البايلا من ايد عيون بريئة

المهم نخليكم المقادير والطريقة المصورة

المقادير
3 خيزو مقطع قطع صغار
1 فلفلة..مقطعة قطع صغار(الا عندك فلفل اللي بالالوان يكون افضل)
1بصلة كبيرة…مقطعة قطع صغار
قسبر ومعدنوس
نديرو خيزو والفلفل و البصل والقسبر والمعدنوس يتشحرو مزياااان في الزيت ونظيفو ليه العطرية (ملح.ابزار.تحميرة.سكنجبير.زعفران.شوي كمون.1كنور ديال الحوت)
ملي يتشحر مزيان نظيفو ليه 1 مطيشة مقطعة صغييييرة و 2 معالق كبار solis

(دوك 2 طويجنات فيهم الكروفيت و لحم ديال الدجاج ..من بعد نحتاجوهم :rolleyes:)

من بعد نظيفو ليه 2 كيسان او 2 طاسات (على حسب الرغبة) ديال الروز

ونظيفو ليه الماء (مقدار 1 كاس ديال الارز نديرو ليه 2كيسان ونص ديال الماء)

ونخليوه حتى يغلي الماء ونحيدوه على النار

دبا ناخدو الصينية اللي نطيبو فيها ط§ظ„ط¨ط§ظٹظ„ط§ ديالنا في الفران
ونصبو فيه الخليط ديال الروز

ناخدو الكروفيت واللحم ديال الدجاج نديروها فوق داك الخليط

(الا عندك الكلمار هو من الاحسن ديريه مع الكروفيت /انا معنديش وعوضتو بالدجاج ويمكن ليك تعوضيه بالكفتة ))
ونغطيوه ببابيي الومنيوم وندخلوه الفران

نخليوه يطيب ومرا مرا نطلو عليه نشوفو واش مزال فيه المرقة حيت خاص منخليوش فيه المرقة

بحال الصورة

وها ط§ظ„ط¨ط§ظٹظ„ط§ ديالنا واجدا

((يمكن ليك ديري بالزيادا و الا بغيتي يكون مذاقها ممتااااااز زيدي فالكلمار والكروفيت كتجي لديييييدة وجربوها والله متندمو)))

كل واحدا تدخل دوق وترد لخبار 😉

وبالصحة والراحة

---

hgfhdgh lk hd] ud,k fvdzm h[d

السلام عليكم ورحمة الله وبركاته تبارك الله عليك اختي شهتيني فيها الله يعطيك الصحة

شكرا مشرفتنا الغالية على مرورك العطر

انا كتحمقني البايلا

كنلقى نبقا غير هي ناكلها ههههههه

تبارك الله عليك الغزالة كتشهي

ما شاء الله اختي عيون بريئة
بايلا غزلة
لا تحريمينا من جديدك

مشكوووووور والله يعطيك الف عافيه

ههههههههههممم شهتيني راني كنحماق عليها ربي يجازيك راني دقت و جاتني لديييييدة الله يعطيك الخير
عواشر مبروكين

تبارك الله عليك الله يعطيك الصحة

مشكوووووور والله يعطيك الف عافيه

بالصحة والراحة اختي الغالية
حتى انا بحالك ملي كنديرها مكنكلش شي حاجة تانية غير هي
ممممممم
شكرا الحبيبة ديالي على المرور