السلام عليكم اخواتي
انا جبت ظ„ظٹظƒظ… اليوم ط§ظ‚طھط±ط§ط غادي اعجب الفتيات اللي باقي متزوجوش بحالي و هدا داخل في اطار تعاونوا على البر و التقوى و لا تعاونوا على الاثم و العدوان
المهم بلا منطول عليكم اقتراحي هو انه كولا اخت في المنتدى عندها اخ و لا شخص من الاقارب تتشوفو هي و لد الناس و تيقلب باغي يتزوج تعاونو و لو باقتراح منها او ترشيح بنت من البنات الغير متزوجات في المنتدى و اكيد لديها الاجر الكبير من توفق بين راسين في الحلال و هدا ما اوصانا به الرسول صلى الله عليه و سلم , بشرط يبقى هذا الموضوع بين بنات و نساء المنتدى و كولنا نساء الحمد لله علاش مانتعاونوش بيناتنا و بدل تعارفنا الاخوي هنا نوليو اقارب باذن الله
اما بالنسبة للطريقة فهي كالتالي كولا اخت في سن الزواج و باقي الله ميسرش ليها تكتب مواصفتها و سنها و مدينتها و مواصفات الشخص اللي بغات و ماتحشموش اخواتي لان هذه راه سنة الحياة و نفس الشيء بالنسبة للاخوات اللي عندهم اولادهم او اقاربهم تايقلبو على زوجات صالحات تقيات باذن الله , لانو كاينين طرق كثيرة للحصول على زوج و لكن تنعتبر هذه الطريقة أتقى وحدة لانها فقط من نساء الى نساء و ما فيها باس الى تعاونا بيناتنا على الخير باش اعم الجميع خصوصا في هاد الشهر الكريم
هدا هو اقتراحي المتواضع و تنتمنى انال اعجابكم
اشنو قلتو اخواتي ؟
hgho,hj uk]d gd;l hrjvhp .,dk
والمكتوب على الجبين لاتراه العين
و شكرا لمرورك اختي
أختي أمة الله 26 عجبني الاقتراح ديالك بزاف و ظهر ليا أن نيتك حسنة و بغيتي الخير لنفسك و لأخواتك هنا فالمنتدى الله ييسر أمور الجميع
بالفعل الزواج قسمة و نصيب ولكن الحاجة كا تكتاب و ربي كا يسخر ليها السبب أيضا سواء عن طريق الشغل أو الدراسة أو المعارف …. يعني ما ظنيتش العريس يقدر يجي على عمية و يدق باب شي دار على الله و عاد يسولهم واش كاين شي بنت للزواج. ما فيها عيب أن يتوسطوا ناس و ياخدو أجر مع الله خصوصا الى كانت النية الحسنة من الطرفين …..
أنا للأسف ما عنديش حتى شي مرشح(ة) للزواج ما عدى واحد أختي الله يهديها على راسها تابعة غير خدمتها و باقة ما بغات تتستت واللي جا كا تجري عليه إيوة الله يصاوب للجميع و يبيض سعد كل مسلمة باللي يستاهلها و يتهلا فيها
المشاركة الأصلية كتبت بواسطة أمة الله 26 
ما كين مشكل الزين أنا شخصيا كا نتأثر ملي كا نشوف باقين الناس كا يمشيو بالنية و كا يبغيو الخير لغيرهم كا تتأكدي أن باقين ولاد و بنات الناس الحمد لله … عموما أنا غادي نبقا متبعة الجديد ديالكم ان شاء الله فهاد الموضوع باش الى كان شي توافق و تفاهم نضمن بلاصتي فالعرس ههه
ايوة دخلو يا الانيقات جاوبو ولو بكلمة باش يبقى الموضوع فالصفحات الاولى و تكون فرصة يشوفوه اللويسات المستقبليات ان شاء الله هههه ( كي جيتك أختي أختي أمة الله 26 نصلح نخدم فالحملات الانتخابية ههه)
باين ليا اختي ان كلشي البنات مزوجات عليها ما بغاو اشاركو بقيت غير انا اقدر ههههه !!!
و راكي معروضة للعرس اختي simsimah انتي اللولة, من دابا وجدي راسك هههههه
المشاركة الأصلية كتبت بواسطة أمة الله 26 باين ليا اختي ان كلشي البنات مزوجات عليها ما بغاو اشاركو بقيت غير انا اقدر ههههه !!!
و راكي معروضة للعرس اختي simsimah انتي اللولة, من دابا وجدي راسك هههههه
ربي يخليك ألضرافات
واقيلا الأخوات كاين اللي مزوجات (حتى أنا مزوجة و لكن فضولية مزاحمة ههه) و ربما كاين اللي عندهم فكرة زواج عن طريق وسائط أخرى من غير المنتدى ايوة كلها و القناعات ديالو
و لكن أنا متأكدة كاين الأخوات اللي عجباتهم الفكرة و لكن مترددين ف نتمنى تتشجع شي وحدة و تفتتح
حصة التسجيل ديك الساعة الى بانت الجدية د الاقتراحات كا نظن كلشي اللي عندها شي مرشح(ة) غادي تجيبو/تجيبها
يالله سربيونا را التكشيطة غاملة فالماريو بغينا نلبسو و نحضرو تا احنا كي الناس :-]
واش ماشي الافضل ينقل الموضوع لمنتدى اخر من غير الاسرة و الطفل ؟ ربما المنتدى العام أو منتدى الفتاة
لأن منتدى الاسرة و الطفل ربما يكونو أغلبية زائراته أمهات و متزوجات يعني غير مرشحات ، كا نظن البنوتات العازبات أ يكونو أكثر في منتدى الفتاة أو العام اللي كا مشي ليه كلشي
و ما نعرف ثاني شنو رأي الاخوات المشرفات هوما أكثر دراية ؟