و رجعت عليا بنتائح عكسية والى كيكره الاكل
الله يجازيكم بخير نصحوني اشنو ندير
hgjskdk uk] hgvqu ,tr] hgaidm hgvqy hgai]m ktr]
اختي طبيعي انه تفقد ليها الشهية هاكاك بنتي ماتاكل واااااااااااااااااالو مني تيكونو مازال مخرجو من غير البزولة ولكن غير تايبانو تترجع تاكل غير صبري دابا تفوت هاد الفترة
انا راه الله انجيك كل مرة ارد عليا وعلى فراشو والاسهال وفقدان الشهية والخاطر ماكاين والسخانة طالعة حتى تاتفوت هدا المرحلة
تانبقاو هازينو في ظهرنا وغاديين جايين بيه
الله اسمح لينا من الوالدين
المشاركة الأصلية كتبت بواسطة " ام ايمان " 
اختي طبيعي انه تفقد ليها الشهية هاكاك بنتي ماتاكل واااااااااااااااااالو مني تيكونو مازال مخرجو من غير البزولة ولكن غير تايبانو تترجع تاكل غير صبري دابا تفوت هاد الفترة
الله يجازيك بخير على ردك و يخفض لك بنتك و تشوفيها كيف بغيتي
المشاركة الأصلية كتبت بواسطة ابنة فاطمة انا راه الله انجيك كل مرة ارد عليا وعلى فراشو والاسهال وفقدان الشهية والخاطر ماكاين والسخانة طالعة حتى تاتفوت هدا المرحلة
تانبقاو هازينو في ظهرنا وغاديين جايين بيه
الله اسمح لينا من الوالدين
الله يجازيك بكل خير و يحفض لك ولدك و تشوفيه كيف كتمناي و و الصراحة ردودكم ريحت لي بالي الله يدوز هاد المرحلة على خير
المشاركة الأصلية كتبت بواسطة tamozonte شكرا على مرورك