افكار منزلية من الراديو لعندكم

باش تمسحو الخشب كتاخدي 2 معالق حبوب اتاي وتعمليهم بماء طايب حتى يطلقو وتصفيوه وتمسحو بالماء ديالو الخشب.

الى تحرقت ليك الماكلا في شي طنجرة اولا طاجين اولا كوكوط كتاخدي الملح والماء
وتخليه يغلى 15 دقيقة وتحيديه وتغسليه عادي.

الى بغيتو تحكو الماعن ديالكم بالجيكس كتخلطو الخميرة مع الصابون البلدي
انا مجربة هاد الطريقة كترجع المواعن جدآآآد ولكن انا عملت خميرة ديال الحلوى
وفي ط§ظ„ط±ط§ط¯ظٹظˆ سمعتها قالت خميرة ديال الخبز

لمحاربة هاديك الثونيا لكتكون في الملابس اولا الزرابي كتاخدو قشور حامض+ خزامة+مرددوش + زعتر ونعملوه في كميسة ونحطوه وسط الملابس كيحارب هاديك الثونيا بالاضافة الى رائحة زوينة.

من المعروف الترموسات ديال القهوة اولا الحليب كتبقى فيهم ريحة خيبة
باش نحيدو هاد الريحة:
ترموس القهوة:كنحطو فيه ماء مغلى+عود قرفة+عود قرنفل ونخليوه وسط الترموس واحد 15 دقيقة ونخويوه.
تموس الحليب:كنحطو فيه ماء مغلى+طرف الثوب فيه الفورس ونخليوه حتى هو 15 دقيقة ونحيدوه.

الى صبنتي الزربية التشليلة الاخيرة عملي فيها الخل وشليها بيها وعلقيها تنشف.

الباب ديال الثلاجة مسحوه بزيت الاطفال "جنسن"
وفي الاخيرة الى بغيتو تغسلوها حتى هي الماء + الخل
باش نحيدو الريحة الخايبة من الثلاجة : الماء والخل نوضعوه يتبخ فوق البوطة ثم ندخلوه للثلاجة 12 ساعة بلا منحلوها .

هادي وصفة الاخيرة ولكن مفهمتش الهدف انا غادي نكتبها ليكم لعل وعسى شي وحدة من المنتدى تكون عندها فكرة:
قالو الى جاو عندك الضياف على غفلة تعملي التفاح في الماء بارد ثم مباشرة في الماء طايب ولكن الهدف المنشود معرفتش

كنتمنى تكونو استفدتو من هاذ الافكار لي نقلتها على قبلكم حبيباتي
ادعومعي الله يسر لي في زواجي

ht;hv lk.gdm lk hgvh]d, guk];l >>>>>>>>>>>>>>>>