اسهل طريقة لفتح القنينات الزجاجية

أهلا وسهلا أنيقاتي كيدايرن ناشطات ماشطات ههه الله يخليكم ديما حادكات

ها واحد الحل سريع بسيط باش نفتحو لقراعي لي مبلعين كل وحدة فينا وطريقتها كيان لي تعيا تضر فيها مسكينة….. ومتبغيش تحل الصحة على قد لحال

كل منحتاجوه هو ملعقة

كونضعوها فالمكان المضغوط ونعليو شوية يخرج الهواء وهايا لقنينة تفتحات بكل سهولة
الصور توضح

---

hsig ‘vdrm gtjp hgrkdkhj hg.[h[dm

تبارك الله عليك سناء فكرة بسيطة وأكيد تفيد
فكرتيني في مولات القرعة ديال أملوا ههههه

الله يبارك فيك الزين ههههههههه كنضحك غي راسي علاه مالها ههههههههه

شكرا حبيبتي حتى انا تمدير ليها هكدا
كي دايرين لوليدات البنوتة بدات تتمشى ولا باقي

شكرا اختي

الشكر ليك على الزيارة الجميلة جدا الحمد لله بدات كتمشا ومهبلاني مخلاتلي ميعنات فبلاصتهم مخلات قشاوش ويلى مشيت نسيق داك السطل مشا وكيعجبها لحال حتا كنلقاها كتعوم فلما هههههههههه بالصح السنان قاتلينها وشي سنان مشفتهم ياله دارت 2لتحت ونصوصا لفوق ههههههه ونتي كيف دايرة والبنوتات كيفهم

لاشكر على واجب حبيبتي مشكورة بدورك لمرورك العطر حبيبتي

تبارك الله عليك سنوءة فمرة زوينة تفيد العيالات اللي ماعندهم صحة انا كنت نبغي نطيب الحريرة كنوصل حتى لحد ديال مطيشة وكنوقف حتى كايجي راجلي يفتحها ليا هيلي كندورها هههههه حتالواحد النهار وكنت كنهضر مع ماما شافتني كنضارب معاها وهي تقولخشي الموس مابين الزاج والعلاقة وولات ختك كتفتح القراعي بدون اي مساعدة من الموسيو هههه عاودت ليك قصة حياتي
شكرا مرة اخرى على الفكرة

انا كندير طريقة اسهل من ديالك
هاديك معلقة نيت كنضرب بيها في جناب القرعة حى كتبان بحال ضغطات و كتفتح بسهولة

الله يبارك فيك حبوبة عجباتني قصتك هههههه وشفتي الله يخلبيليك الوالدة مشكورة على المرور الجميل

واحنا هربنا من الضريب ههه ونتي كضربي لقرعة لا للعنف هههههههه تباركله عليك مشكورة على المرور