البنات لقاو ليا حل واش أنا السبب في عملية الاجهاض؟؟؟؟؟؟؟؟؟؟؟؟؟؟؟؟

بقى فيها جات لعندي في شهر يونيو قالت ليا واش نلقى عندك شي 1000 درهم
ونرجعها ليك في شهر أكتوبر
أنا ما سولتهاش على التفاصيل حينت أصلا ما تلاقيتش معاها
قالتها ليا في البورطابل
وأنا خليتها لماما في الدار وقلت لصاحبتي دوز للدار تاخدها
المهم خدات الفلوس
وتلاقينا من موراها شحال ولكن ما جاتش الفرصة باش نتكلمو في التفاصيل
و في هاد الشهر مع الدخول المدرسي في الكلية
نسيت ما قلتش ليكم هي فاش بغات تاخد الشيك
كتب ليها 2 شيكات 1000*1000 درهم
زعما واحد ليا وواحد ليها
وهاد الشي كلو أنا ماعرفتو حتى لهاد الأيام
ودابا أش غادي ندير أنا وصاحبتي واش حنا مذنبين
حينت أنا فاش عاودات ليا هاد الشي ماكانوش عندها الشيكات ديك الساع
وأنا مازال ماخديتهم حينت طلع ليا الدم وحيحت عليها
وقالت ليا إلى بغيتي الولد نديك عندو
حينت باغيا نتأكد أش دار بالفلوس

البنات أنا غادي نحماق إلى ماجوبتونيش

عطيوني شي رد صائب الله يجازيكم بخير

---

hgfkhj grh, gdh pg ,ha Hkh hgsff td ulgdm hgh[ihq????????????????

السلام عليكم ورحمة الله وبركاته
اختي امينة
انت كتحسي بالدنب
لكن اختي معليك والو لانك معرفاش الفلوس لاش بغتهم صديقتك
الغلط ديالها كان عليها تقول ليك على السبب
نتمنى من الله اجعل ليك مخرج من هذا الضيق

عليك اختي بهذا الدعاء:
اللهم لا سهل الا مجعلته سهلا وانت تجعل الحزن اذا شئت سهلا
اللهم يا مسهل الشديد و يا ملين الحديد و يا منجز الوعيد ويا من هو كل يوم في امر جديد
اخرجني من حلق الضيق الى اوسع الطريق بك ادفع ما لا اطيق و لا حول ولا قوة الا بالله العلي العظيم

السلام عليكم و الرحمة

اختي لحبيبة ميس امينة

بالنسبة لهاد المشكل لي وقع كله انتي ما عندك حتى شي ذنب فيه وما عندك حتى يد فيه

اللوم كله و العتب كله على البنت لي عاونات الولد على هاد المعصية

هوا اخطا كان عليه يتحمل مسؤولية الخطا دياله و الحل هو انه يتزوج بالبنت ويسجل الولد فسميته

اما الاجهاض فراه حرااااام فالشرع و فالقانون وجريمة لا تغتفر لانه قتل للنفس بغير حق

لي كيشفع ليك اختي هو انك ما كنتيش على علم بهاد الجريمة وعطيتي الفلوس بنية المساعدة

وكان الهدف ديالك تفريج الضيق على اختك المسلمة

وان شاء الله انتي عندك الاجر على نيتك لي نويتي ولكل امرء ما نوى

وهوما عليهم الذنب كله ما يمسك منه حتى ذرة

من حقك اختي دابا تاخذي الشيك ديالك وتاخذي فلوسك لانها حقك وكانت سلف على نية حسنة ترجعيها حلال عليك

ما تشغليش بالك بزاف بهاد الموضوع عادوك دراري تيلعبو جابوها فروصهم وكيف تيقولو تيديروها الصغار ويوحلو فيها لكبار

ايوا نساي وما تلوميش راسك على شيء ما درتيهش

الفطاطم شكرا ليك على المرور العطر دائما متألقة
شكرا على الدعاء

السلام عليكم
الأخت أرجوانة كيف عاملة لباس عليك
نتمنى تكوني في أحسن حال
المهم راني اللي فهمتو من خلال الكلام تاعك أنك فهمتي الموضوع
وأنا راني مدايرة مع هاد الصديقة تاعي باش تجيب ليا الشيك بلا ما نوسع الموضوع
حينت أنا تمنيت لو أن هاد الولد غير كدب على صاحبتي وخدا من عندها الفلوس
وما كين لا إجهاض لا والو هاد الشي علاش بغيت نتلاقا مع الولد ونسولو
وهاديك صاحبتي حسابي معاها حتى لمن بعد
وشكرا على مرورك وعلى التفهم تاعك

عليكم السلام و الرحمة

لباس الحمد لله بسول فيك الخير انتي لباس عليك ؟

اختي لا شك فهمت الموضوع

حاولي مع البنت تخليك تلاقاي مع الولد ويلا كان كذب عليها راه يكون اهون

الله يهدي ما خلق وصافي

السلام عليكم ورحمة الله وبركاته
اختي امينة نتمنى تكوني احسن ما يرام
مديري في بالك اختي والوا
حتى انا متفقة مع ارجونة فلوسك خوديهم
الله ايسر الامور اختي امينة

السلام عليكم اختي كنظيف كلامي لكلام لبنات انتي لا ذنب ليك فهاد شي لانك ما فراسك ما يتعاود الله يهدي ما خلق والله يرد بنا للخير

انتي لا ذنب ليك فهاد الشي
لانك ما فراسك والو
مع انه على الاغلب غادي تكون البنت اللي كدبات على الولد باش تشد منه الفلوس

راها ولات موضة هاد القضية

الله يهدي ما خلق و خلاص و الله يكون بنا

السلام عليكم ورحمة الله وبركاته
اختي امينة فينك اش مزال درتي
بالي معالك اختي
خيرا انشاء الله