اطباق الدجاج مصورة لعيونكم

ثبت بتاريخه
oum hedayah

اش اخباركم لباس عليكم،غادي نحطلكم مجموعة من طبخات

الدجاج كنت حضرتهم مدة هده واليوم قررت نحطهالكم في ملف

واحد.

نبداو بسم الله:

1 رجل بيبي في الفرن:

رجل بيبي بدون عظم

كنور نتاع الثوم والربيع

ملح،ابزار

1/4 كاس خل

2 م ك صلصة الصوجا

عطور خاصة بالدجاج

1 م ص طماطم مركز

1/2 م ص كاري

1/2 م ص سكين جبير

كنخلطو المقادير كلها وكنفركو رجل بيبي مزيان بالتدبيلة

ونفلحوها بالسكين

ونخليوها مدة 3 ساعات

من بعد كنجمعوها بخيط خاص بالطبخ,كنوضعوها في اناء يدخل

الفرن ونغطيوها

ندخلوها الفرن حتى طيب،نزولولها ورق الالومينيوم ونخليوها

حتى تحمر

وهاهي واجدة.رافقتها بشفلور مفور ودوزتو في

البيض+ملح+ابزار+تحميرة ومعدنوس وقليتو

وبطاطا محكوكة+بيض+ملح،ابزار،معدنوس وقليتها حتى هي

---

h’fhr hg][h[ lw,vm gud,k;l

2 فخيضات الدجاج مشويين:

فخيضات الدجاج

1 طماطم محكوكة

1 دانون طبيعي

2 ثوم محكوك

ملح،ابزار

1 م ك زيت

2 م ك عصير الحامض

كنفلحو فخيضات الدجاج بالسكين

كنخلطو مقادير التدبيلة

ونرقدو فيها الافخاض مدة على الاقل ساعة

من بعد كنشويوهم في المجمر نتاع الفحم حيت كيعطيهم واحد

اللدة رائعة ومكتشبعيش منهم

وهاهما واجدين رافقتهم بروز

كتوضعي 1 م ك زبدة مع 1 كنور بنة الحوت في مقلاة

منين دوب الزبدة ضيفيلها الروز مسلوق وقليه حتى يتشرب اللدة

ضيفي القزبر،ملح وابزار

وجمعيه ببيضة مضربة

3 فخاض الدجاج على طريقتي:

افخاض الدجاج

عطور خاصين بالدجاج

ضويمة نتاع الثوم او ثوم غبرة

كنوضعو فخاض الدجاج في وعاء وكنضيفولهم 2 م ك من عطور الدجاج وضويمة

كنوضعوهم يفورو في كوكوط مدة 40 د

من بعد نقليوهم او ندخلوهم الفرن حتى يتحمرو

وهدا هو الشكل النهائي ،رافقتهم بطاطا مقرمشة

كتاخدي واحد 4 بطاطات وكتغسليهم مزيان من الثراب وخليلهم القشرة

وكتقطعيها انصاف تكون رقيقة شوي باش طبليك

كناخدي بلاستيك غدائي وكتوضعي فيه 3 م ك دقيق،ملح،ابزار، 1

م ص خمارة حمراء،ثوم غبرة،1 م ص فلفل احمر ونخلطو مزيان

كنضيفولهم البطاطا ونسدو البلاستيك ونحركو الكل .نخليوهم 1/2 ساعة .ونقليوهم

نتمنى اطباقي تعجبكم ومنكونش طولت عليكم

تبارك الله عليك اختي هادشي تيشهي ورائع الله يعطيك الصحة

الله يعطيك الصحة الحبيبة هدشي كيشهي تبارك الله عليك

تبارك الله عليك اختي

تبارك الله ماشاء الله مشرفتي رااااااائع الله يخلي ليك صحيحتك و الله يحرم هادوك ليديدات على النار
5 نجمات

المشاركة الأصلية كتبت بواسطة fidaa

الله يعطيك الصحة الحبيبة هدشي كيشهي تبارك الله عليك

المشاركة الأصلية كتبت بواسطة bobossa

تبارك الله عليك اختي

الله يبارك فيكم ويسلمكم ومشكورات على مروركم العظيم

امين ياربي ولهلى يخطيك علي والله يخليلك ماعز عليك ويفرحك
وشكرا على التثبيت والتقييم

مشكوووووور والله يعطيك الف عافيه