السلام عليكم ورحمة الله هاد العشية صاوبت بريوش جاني غليض بعد ما خمر و ما طاب فالفران يمكن كان خاصني ندير 2 يجيوني ضراف المهم قبلو علي وللي فايتة مجرباه تعطيني نصائح وكيفاش نقدر نوقو انا ياالله مبتدئة وباغا نتعلم هههه كيما يكولو سال المجرب لا تسال الطبيب و شكرا
المقادير اختي على الراس والعين …
1كيلو دقيق ابيض
قبصة ملح
200غرام زبدة لينة
4ملاعق كبيرة سكر
ملعقة كبيرة خميرة الخبز
2بيضات
نصف لتر حليب
الطريقة…
كنخاطو الملح و الدقيق نجوفو وسطهم ونزيدو الزبدة و السكر والخميرة والبيض و نزيدو الحليب بالتدريج مع التحريك نكونو عجينة و ندلكوها انا دلكتها شي 5دقايق
.نقسمو العجين على3 متساويين و نديرو كل واحد على شكل قضيب سيكار ونجمعو الثلاثة من الراس ونبداو نضفروهم ونجمعو الاطراف نديروه فصينية الفرن نخليوه يخمر مدة 45 دقيقة او ساعة
.من بعد كندهنوه بالبيض ويدخل الفران ساخن بدرجة 200لمدة نصف ساعة مع المراقبة
اه ونسيت نقوليكم هاد المقادير يديرو ليك 2 وحدات يعني قسمي العجينة على 2 وكل طرف ديري بيه3 قضبان و ضفريهم
في امان الله
hgfvd,a hgvqh hdgh lh ]og, , u’d,kd vhd;l
قولي ليا واش درتي كيلو دقيق وخرجتي منو غير ديك الضفيرة — الا كان الجواب نعم اكيد غتجيك غليضة لانو كيلو دقيق يخرج ليك بزاف
وموفقة باذن الله
