البنات محتاجاكم دخلو ضروري

السلام عليكم و رحمة الله و بركاته اخواتي بغيت نسولكم الله يجازيكم بالخير و يثبت اجركم عند الله انا نهار الاول من مارس الحالي جاتني الدورة اعزكم الله كالعادة فوقتها تماما ولاحظت انها متغيرة شوي في عدد الايام دغيا مشات من بعد تلات ايام و فالعادة كاتجيني 6ايام و حتى شكلها مختلف بحال دم متكتل الا بغيت المرحاض اعزكم الله و قليلة المهم قلت وقيلة عادي ولكن نهار 10 فالشهر خملت و هزيت التقل و هو يشدني وجع خفيف الله يشافيكم ويعافيكم و نزل مني افرازات بنية و حمراء فاتحة المهم تخلعت غي صبح الحال حللت فالدار و طلعو خطين حمر واضحين و دغيا بانو المهم مشيت عند الجينيكو قلباتني مابان ليها والو بالايكو ديال التحت عطاتني نعمل تحليلة ديال الدم لقات 900,52 يعني واضح الحمل المهم نصحاتني بالراحة التامة و المتبتات وموعدي معاها بعد 15 يوم ولكن الافرازات باقا بنية قربات تكحال و احيانا احمر او برتقالي فاتح و شوية مابقا والو البارح و اليوم غير فاش كاندير القويلب شوية الا مسحت بورق التواليت كانلقا شوية اعزكم الله و راني خايفة حينت صار لي اجهاض مرتين قبل ماعرفت اش هاد الشي جاني الموعد بعيد و ماعرفت واش الا درت التيست يبان الا كنت باقا حاملا و لا لا حالتي حالة جاوبوني الله يرزقكم الفردوس الاعلى او لا دعيو معايا بتبات الحمل

---

hgfkhj lpjh[h;l ]og, qv,vd

12مشاهدة ولا رد غي دعيوة بعدا

اختي الله يسمعك خبار الخير أو متخلعيش ربي راه كبير* الله افرحنا أجمعين أو يرزقنا الحرية الصالحة والسليمة انشالله

عن طريق : samsung – SM-N9005

الله يتبت حملك اختي ان شاء الله خير غير كما قالت لك طبيبة حاولي ترتاحي لك.

اختي عادي فالاول ديال الحمل كاين لي كايهبطو منو إفرازات بنية الجنين كيتبت راسو حتا انا كانو هبطو مني فالحمل. دابا ماعليك غي بالراحة كيف قالت ليك الطبيبة. الله يفكك علا خييير

ما عليك اختي غير بالراحة و الماكلة و النعاس ههههه
ان شاء الله يشد بلاصتو و رخفي نفسيتك و طلبي ربي و ان شاء الله ربي يكمل عليك فرحتك ان شاء الله

اختي ام عبد الله جزاك الله خيرا و نعم بالله كانتمنى ليك اختي الدرية الصالحة و صلاح الامر

راني كانحاول اختي مرجانة لهلا يخطيك احبيبة

اللهم امين اختي و لهلا يخطيك طمنتيني شيئا ما الله ينولك لي قبالك

داك الشي لي كاندير اختي و الله يفرحك حتى نتي باش ماتمنيتي