السلام عليكم و رحمة الله تعالى و بركاته
هدي اول مشاركة لي في المنتدى كنتمنى تفيد كل حامل او مقبلة على الولادة
ان شاء الله سادرج ط§ط³طھط¹ط¯ط§ط¯ط§طھظٹ ظ„ظ„ظˆظ„ط§ط¯ط© كلها حيت قربت نولد الطبيبة عطاتني موعد ف 15 شتنبر و لكن هادي دابا شي اربعة ايام كنحس بالوجع اليل كامل و دابا خايفا نولد قبل الموعد
اولا بديت كنشري الحويج ديال البيبي ابتداءا من الشهر السادس و بدينا انا و راجلي نشوفو شنو خاص الدار مع هدا اول حمل لينا, اول حاجة رحلنا حيت الدار كانت صغيرة جدا و عاد درنا الصالون و الريدويات و عاد شرينا ما بعض يخص الكوزينة باختصار بدينا نجمعو راسنا هههههه
صراحة تال شهر تاسع و الثامن عاد فعليا بديت نفكر فكل صعيرة و كبيرة و دابا الحمد لله شرينا تقريبا كلشي
و اليكم تجهيزات البيبي هي الاولى
مواد التنظيف و حفاظات و قطن الاذنين ومقص اظافر و مشيطات و مناديل للمسح
مجموعة مكونة من سلة البيبي صاك و خقيبة صغيرة و علاياش تيبدل ابيبي و ديال كلينكس و سلة
دابا الملابس
يتبع متكتبوش عافاكم تانكمل
hsju]h]hjd gg,gh]m fhgjthwdg , hgw,v
دابا ندوزو لشانطا ديالي عاد صاوبتها هدا الاسبوع فيها جوج بيجامات ديك العوز قررت نلبسها ان شاء الله ملي نكون كنتوجع و البيج ملي نولد
كذلك وجدت جلابة باش هنخرج و قميص ديال جوهرة بجابادور ديالو لاستقبال الناس
و طبعا مواد استحمام و ماكياج واخا عارفا راسي مهنديروش هههه و كتب لتمضية الوقت و مذكرة و قلم مصورتهومش باش نكتب فيهم التقلصات و الفارق الزمني بيناتهم
و شارجور بورطابل و مناديل صحية للنفاس من فارماسي و علبة كلينكس و ملابس ذاخلية هدشي مصورتوش
و فالاخير و جد واحد القفيفة فيها قرعات زاج و كؤوس العصير و طبيصلات لاستقبال الزوار ان شاء الله ديك ساعة هنشري العصير و شي بلاطو ديال الحلوة و سلو باش الي جا يشوفني يلقى هادشي واجد
و كذلك منيدلات صغار و كاش بلاطو و ليزار و غش المخدة بالطرز الرباطي هنديهم للكلينيك
و طرز الغرزة قررت نخليه فالدار للناموسية و الصالون باش ملي نرجع للدار نلقاها متولة
و طبعا هاد الاسبوع كل نهار كنخمل قنت و كنصبن الحوايج و نرتب البلاكارات و الكوزينة تاهي
و شريت مواد التنظيف لخاصني و منشفات للماعن و حلفات و صابون لضيوف و فوطات و ورق ايجينيك….
نتمنى منكون نسيت والو
و ان شاء الله ملي نولد دابا ندير موضوع اخر على السبوع و النفاس
دعيو معايا بولادة طبيعية سهلة و ذرية صالحة
ما شاء الله على اللبيسات انا لاحظت انك كثرتي من اللون الوردي … واقيلا عزيــــبة
الله يعطيك الذرية الصالحة و تتربى في عزكم ان شاء الله و يسهل الولادة و تولدي ولادة طبيعية ان شاء الله
اختي لقيت ليك واحد الدعاء و بغيتك تقرايه الله يسهل ليك الولادة ديالك يا رب
الدعاء هو: (اللهم إني أسالك بأنك أنت الذي لا اله إلا أنت الأحد الصمد الذي لم يلد ولم يولد ولم يكن له كفوا أحد أن تفرج عني ما بي يا فالق الأصباح يا مخرج الحي من الميت يا فالق الحب والنوى يا من كسوت العظام لحماً وانشأته خلقا فتبارك الله أحسن الخالقين فرج عني كربي وسهل لي أمري واجعله عبدا صالحاً يؤدى الأمانة التي أبتها الجبال واجعله عونا لي يارب العالمين وأعيذه بك من الشيطان الرجيم – رب اجعله ذريه طيبه إنك سميع الدعاء).
ويقرأ بعد هذا الدعاء سورة يس لتسهيل الولادة إن شاء الله.
و ادعي معي فاش تكوني كتولدي اختي الله يسهل فزواجي و ما يحرمني من الذرية الصالحة
في امان الله اختي
المشاركة الأصلية كتبت بواسطة نور القلب 
ما شاء الله على اللبيسات انا لاحظت انك كثرتي من اللون الوردي … واقيلا عزيــــبة
الله يعطيك الذرية الصالحة و تتربى في عزكم ان شاء الله و يسهل الولادة و تولدي ولادة طبيعية ان شاء الله
اختي لقيت ليك واحد الدعاء و بغيتك تقرايه الله يسهل ليك الولادة ديالك يا رب
الدعاء هو: (اللهم إني أسالك بأنك أنت الذي لا اله إلا أنت الأحد الصمد الذي لم يلد ولم يولد ولم يكن له كفوا أحد أن تفرج عني ما بي يا فالق الأصباح يا مخرج الحي من الميت يا فالق الحب والنوى يا من كسوت العظام لحماً وانشأته خلقا فتبارك الله أحسن الخالقين فرج عني كربي وسهل لي أمري واجعله عبدا صالحاً يؤدى الأمانة التي أبتها الجبال واجعله عونا لي يارب العالمين وأعيذه بك من الشيطان الرجيم – رب اجعله ذريه طيبه إنك سميع الدعاء).
ويقرأ بعد هذا الدعاء سورة يس لتسهيل الولادة إن شاء الله.
ربي يخليك الحبيبة
فعلا عندي بنيتة باذن الله
شكرا على الدعاء و الله يعطيك كاع اللي كتمناي و يفرحك باش بغيتي
lah ifok w7aylek 3la khir
o tfer7i inchaalah b bnitek o ikheliha lik o ihdi lik zawjek
le7wijat zwinin tbarkelah 3lik lah ikemel bikhir
المشاركة الأصلية كتبت بواسطة komira lah ifok w7aylek 3la khir
o tfer7i inchaalah b bnitek o ikheliha lik o ihdi lik zawjek
le7wijat zwinin tbarkelah 3lik lah ikemel bikhir
شكرا الحبيبة ربي يخليك و يعطيك كل ماتمنيتي