التجربة الثانية للولادة القيصرية

سلام عليكم بغيت نستافد من تجارب الأنيقات لدازو بالتجربة ط§ظ„ط«ط§ظ†ظٹط© ديال العملية ط§ظ„ظ‚ظٹطµط±ظٹط© يقول لينا كباش دازت واش أصعب من الأولي ؟؟؟؟؟؟؟

---

hgj[vfm hgehkdm gg,gh]m hgrdwvdm hgjhkdm

عادي اختي بحال بحال من جهتي انا نفس الشيئ غير في العملية الثانية كاتكوني موgضا على الاولى لانه كاتكوني كسبتي تجربة

الله يكمل عليك بالخير

اختي انا التانية كانت احسن من الاول دغية بريت وتواكظت وهانا دابا قربت لالتالتة الله يدوز كلشي على خير يارب

انا اختي تقريبا جوني بحال بحال وخى كنت خايفة من الثانية حيت درتها في المغرب و مللي دخلت الغرفة العمليات كنسمع التقرقيب ديال معدات الفتيح صافي غادي نموت بالخوف وخا حاولو يلهوني و بفوجو عليا الله يجازيهم بخيركنكولهم صافي مبغيت نولد غي خرجوني ….حتى هز الطبيب المشرط عاد دارولي البنج و الحمد لله دازت بخير و اما الولادة الاولى غي دخلت غرفة العمليات بنجوني مشفت حتى شكون كان تمه كيبنلى غي بحال خيال الطبيبة ……. و النتيجة كانت تقريبا بحال بحال وخا بقات كرشي خارجة بزاف على المرة الاولى وحتى الجرح الاول كان بلا غرز

أنا قرب الموعد ديال العملية الثانية و خائفة بزاااااااااف

ربي يعينك اختي ويفكك على خير
انا ايضا ديما تفكيري في الولادة الثانية قيصري كيف غدوز وخا مزال مكاين حمل ههههههههه
هانتي سمعتي الاخوات يعني عادي وماشاء الله كاين لي عندو الولاة الثالثة ربي اعينا ويفكك على خير

اشكرك أختي علي التشجيع ربي يخليك

اختي كل واحد اكيفاش انا جاتني التانية صعيبة من الاولى ولكن مرات خاي بالعكس جاتا اسهل بكتييير من الاولى كل واحد والجسم ديالو غير متخافيش وتوكلي على الله وكولشي غيدوز بيخير

انا القيصرية الثانية اصعب من الاولى شفت الموت بعيني و قلت اش داني نحمل و جامي نعاود نحمل
دعيو معايا راني حاملة ههههههه و القيصرية الثالثة ان شاء الله ف شهر غشت 2024 و نعاود ليكم كيفاش دازت
الله يفك كل موحولة و يرزق كل منتظرة