اجيو نتعاونوا ونصايبوا لائحة الاطعمة

البنات السلام وعليكم كيدايرات كنتمنى كاااااملات تكونوا بخير عرفتوني علاش كنهضر ياكو عن ظ„ط§ط¦ط­ط© ط§ظ„ط§ط·ط¹ظ…ط© تاعت الاسبوع انا معمري درتها ولكن بزاف ديال البنات كيديروها وهي فكرة مزيانة كتكوني عارفة مسبقا الماكلة ليغدا طيبيها في الاسبوع كامل وكلت علاش منتعاونوش مع بعضياتنا وكل انيقة تكول لينا اشنو هي االائحة تاعتها وهكدا نستافدوا من بعضياتنا وتقدر اي وحدة تكون مرداش البال لشي شهيوات وتتعرف عليهم يعني اش يمكن نديروا للاسبوع من الفطور الغدا العشا وعلاش لا حتى الكسكروط ومكرهناش حتى الطريقة تاع الوصفة نكونوا من الشاكرات بالصور او بلا صور ليكم الاختيار كنتمنى انكم تفاعلوا مع هاد الموضوع ونتهناو من التفكير كل نهار في اش نطيبوايلاه الغزالات

---

h[d, kjuh,k,h ,kwhdf,h ghzpm hgh’ulm lhz]m

البنات واش معجبكمش الموضوع

موضوع زوين انا صراحة كنطيب غير العشا و الفطور اما الغدا كنتغداو في الشركة و معنديش شي برنامج نتمنى الاخوات يفيدونا
و شكرا على الموضوع

شكرا ليك ختي على الرد الديالك

المهم انا في الفطور يوميا كنوجد الحريرة السوسية بلا بيها راجلي ميفطرش الا بغيتها نكتب ليكم المقادير و كيكو يا حليب يا اتاي
مع كيكة و لا بسبوسة و حرشة و لا خبيز مع الفرماج
بالنسبة العشا كي كونو حوايج خفاف لاداند مشرمل مع بصيلة و لا كبيدة مشرملة و لا بيتزا المهم فحال لي تيقول راجلي التخربيق ههههههههه
نتمنى الاخوات يفيدونا بوصفات و شهيوات خاصة لعشا حيت انا مليت ديما نفس الشيئ

فكرة راااااائعة تبارك الله عليك تم التقييم

بصاااح بزاااف للي دايرين بروكرام كل نهار و الموني ديالو ما تتبقاش المراة حايرة اش ندير اش نطيب للغدا او العشا اما الفطور و الكوطي باينين هههه

بالنسبة الغداء نعطيكم اقتراح

الاتنين – طاجين الدجاج و الخضر
التلاتاء- التقلية و مقبلات بحال زعلوم و سلطة
الاربعا- طاجين اللحم بالخضر / او اللحم مفور بالخضر
الخميس القطنية عدس/لوبيا/ بيصارة + سلطات
الجمعة -كسكس
السبت الحوت مقلي و الفريت و الفلفة والدنجال مقليين ولاصوص او طاجين الحوت بالخضر
الاحد كفتة مع لاصوص و البطاطا فريت و سلطات

العشاء
كل مرة حاجة
بيصارة ما حد البرد هههه
الشعرية بالحليب
الروز مفوزر ومسقي بالدجاج و الخضر
الروز بايلا غير بقشيوشات الدجاج و مطيشة وفلفة تيجي زوين
الشعرية مفورة بالزبيب و اللوز
الحريرة
البلبولة بالحليب
الشعيرة بلاصوص
صوبا
البيض و مطيشة و الزيتون مشرمل وكاشير وموندا او براد اتاي فهاد البرد هههه

كل واحدة تدير بروكرام و تعلقو فالتلاجة باش كل نهار تدير حاجة ما تبقاش تالفة هههه

و علاش لا الفطور تاهو نوعو ليه ماشي للي نفطرو بيه ليوم نعاودو غدا
خصنا ننوعو مرة
بغرير
ملوي
كرواصة
كرص
حرشة
خبز الدار
الكومير
البيض مسلوق او مقلي بالزيت البلدية
للدهن
زيتون
الزبدة
الفرماج
الزيت البلدية
العسل
الكونفيتير

حتى انا كل النهار تالفة وفالاخر ندير مريقة طلعات ليا فالراس هههههههههه

راه المريقة ما عليها هروب هي للي تتفك الوحايل ههههه
لكن ماشي ديمة عوض نطيبو المرقة نفورو اللحم بالخضر اكل صحي وما فيهش دهون

شكرا احبيبة على التقييم تبارك الله عليك هدشي عندك منوع

ايه اختي بغينا المقادير ديالها مكرهناهاش فهاد البرد