افكارمن كوزينيتي لكوتي للمدرسة لكل ام حائرة شنو تعطي لوليداتها

اولا الكب كيك بنفس المقادير ممكن نغيرو غير فالزواق مقادير خديتهم هادي شحال من اناقة ماعقلتش على صاحبة الوصفة تسمحلي

100 غ زبدة بحرارة المطبخ
كاس سنيدة
2 بيضات كبار او 3 صغاار
قبصة ملح وفاني
جوج كيسان دقيق (كاس اتاي هو الي كانعبرو بيه)
وجوج خمارات الحلوى
ناخدو زبدة وسكر نطربوهم مزياااااان بالطارب الكهربائي حتى يتجانسو نزيدو قبصة ملح وفاني والبيض وحدة بوحدة يعني نزيدو وحدة ونطربو مزيااان وتانية وهكدا ونقصو سرعة الطراب
زنزيدو دقيق وخميرة
هاهو العادي كنت زدت عليه قشرة ليمون محكوكة وزوقتو بكونفتير وكركاع مهرمش

نجيو لاول واحد كب كيك بمايزينة
نفس المقادير غير هو عوضت نصف كاس دقيق بنصف كاس مايزينا كايجي هشيش وضعتو فكويغطات ودردرت عليه الاكاجو ممكن اي نوع مكسرات لوز كاوكاو …

الكب كيك رقم جوج حتى هو نفس المقادير ولكن عوضت نصف كاس دقيق بنصف كاس شكلاط غبرة وزدت حتى نقيطات روح زهر من بعد مانحطو العجين فالكويغطات نرشو بشكلاط مقطع طريفات

تالت واحد والي عجب ولدي بزاااااف هو كب كيك الايس كريم
نفس مقادير الكب كيك العادي ولكن تعوضي كواغط الكب كيك بكورني ديال الايس كريم عمرتهم غير نص باش مايفيضوش وماللي طابو زوقتعم بالشكلاط وحلوى ملونة

والاخير هو كب كيك بالتفاح صحي ختى هو نفس المقادير ولكن نقصت منهم نصف كاس دقيق
ولكن ضفت على الخليط تفاحة مقشرة ومحكوكة فالحكاكة وشوية قرفة

وهدا اقتراح اخر هو صابلي ممكن تزينيه بأي حاجة يبغيوها وليداتك وبأي شكل عزيز عليهم
المقادير ممكن ضوبلوهم
150 غ زبدة من الاحسن تكون الخاصة بالحلويات
كاس سكر جلاصي
جوج بيضات
قبصة ملح
وكاس زيت
2 خمارات
فاني
نخدمو الزبدة مع سكر والقبصة ملح فاني نزيدو الزيت والبيض من بعد دقيق حسب الخليط وخميرة الحلوى ونشكلوهم كيف بغينا قطعتهم بقطاعة شكل دبدوب زوقتو بالشكلاط من ضهر وحلوى ملونة

نتمنى انه يكون عجبكم الموضوع واستافدتو منو
طلبي دعوة من القلب بالصلاح لوليداتي ويعاوني على تربيتهم

ht;hvlk ;,.dkdjd g;,jd ggl]vsm g;g hl phzvm ak, ju’d g,gd]hjih g;l