استفسار اخواتي العزيزات

سلام الله يخليكم ط§ط®ظˆط§طھظٹ بيت نعرف شكون مرت من نفس تجربتي وحملات ووزت حملها عى خير انا هاد ايام جاني شي واسوس
كانوقع ليا اجهاض في اول الزواج
بعد مدة الحمد لله حملت بنتي
وبعد مدرات بنتي عام وشي شهورا حملت عاود لك مكتباش يتم فاجهضت دابا ولا عندي وسواس اني موحالش نحمل او نحمل ونجهض تاني

خصوصا اني بعيدة علا راجلي مكنتلاقو الا بعد عام حيت هو في الغربة
طمئنوني شكون فايت ليها وقع ليها هكا
مع اني حمدا الله وشكراه غير وسواس كيخلعني وكنقول اناكنزيد في العمر وراجلي بعيد
عمرى واحدوثلاثين سنة

---

hsjtshv ho,hjd hgu.d.hj

ياه توحدة مجوبتني وتقول ولو غير بدعوة ديال الخير
توحدة مفايت لياها مرت من الاحهاض وحملات

شكرااا

عندي صديقتي نفس المشكل وقع ليها ولاكن تبعات عند طبيبة تاعها حيتاش خاصك توجدي الحمل بالادوية والنفسية كوني متفاءلة هادي اللي تانقوليك عليها 10 سنين زواج و تاتحمل وتيطيح وهاد الاخير معا دعوات الناس حملات واخا في 40 وولدات وجاها الوحم صعيب خاصها ماتحركش غير toilet صافي ماكلة و ديسير ديما حداها. واحد النهار حتى قلنا صافي راه علامات الاجهاض دازت بالدم لكن baby كان باقي مزيان و هاهي ولدات و بيخبر ماتقنطيش من رحمة الله الله معاك

شكراا لردك اختي طمئنتيني شوية علا سلامتها مسكينة
ان شاء الله عندي امل في الله غير الشيطان كيبقا وسوس ليا كنقول انا ديما نبقا نحمل ونجهض

الله فرحكك

استعيني بالله ماغيكونش غير الخير

الله يفرحك اختي بعدي عليك الوسواس ياك كنت في الاول اجهضت وعاود ولدتي الحمد لله اذن ماكينش مشكل ، اما العمر داكشي ديال الله سبحانه وتعالى ، مراة عمي عندها 45 عام وولدت ، وانت باقا صغيييييرة اختي الله يسهل عليك واخا راجلك في الغربة من يجي ولي حسبي موعد الاباضة امتى عندك را تتكون فرصة في حدوث الحمل ان شاء الله ، وتقدري تشوفي الطبيب يعطيك شي حاجة ديال المتبتات ان شاء الله من تحملي والله يعطيك اللي تمنيتي

شكرااا اخواتي ربي خليكم

جزاكم الله خيراا
احسان محبة رسول الله وختي سارة

الله يفرحكم

اختيخاس تكون عندك تقة في الله كبيرة واحد السيدة من العائلة والدة دابا تلاتة ما شاء الله و كان عندها مشكل كتحمل و كيكون كلشي مزيان غير كتوصل لشهر السادس كتجهض و كيكون مسكين الجنين تقريبا كامل و كيبقا عايش يوم او اقل و شوفي الاحساس ديالها ملي كيخرج كيتنفس و كيموت و مقنطاتش من رحمة الله

اختي الله يسر لك
مكينش لاش تخافي را النفسية مهمة
انا اختي وقع لي في اول زواجي اجهاض اول في شهرين وبعدو في 3 اشهر وبعدو في 20يوم ولله الحمد ومن بعد حملت ببنتي اللولى وبعدها بعام وشهرين وقع لي اجهاض في شهر وبعدها ب 4 اشهر حملت ببنتي الثانية ربي ابارك فيهم ويخلهم ليا ويخلي لك بنوتك ويرزقك باش تخاويها
عاودت لك قصتي باش تبعدي على الوسواس كلشي بيد الله

الاء عمر
بصح اختي الثقة في الله هيا كلشي
شكراا