اخواتي المغتربات تفضلن

السلام عليكم كنتمنى الموضوع ديالي يلقى تجاوب منكن ومايكونشي مصيرو الاهمال هههه فحال الى كنكتب شي برا ههههه المهم ط§ط®ظˆط§طھظٹ الغاليات وخصوصا الاخوات المغربيات اللي تزوجو من رجل غير مغربي عربي بالخصوص الاكيد ماين كتتزوج وكتنتقل للعيش مع الزوج ديالك كيجيك احساس مختلف نظرا لاختلاف العادات والتقاليد فطريقة تعامل الزوج مختلفة التعامل د العهائلة ديالو معاك ختلف وزيد وزيد … كنتمنى يكون هاد الموضوع مفتوح نتعرفو فيه على العادات والتقاليد وطريقة التعامل دكل جنسية مع الزوجة او زوجة الابن او زوجة الاخ …. ونتمنا ان البنات اللي عاد غدي يتزوجو من رجال اجانب يستافدو ربما تكون نقط محتاجة للشرح والتوضيح… والله يوفقنا جميع لفعل الخير

ملاحظة انا متزوجة مغربي يعني الموضوع من اجل المعرفة وحب الاستطلاع وصافي هههه بارك الله فيكن حبيباتي والف شكر مسبقا لاخواتي جميعا على المبادرة والافادة

---

ho,hjd hglyjvfhj jtqgk jtqg,

فاينكم الاخوات

موضوع جميل وغادي نستفدو منو جميع
شكرا لك أختي ولك أحلى تقييم..
واختك اعلى الله بقى مامزوجا

ربي يخليك اختي الحبيبة بارك الله فيك والله يرزقك بولد الحلال اللي يسعدك والله يفرحنا بيك عن قريب

المهم نبدا على بركة الله انا مزوجة سوري وعايشين فالسعوديه صراحة العادات دبالو ملقيتهاش مختلفة بزاااف الواليدة ديالو بعيدا عليا يعني مكنشوفهاش ولكن منين كنهضر معاها كتدعي معايا وكتقولو تهلا فيها الماكلا كتختلف بزاف راني كنتعلم ليها شويا بشويا شي ماكلة عربية كتعجبو بحال كسكسو وبسطيلة الحوت وشي حوايج مكيبغيهمش ولكن والله شاهد على ما اقول الحب والاحترام والتقدير اللي فيه مكاينش فحتى واحد من الرجال اللي فالمغرب مزوجين خالاتي ولا بنات عائلتي وكيقدر التضحية اللي كديريها ونتي مغتربة معاه اه والهدايا فكل مناسبه هدية ولا عشاء على برا والحاجة المخيرا لعيالاتهم ايلا كانو كيبغيوهم هذا انطباعي على السوريين ايوا والهضرا كيفهمني بالمغربي لاحقاش عطيتو كلمات السر

موضوع رائع ليا عودة ان شاء الله

السلام عليكم ورحمة الله وبركاته
شكر للاخت لميا صاحبة الموضوع والله يهنيك في حياتك وان شاء الله تكوني بالف خير
وتبارك الله على الاخت ام يحيى متمنياتي لك بالسعادة وكيف جا في ذكرك عن الزوج الاجنبي انا متافقة معاك كيتهلاو بزاااااااف في الزوجة وكيحطوها فوق راسهم
انا متزوجة كردي عراقي اقيم بكردستان العراق بالنسبة ليا واحتراما للاخت لميا كنت مستحييييييييل نتزوج مغربي نبقى بايرة ولا ناخد مغربي ههههههههههههه ماشي لاني كنت طامعة في الخارج انا اصلا كنت اعيش برا المغرب وانما لاني كنت نحب نسمع كلمة احبك حبيبتي عمري حياتي هههههههههههه الحمد لله ربي حقق ماتمنيت وهد المصطلحات كنفطر بيها ونتغدى بيها ونتعشى بيها في كل الجنسيات العرب الشي الي عجبني فيهم انهم كيشوفو نفوسهم قوامون على النساء وان المراة انثى ميرضاوك لا تخدمي ولا تدمري ولا تعبي يهزك من كل شي ومايبخلش تحسي بقيمة نفسة كامراة ميتعاند معاك مينهصرك يكون مقلق يكون معصب عمره ميجرحك ولاني مكنحبش واقع المغربي في تعامله مع المراة ونضرته ليها ولو يزعل مني زوجي او يرفع عليا صوته بالنسبة ليا سمن مع عسل لاني دوما كنقول لو مغربي وزعلته ياويل ويلي غير كلامه يأديني الى مامد يده كاع كتقبى حاجة الي خايبة في هد الموال كله الغربةةةةةةةة الوحشة ولهدا الحلو ميكملش هههههههه بالنسبة للاكل التقاليد والعادات كلشي كيكون غريب ممكن تقيل ممكن غير مقبول لكن مع الوقت انا تعودت وهو تعود وخشينا شي في شي وكونا عالم صغير بعلم واحد وسطه نجمة المغرب مع شمس كردستان الاهم من هدا كله الاسلاااااااااام والدين والاخلااااااااااق والحمد لله على كل شئ وربي يسعد كل زوجين كيفما كانت جنسياتهم ويكمل بالخير لكل بنت في الزواج يارب

اختي الله يخليكوم دايما فرحانين ويجعل السعادة ديما ساكنة داركم والله يبعد عنكم عيون الانس والجن

مرورك الاروع واحنايا كنتسناوك متتعطلشي علينا

الله يهنيك ويسعدك فحياتك ويبارك لكم في بعضكم بلحق اختي منكرهشي لو تحكي لنا كيف كانت الملاقات ديالك لدارك ولعائلة زوجك كيف تعاملو معاك الام والاخوات ديالو واش عملولك حفلة او عرس يعني بحال هادشي غير سمح لنا عاملين معاك استجواااب هههههه