استفسار حول شقق جنان اللوز بالولفة

هذه أول مشاركة لي في هذا المنتدى وأرجو أن يكون موضوعي في قسمه الصحيح.

الاخوات البيضاويات بلا شك غتكونو سمعتو بتجزئة ط¬ظ†ط§ظ† ط§ظ„ظ„ظˆط² اللي كاينة في الولفة حدى مشروع فرح السلام, هاد التجزئة على حساب ما سمعت تم وهب أراضيها من طرف الملك لساكنة احدى دور الصفيح المجاورة, المستفيدون من هذه الاراضي استعنو بمقاولين في البناء من أجل بناء منازل R+3 (أي ثلاث طوابق بالاضافة إلى الطابق الارضي أو المحلات التجارية), المساحة ديال معظم الشقق هي 80 متر مربع, في المقابل المستفيد كيحصل على شقة (أو شقتين لست متأكدة من الأمر) والمقاول كيحصل على الطابق الاول بالاضافة الى المحلات التجارية (أو الشقة السفلية).

مؤخرا مشيت لعين المكان باش نشوف الموقع ونسول على الاثمنة, فأخبرني أحد السماسرية أن لديه بعض الشقق اللي مازال ما مفينينش (sans finition) يعني الدار كحلة ما فيها لا صباغة لا زليج لا اطارات ديال الشراجم, بثمن 30 مليون تقريبا, وقال ليا بأن الاغلبية ديال الزبناء كيشريو بحال هاد الشقق باش يفينيوهم على ذوقهم, أنا الصراحة ما زعمتش عليهم بما أنني ما عنديش الوقت باش نفينيها بحكم العمل ديالي اضافة لعدم خبرتي في هاد المجال, سولتو على الشقق اللي مفينين قال ليا يقدر يشوف ليا شي حاجة بثمن من 36 حتال 40 مليون.

أيضا الشقق اللي اقترح عليا كلهم في الطابق الاول (الخاص بالمقاول العقاري), فاش سولتو على الشقق اللي في الطابق الثاني والثالث قال ليا بأنهم الشقق ديال المستفيدين, يعني ايلا بغيت شقة في الطابق الاول غنشريها من عند المقاول وايلا بغيتها في الطابق الثاني خاصني نشريها من عند المستفيد, وأنا بغيت نسولكم واش كاين شي فرق في الاجراءات بين الحالتين, لأن السمسار ما وضحش ليا هاد النقطة مزيان.

نقطة أخرى وهي الأهم, سمعت بأن هاد الشقق كيتباعو بدون ملك عقاري (sans titre) والملك العقاري ما غادي يتعطى ليهم الا بعد 5 سنوات, وعملية البيع تتم عن طريق توقيع عقد ديال الملك المشترك في المحكمة ولا شي حاجة فحال هكذا, صراحة أنا ما كنفهمش بزاف في الامور القانونية, كنطلب من الاخوات اللي عندهم معرفة بهاد الامر يفيدوني, وخاصة واش هاد النوع من العقود كيترتب عليه شي مشاكل في المستقبل, لأنني فاش سولت السمسار ما بغاش يدخل معايا في التفاصيل.

الاخوات الله يجازيكم بخير ما تبخلوش عليا بالنصيحة خصوصا وأنني جديدة فكازا.