استشارة من فظلكم حول توزيع الارت لصالح الأحفاد

السلام عليكم و رحمة الله و بركاته
نتمنى من الله عز و جل تكونو ديما بخير و صحة
جيت لكم بموضوع جديد 🙂

الموضوع و مافيه هو ان أب بعد وفاته ترك زوجة و 3 أولاد و بنتان طبعا ليوم راهم كبرو الصغير عنده 45 سنة و الكبير 65 و الأم عندها 85 سنة و مرة مرة تايجيها مرض النسيان مع العلم أنهم ورتوا من الأب ديالهم و هما صغار و الأجر لي ترك باش تصرف عليهم أمهم باش يقراو و ياكلو ويسافرو و يلبسوا مع الأسف أمهم كانت كتقول ليهم كنجمع ليكم باش ملي نموت تلقاو ماتاخدو من بعدي و هي لي كانت ضد تعليمهم و بخيلة جدا و كانت كتغديهم معظم الأيام بالحليب و الخبز و الفطور خبز و أتاي و العشاء مرة يتعشاو و مرة لا و بالنسبة للباس كانت كطلب الناس او الجوطية و طبعا اللباس يتشرى مرة واحدة من الجوطية كل سنة أما الدراسة فرضاها نهائيا لمهم نية الأم هي جمع الفلوس لكي تصبح فلوسهم عندما يكبرو ن
ودبا ملي ولادها كبرو و كل واحد عندو أطفال يعني أحفادها هدوك الفلوس لي كان عليها تصرفهم على ولادها و ماصرفاتهمش مرة مرة كتعطي منهم لأحفادها يعني ماكاتسلمهمش لأولادها و مؤخرا كتبات أرض لحفيدها ونهار طلقات بنتها ,أب الحفيد تزوج من امرأة أخرى و بما أنه الواصي على ولده ,كتب هته الأرض في اسم زوجته الجديدة
ودبا اولاد الأم مفقوصين و بغاو يعرفو شنو يعملو في هته الحالة مع العلم أن هدوك الفلوس لي كانت أمهم يجب عليها أن تصرفها عليهم لم تفعل و حتفظت بهم و كتعطيهم لناس أخرين مع العلم أنهم تيقولو كان عليها تفرق فلوسها لي في حقها و حق ولادها ماتقيسهمش ,دبا لي يطلب منها لفلوس أو أرض كتعطيهم و كتبيع بالخسارة يعني متلا قيمة الأرض 20 مليون هي كتبيعها ب 7 ملايين و ملي كيقولوليها علاش كتبيعي بتمن رخيص جدا كتقوليهم الفرحة ديالي هي نهبط ليكم الراس حيت مابغيتش نشوفكم فرحانين.
عفاكم شنو يمكن ليهم يعملو في هته الحالة حيت تيشوفو تعب أبوهم تايمشي غير في لخوى؟

---

hsjahvm lk t/g;l p,g j,.du hghvj gwhgp hgHpth] lahgd hghve d,l

الله يهدي ميمتهوم ودابا كبرت وراه متعرف والو الله يسامحي ليها ضيعتهم
وهما كبرو كان المفروض ياخذو حقك ملي وصلو سن الرشد
ويمشيو عند العدول الشرعي …من الافضل يمشيوعند العدول ويحكيو ليه هذه الحالة
بتفصيل بش يشير عليهم شنو يديرو حسب الشرع ..الام ظلمات وليداتها عن جهل

شكرا على ردك لي فرح قلبي مطمئنة فعلا ضيعات ليهم حقهم و هما ولو وصلو لسن الرشد أولا مكانوش عارفين شنو لي خص يدار كيف عارفة لواحد في هداك السن مكايكونش عندو دراية شوية بالقانون او شكون يسولو سن الرشد لواحد يلاه تيفكر باش ينجح في الباكالورية و يدخل للجامعة من بعد لواحد تيفكر يقلب على خدمة و من بعدها تايكون مشغول بالزواج و انجاب الأطفال و حتى هما ماكانوش معمرين راسهم بالارث الدي ترك أبوهم و كدلك لفلوس لي مكانوش كايتصرفو عليهم و مخزناهم ماماهم لأنهم دارو التقة الكبيرة في أمهم و ملي رجعات كتضيع لفلوس و الأراضي عاد رجعو بغاو يتدخلو باش ماتضيعش كلشي ومكرهتش حتى أنا نعرف شنو يقدر يقول ليهم العدول و حتى لي عندها نفس الوضع في هدا المنتدى يكونو عارفين النتيجة ادا لواحد مشى عند لعدول شنو غادي يقول أو يدير ليهم
شكرا لكي مرة تانية

الله اعلم بحال هاد الحالة الى ملكو اتباتات كيحجرو عليها

قطر الندى شكرا لكي و على مشاركتك بموضوعي
يريت تقولي لينا بحالاش الاتباتات و كيفاش و الطريقة باش يملكو عليها اتباتات انها تضيع مالهم , لأنك عرفتي في وقتنا الحالي قليل لي تايبغي يشهد.
شكرا

يتبتو بانها فيها مرض النيسيان بوحدو كافي او يقدمو دعوة الحجر او يكونو متفقين كلهم

الله يهدي ماخلق.

شكرا قطر الندى على جوابك والله يهدي ماخلق و ترجع ميمتهم لعقلها هدشي لي نقدر نقول

فعلا حفيظة 84 الله يهدي ماخلق ويرجع الأمور كيف كانت و يبقى الشمل مجموع يا رب
شكرا لكي

اكيديتصرفومعها مزيان وايلا فيها فقد النسيان بزاف يمشيو للطبيب بش يكشف عليها
وايلا فيها المرض غادي يعطيهم شهادة طبية ويمشيو للعدول يستشروه في كل شي ويخلصوه
وخا 100درهم او200درهم حسب مدينتهم حيث بش يعطيهم نصائح فابور ما يمكنش