اشنو نلبس فالخطوبة ديال خويا؟؟؟؟

السلام عليكم اخواتي
غادي نمشي نخطب لخويا نهار السبت و بغيت نعرف واش ظ†ظ„ط¨ط³ جلابة زوينة ولا تكشيطة؟؟؟
عتقوووونيييي بآرائكم الله يجازيكم خير راني تالفة حيت ما كنتش معولة….

---

hak, kgfs thgo’,fm ]dhg o,dh????

أختي لبسي جلبة بقفتنها الله يكمل بخير

الله اكمل بالخير الا كنتو غدي تمشيو غير تهدرو اصافي من احسن جلابة تكون زوينة اما لا كاننتو غدي ديو خطوبة كبيرة يعني فيها شطيح ارضيح من احسن تلبسي تكشيطة

ادا كان غير هدرة غير جلابة اما اذا غاتبرز العروسة والشطيح والكميرة فاللبسة او قفطان من الاحسن

جلابة بقفطانها او جلابة زوينة كافية
الله يسر الامور

بارك الله فيكم على الردود حنا إن شاء الله ناويين نديرو خطوبة فيها تركاب الخواتم
المهم عائلة العروسة عارضينا نتغداو وغادي يكونوا حاضرين غير الناس للي قراب يعني ماشي شي حفلة كبيرة
شنو فرأيكم نديو معانا؟ إانا فكرت فالحنا السكر الحليب توب ديال القفطان و توب ديال التكشيطة و شي صاك و صندالة و ريحة و كوفري ديال ايف غوشي و شي سلة ديال شكلاط و حلوة الكريم عاد الورد و الخواتم وبلغة لمامات العروسة و لباباها
ايوا اشنو بان ليكم هاد شي كافي ؟ شنو نزيد؟

سلام أختي كما قالولك لا بنات إلى غادي تمشي غي ديرو الهدرة من لحسن جلبة خفيفة ضريفة بشربيل ديالها ولا خطوبة عبارة على عشاء كبير ديري تكشيطة والله دكشي بنتكم ديري قفطان والله يكمل بالخير

مبروووك عليكم يا اختي ربي يكمل ليكم بالخير
زيدي التمر و القرآن الكريم

الا كانت اول زيارة و ماشي خطوبة رسمية من الاحسن لبسي جلابة و تكون بقميصها من التحت اما الا كانت خطوبة رسمية و الناس عارضين لبسي قفطان