الاخوات واش الازواج ديالكم كيعونكم . دخلوا الحل هنا

السلام عليكم
قبل الزواج كل وحدة فينا كتنسج واحد الصورة معينة على الحياة الزوجية و خصوصا تعامل الزوج و الدور ل غدي يقوم بيه. من بين المشاكل ل كتصطدم بيه المراة هو العكز ديال الراجل و عدم مشاركته ف اعباء البيت. هاد المشكل كتحس بيه المراة ل خدامة و المراة ل كتكون عاشت ف ش بيت فيه المحنة. هاد العكز كيولد الكراهية بين الازواج. عندي الجارة جالسة ف الدار و مرة مرة كنشوف راجلها ينشر التصبين او يمسح النوافد . صراحة انا كتجيني الغيرة مش الحسد الغيرة. انا خدامة و خ نكون كنتقطع ميقولش نعاون هاد المراة. ابدا… من كثرة العكز ال ضاع الروبيني حاصنا نجيبو البلومبي. ليس جهلا و لكن عكزااااا. واش حثى انت عندك هاد المشكل او متهربيش
فتحت هاد الموضوع باش
– نعبرو على الاحاسيس
-نناقش الانعكاسات
– هل توجد حلول و اقتراحات

---

hgho,hj ,ha hgh.,h[ ]dhg;l ;du,k;l > ]og,h hgpg ikh

الرجاللللللل اختي انا كان من المعروف على الزوج ديالي انه كيعرف يدير كلشي حادق وقبل الزواج قال لي انه كيطيب وعزيز عليه النقا ايوا ملي تجمع الشمل لقيتو معكاز اول مرة ندخل الدار هنا في الغربة أسبوعين وأنا كنجمع في الأوراق والكتب عاد الدار موسخة المهم كأس ماكيهزوش خصوصا مع الولد دابا حتى الشاي ما كيكبوش إلى كنت معمارها ومشغولة مع الولد ملي كشوف هكذا كنخاصم عليه أما هو كيجوبني ب كلشي من أيدك عسل ماكنلقى من نقول اما فاش ولدت وجئت للدار جاءتني البكية لقيت الدار حالتها والزينة قال الحبيبة وجدي لينا الغدا حتى bed dyal baby مامفرشوش عاد وجدت كلشي والغد جمعت الدار ودرت الرفيسة وهو ناشط وانا والدة ودارو لي الغراز
انا لي ولفتو العكز ودابا كيقول لي خالك مرتاحة را الشقا ما غديش يهرب وانا نفسي حارة …….. الحصول الله يخلينا ليهم

السلام عليكم ورحمة الله وبركاته
حبيبتي عزائنا واحد انا رجلي قليل فين كيعاوني وبيني وبينك ما كيقنعنيش شغلو ههههه غير غا يفقصني وصافي هههههه ختي انا كنتمنى غير بكون مزيان معايا وما عندنا مشاكل فحيا تنا هدا هو الاهم عندي اما بخصوص الى خسرات شي حاجة فالدار هو لي كيصاوبها
تقبلي مروري حبيبتي لي عودة ان شاء الله

ههههههههههههههههه همنا واحد ولكن انا داكش عندي هانية كاع ميعوني خاص غير فاش نكون مسافرة نرجع نلقا داري ا مقدا واخ تكون مغبرا ماش مشكل مشكل راجلي غير نسافر دار تكولي كانو فيها شفاره البيس فيما عندو ش بيسي كيجبد ليه مصارنو ويخليه ويلي تقدا ميكة حدا ميكة اما بيت نعاس خلاص نكون جايا عيانة نبغ غير نرتاح معندي فين نحط رجلي انا طلبتو منو غير ترتيب اما نق خليتو ليه غادي نخمل دار ولكن غير بعدا منتخلع والله كندخل دار كنتخلع لاني كنخليها فشكل كنرجع كنلقها فاشكال

اخت انت طايب ليك القلب
ضحكتني اختي و فكرتني ف اتاي انا بعض المرات تكون البنت ف يدي كنسكت فيها و هو يقولي كبي لي اتاي بحال الى معندوش اليدين

انا مثفقة معاك و لكن اختي العوين مزيان متلا ال كنت غدي ديري 2ساعات ف الشغل ال عاونك غدي ديري ساعة و تجلسو بزوج و بييييييييييييخر مش انت غارقة ف الكوزنة و هو حاط رجل عل رجل وزايدها ب الهدرة واش هاد الغدا مبغاش يوجد

حتى انا متافقة معاك ولكن راه مكرهناش فيه هههههه ولكن الله غالب هاد شي لي عطا الله
انا راجلي حتى الى ناض يعاوني كيخربق كولشي وخاثني نعاود كلشي موراه ولكن كيشد لي الدراري ويدوش ليهم هاد شي لي كيدير مزيان هههههه

أخواتي زيدوني عليكم أنا راجلي ماتايعراف يدير والو و حتى لبريكولت ديال دار ما تايعرفش ليهم أما يعاوني فهاد آخر حاجة نطلبها منو حيت غير تايفقسني غير هو مسكين إلى شافني ف تمارا تايصبر عليا و يقابل لبنت أ تايقولي باراكا عليك حاولي على راسك

هاد المرة ملي تسافري سدي البيوت كلهم ب ساروت و خلي ليه بيت واحد يدير فيه ل عجبو

الى كان كيبغي يعاون متبقايش تعكزيه بالعكس عطيه الحاجة الساهلة مثلا يغسل الماعن يعاونك ف التخمال …. . انا راجلي ميكهرهش انا ل ندوش ليه