21/2/2019
السلام عليكم الأنيقات اليومة غادي نوريكم طريقة مختلفة لتقديم ببوزروك نبداو على بركة الله حاجتنا في
أي نوع من ط§ظ„ط¨ط§ط³ط·ط§ موجود عندك في الدارتقريبا 250 غرام
معلقة كبيرة ديال الملحة الحية
2معالق كبار ديال الزيت بلدية
ضرس تومة
2معالق كبار معدنوس
250 غرام عصير طماطم
مطيشة مقطعة مربعات
وكيلوديال بوزرود بقشورو
إلالاحظتو مادكرتش لاملح لا إبزار وغادي تعرفو علاش إلا تبعتو معايا المراحل
كنحكو بوزروك مزيان ونحيدو ليه الربيع اللي كيكون لاصق فيه ونغسلوه مزيان واحنا طالقين عليه الما دالروبيني وسمحولي حيت ماصورتش هاد المرحلة يدي غير بوحدي منبعد كنديرو بوزروك في شي طنجرة فوق عافية مجهدة نغطيو الطنجرة ونحسبو شي 3دقايق غادي نلقاوه تحل كلو
منبعد كنحيدولو القشرة ونخليو شي حبات بقشورهم للتزيين ونصفيو الما ديالو من الرملة ونحتافظو بيه حيت هواللي غادي نستعملو في الطياب بلا مانديرو لا ملحة لاإبزار وتيقو فيا إلا قلتليكم كيعطي مداق رائع للصلصة وحتى الملوحة كتجي مقادة ماناقصة مازايدة
منبعد كنسخنو الزيت البلدية نزيدو ليها ضريس دالتومة محكوك وشي حبات ديال بوزروك ونقليو التومة شوية
كنزيدو عصير الطماطم وإلا ماكانش نقدرو نعوضوه بجوج معالق كبار ديال مطيشة الحك مطلوقة في زلافة ديال الما نزيدو ليها الما كلو ديال بوزروك
نزيدو معلقة كبيرة ديال معدنوس
كنزيدو بوزروك كامل حتى هاداك اللي بقشورو نتسناو تغلا الصلصة ونحيدو هادوك اللي بقشورهم نخليوهم للتزيين
في هاد الوقت كنكونو سلقنا لا بسطا في الما والملحة الحية شي 10 دقايق نزيدوها على الصلصة باش تكمل طيابها نزيدو مطيشة المقطعة مربعات ومغروف من الما اللي طابت فيه ط§ظ„ط¨ط§ط³ط·ط§ والمعلقة اللي بقات من المعدنوس
نخليوها تكمل طيابها شي 5 دقايق ونطفيو عليها وهاهي وجدات بالصحة والراحة
سمحوليا على التوقيع ما عرفتش علاش خرجو ليا الحروف هاد المرة مشتتين هههه والسمية مقلوبة هههه
هادا طبسيل باقي سخون لأول وحدة ترد على الموضوع ديالي
بالصحة والراحة
لاتنسونا من صالح دعائكم في أمان الله
hgfhs’h hgg`d`m ffgp hgfpvlk l’fod ,fhgw,v ffg]
تم تصغير الصور + كتابة الاسم
+
التثبيت واحلى تقييم
المرة المقبلة حاولي تصغري الصور من برنامج الرسام للي عندك في الكوميپوتر
احلى تقييم لك عزيزتي
المشاركة الأصلية كتبت بواسطة *ليلى أم سارة* 
تم تصغير الصور + كتابة الاسم
+
التثبيت واحلى تقييم
المشاركة الأصلية كتبت بواسطة *ليلى أم سارة* المرة المقبلة حاولي تصغري الصور من برنامج الرسام للي عندك في الكوميپوتر
شكرا بزاف مشرفتنا الرائعة متصوريش شحال فرحت وإن شاء الله نكون عند حسن ظنكم جميعا
المشاركة الأصلية كتبت بواسطة أم هنية ومنصف احلى تقييم لك عزيزتي
شكرا بزاف مشرفتنا الرائعة نورتي موضوعي
المشاركة الأصلية كتبت بواسطة بناتي سرحياتي العفو الفنون
تبارك الله عليك اختي
مع احلى تقيم
شكرا ليك
المشاركة الأصلية كتبت بواسطة المغرب وطني تبارك الله عليك اختي
مع احلى تقيم
شكرا ليك
وعليكم السلام ورحمة الله تعالى وبركاته بارك الله فيك مشرفتنا الغالية
شكرا بزاف