البنات قفرتها مع سلو ههههه

و الله فضيحة هدي مانعرف اشنو طرا لي راني حمرت الزنجلان لبارح و مع بالليل الضو ديال الكوزينة ناقص عندي واقيلا فت فيه التحمار شوية اليوم حمرت الطحين قليت اللوز ومنين طحنت الزنجلان ما انتبهت بان اللون مغلوق حتى درت تقريبا نصف كيلو فوق الطحين و توقفت دابا بغيت نعرف واش هديك نص كيلو ديال الزنجلان المحمر بزاف واش غادي تاثر على 2 كيلو ديال الطحين واش نلوح كولشي عتقوني راني مفقوصة حيت اول مرة نصاوبو بوحدي فداري

---

hgfkhj rtvjih lu sg, iiiii

في نظري مغاديش يتأثر زيدي عليه شوية لوز

اختي انا كان طرا لي بحالك واحد المرة حمرت زنجلان و انا صايمة وكان رومي لونو ماتبدلش مع التحمار و مني طحنت ما ضقتوش و مني خلطت سل جاني فيه مداق المرورة الا قدرتي ديري واحد جديد والله يوفقك

فكرتيني فاول مرة كاندير سلو وجدت كولشي وبقالي غير نحمر الطحين وانا بديت وهي تجي خالتي قالتلي جيبي ابنتي نحمر ليك وحمراتوووو مزيان وخرج مر شنو نقوليك وخويا مات عليا بالضحك وانا تفقست
شوفي شري جلجلان جديد وحمريه وقاديه وزيديه حسن ليك ماتزيدي المحمر بزاف يمشي يضيع ليك كلشي نتي الان اول مرة وكلشي غايبقى يدوق ويتفلسف .و ماتقولي لحد ها شنو درت ضروري اول مرة كايكون ارتباك منبعد تولي حادكة .تبارك الله عليه رمضان مبارك

الزين بلا متفقصي فراسك كلشي ليه الحل

هانتي هزي منو شوية يعني داك الخليط و عملي فيه سلو يعني ديري الزبدة او العسل عادي و دوقي شوفي واش باين فيه المرورية ديال الجنجلان او لا و إلى كان باين شري ليك جنجلان اخر و حمير غير شوية و زدي شوي ديال اللوز باش مايبانش داك نص كيلو لي درتي

و داك لي شاط ليك حطيه فشي قرعة و كتبي فيها ها نتيجة التحمار بالليل ههههههههه ضحكتني اختي فكرتني واحد السيدة فصلات الصالون بالليل و بالملاين و من جابوه ليها الدار كاتنتف فشعرها و كاتقول ليهم ماشي هدا صالوني هههههههههه شفتي الخدمة ديال الليل اش كادير لا كاتصلاح غير اللنعاس هههههههههههه نشد فيك شوية باش ماتفقصي لينا و تصدقي تزيدي تلفي

الذين يشاهدون الموضوع الآن: 8 (4 من الأعضاء و 4 زائر)

أمري لله, سهامسهام , nora.5 , شهرزادشهرزاد

حتى الزوار مساكن باغين افكو حريرتك لي بلا وقت ههههههههه

و الله حتى قتلتيني بالضحك بالحق ما متش هههه سري آلزين الله يعطيك مانوتي ديكيشي نيت اللي درت من بعد نرد عليك الخبار واش آثار الجريمة ما بقاتش انا عندي واحد الراجل حتى حاجة ماتفلت ليه فالمذاق شتي اللي راجلها كويزيني اشنو كيطرا ليها ههه هادي مرة هادي حامضة هادي ناقصاها الملحة هههه بالحق مسكين كيصبر على الكوارث ديالي هههه
شوفي راني قييمت الرد ديالك حسبي فلوسك

كنشكر كل وحدة دحلت و اعطت الرأي ديالها الله يجعلها فميزان حسناتكم و عواشركم مبروكة

اختي ما تفقسيش
ديري بالنصائح اللي قالو ليك البنات
دائما اول مرة كنخطئوا وكنقفروها لكن من بعد ملي كتولي عندنا الخبرة كنبقاو نضحكو على راسنا
رمضان مبارك سعيد

اختي في نظري ما كنضنش انكي حرقتيه باش امرر لي سلو غير توكلي و كملي كنخمم في تنقية جلجلان هي لي صعيبة و حاولي تزيدي السكر و العسل و نودي نايدة