البنات بغيت شي طريقة لترقاد الزيتون

البنات عفاكم عندي ط§ظ„ط²ظٹطھظˆظ† الاخضر وا بغيتكم توريوني كيفاش نرقد هنت ديك لعام درت و مصدقش لييا و داب بقيت منكم تعطيوني الطريقة المزيانة اللي كديرو والله يجازيكم بالخير .
🙂

---

hgfkhj fydj ad ‘vdrm gjvrh] hg.dj,k

اوا معجبكمش الطلب ديالي زعما حتى وحدا مكتعرف ترقد الزيتون اوا بارك الله وا فيكم هادشي :mad:اللي غادا نقوليكم.

حسناء امنتانوت لباس عليك ….
فايت نزلت طريقة للزيتون بالجزر معرفت فين هيا ….
ولكن غادي نقول على اسهل زيتون
ضربي الزيتون بالحجرة او شرطيه بالمووووس
عمليه في اناء كبير و تبقاااي تبدلي ليه الماء كل نهار لمدة اسبوع
ونهار الثامن فرغي الماء و اضيفي ماء اخر و الملح و ورقة سيدنى موسى و كامون عصير حامض و راس راس سكنجبير "غير مطحون" هداك اليابس و فلفل حار و قليل من زيت الزيتون
بصراحة اظيف الزعتر اختياري
و اعمري الاناء حتى افوت الزيتون "سامحني على التعبير الركيك "
سدي لايام و بصحة و الراحة

شكرا لك حبيبتي ام الحلوين على مرورك الجميل و على تقديم المساعدة لي الله يخليلك ولداتك يارب اميييييييييييييييييييييين انا في انتضار تتمة.

اختي انا بغيتو لمرقة مشرحتوش غير درت ليه الماء وتنبدلو ليه يوميا حيت بغيتو دغيا يوجد اما الا مزربانا عليه بدليه كل 3ايام من بعد ما يبد يحلى ديري ليه الحامض و الثوم اوسدي عليه خليه شي ايام اوها زيتون واجد نتمنى نكون فدتك

اسعدني مرورك اختي ام اسامة و لك جزيلا الشكر

انا نقوليك الطريقة ديالنا تنجيبو الزيتون الاخضر وتنغسلوه مزيان وتنشرطوه بالموس كل زيتونة 3 شرطات او 4 على حساب واش كبيرة ولا صغيرة ومن بعد نديروه في شي قرعة زجاجية او ديال الزيت ونعمرووه بالما ونخليهم لمدة شهر منحاديوش فيه ياكي ومن بعد شهر نبداو نبدلو عليه لما كل يومين او 3 ايام شي 5 مرات او 6 المهم فاش تبداي تبدلي لما تبقاي مرة مرة ذوقيه واش رجع حلو وفاش تلقايه رجع حلو ديري ليه الحامص مقطع طريفات والملح والمعندوس ولهريسة وحتى الى كانت تعجبك الثوم …تقيريبا هاد الشي تيجي في الزيتون لي مهرس بالحجرة اسمو مسلالة والى بغيتي غي تشرطيه تقدري تكتفي غي بالملح والحامض او هداك لي اسمو لرنج داير بحال البرتقال ولكن حامض بزاااف تيجي احسن من الحامض فاش ديريه في الزيتون وبالصحة والراحة وكل واحد وطريقتو عزلي واختاري هههههههههههههه لي جاتك ساهلة

شكرا لك اختي اصالتي في لباسي ديما مسانداني في مواضعي لهلا يخطيك الزين راني درت ليه بحال الطريقة اللي قلتي و فعلا جا زوين غير انا مخليتوش شهر كل 8 ايام كنت كنبدل ليه الماء طريقة الام ديالي الله يخليها لييا و يخلي جميع الامهات لمهم حتى حلا اوا داب انا كانكل فيه وآآآاو جا بنين و كنشرلم كيجي زوين الله يعطيك الصحة

راه الاخوات فادوك غير نصيحة ما تستعمليش ملح ديال الحانوت استعملي الملحة الحية حيت الملح فيه اليود وتيخسر الزيتون