الاستقدام او الزيارة لمن غير مهنة

السلام عليكم ورحمة الله وبركاته
غالياتي انا زوجي في السعودية ودخل السعودية بتأشيرة عامل معماري
وعمله الاصلي مساح عام
ويقوم الان بتغيير المهنة في الاقامة الى مساح عام
فهل اذا قدم على استقدام بعد تغيير المهنة سيقبل
ام ان هناك مايمنع ذالك
واذا رفض ط§ظ„ط§ط³طھظ‚ط¯ط§ظ… هل له الحق في الزيارة
اتمنى اللي يجاوبوني يكون عندهم معلومة اكيدة
واللي متعرفش تدعي معايا الله يسر لي امري وعرسي مايتأجلش
الله يخليكم ليا

---

hghsjr]hl h, hg.dhvm glk ydv likm hgsdhvm

وعليكم السلام ورحمة الله وبركاته
اختي الله يسهل عليك وييسر امورك وديري عرسك في وقته
انا راجلي حتى هو مقيم في السعودية وعاد غير المهنة ديال فالباسبور وكيستنى الاقامة تخرج باش يقدر يدفع الاستقدام واخا قالي انهم بعض المرات كيرفضو بدعوى انه خاص تمر سنة على المهنة الجديدة عاد ممكن تعمل الاستقدام او يرفض بتاتا لانها ماشي المهنة الي دخل بيها المره الاولى
اما بالنسبة للزياره فلي قالي انها متاحة وصاحبه زوجته عربية في نفس الشهر الي بدل فيه المهنة دار ليها زياره ومشات لعنده جلسات معاه 9 شهور

ربي يخليك احبيبة
دابا احنا حددنا العرس من 4 شهور
وقولنا غادي يكون يوم 22 ابريل
ووقعت مشاكل لراجلي بقاو كل يوم تيقولو ليه غدا والاسبوع الجاي ع الاقامة
ومشا عندهم البارح وشافهم فعلا قدموا ليه ع الانترنت لمكتب العمل
والرد غادي يجي اليوم او غدا منبعد غادي يديوها للغرفة التجارية والجوازات وغادي تخرج في نفس اليوم
يعني تغيير المهنة في الاقامة تتاخذ غير 4 ايام بالكثير
ودابا راجلي تيقولي من تخرج الاقامة نقدم ليك على زيارة حيت اضمن
ومن تجي وقبل ماتسالي الزيارة غادي نقدم ليك على استقدام ونتي معايا وتنزلي المغرب اجازة وترجعي على استقدام
وانا دابا مابقيت تايقة في والو تنقول ممكن حتى الزيارة تترفض
مع انه تيقولي انها مضمونة
الله يسر لينا وصافي والله عييت
حيت عائلتي عطاوه مهلة حتى 23 مارس
الا ماعنده جديد غادي يأجلو العرس الله يسر ليا وليك اختي
واللي عندها جديد تبلغ بيه الثانية
وشكرا على اهتمامك وردك احبيبة
وع فكرة انا راجلي مصري وانتي ؟

اختي راه حتا هاد المهنة جديدة متستقدمش ليه ولا تجيب زيارة
الله يسر امرك

لا اختي ليها استقدام وزيارة
حيت هاد المهنة مساح هندسي
اي مهندس مساحة ومعاه شهادة جامعية
والمشكلة ماشي ف هاد المهنة المشكلة انه تأشيرة الدخول عامل معماري
الزيارة تيديرها كولشي ماعدا العامل
جوج تيخدمو مع راجلي واحد نجار والثاني حداد ودارو زيارة لمراتتهم الاسبوع اللي فات
وخرجت ليهم عادي
انا كل خوفي من تأشيرة الدخول حيت عامل معماري
انما مهنة مساح هندسي ليها استقدام وليها زيارة

معنديش اي معلومات الله يسرلك امرك

اللهم امين اختي ربي يخليك ع اهتمامك وردك

دخلت ندعي معاكم الله يسهل ليكم

اللهم آآآآآآآآآآآآمين اختي
الله يخليك على اهتمامك والله يعطيك ماتمنيتي

اه احبيبة انا راجلي مصري وفعلا كايقولي بلي الزيارة متاحة مافيهاش مشكل وحتى الا تسدات من كل الجهات كاتبقى هي الحل ،الله ييسر الامور للجميع فعلا الاجراء ات فهاديك البلاد معقدة وكاتخنق ولكن غير الصبر دابا كلشي يفوت وديري عرسك فوقته وتمشي مع راجلك ان شاء الله ،بالنسبة للاستقدام او الزيارة راجلك غادي يمشي لمكتب الجوازات ولا غادي يشوف معقب؟