السلام عليكم ورحمة الله تعالى وبركاته
اهلا بيكم حبيباتي
اتمنى انكم تكونو بخير
ايوا مع دورة فالمنتدى وجمعت الافكار عملت هذه الكيكة
اتمنى انها تنال اعجابكم
== في خلاط كهربائي نضع
== 4 بيضات
== كاس ونصف زيت
== كاس ونصف حليب
== كاس ونصف سكر سنيدة
== 1 كيس فانيلا
ايوا نديرو كلشي فخلاط
غادي ناخد الخليط ونعبر قدر زلافة للاشارة انا غادي ندير 4 طبقات من هذا الخليط
ايوا قدر زلافة غادي نزيد اعليه خمارة حمرة ودقيق حسب الخليط ديال الكيك
وندخلها الفرن
ونخليها الطيب
نفس شي نديرو عاوتاني زلافة اخرى
تكون عندنا 2 كيكات بيض و2 كحل
كل زلافة نديرو فيها خمارة والدقيق ولكحل نزيدو اعليها ملعقة بودرة كاكاو
ا
نا هنا وجدو عندي الكيكي الاربعة
وقطعتهم قطع دائرة متساوية
وغادي ناخد طبق التقديم ونقاد
ونبدا ا نعاكسهم
في نفس الوقت انا كنت موجدة كريم فريش هو الي درت بينهم
بين كل طبقة واخرى انا كندهن بلكريم فريش
ونبدا نعاكسهم
وانا كنقاد فطبقات حتى كنكمل
وهنا كملت ودهنتها كلها بلكريم فريش ورشيت اعليها شكلاط اسود
ودخلتها تبرد شوي
وهذي قطعة لاول رد
وهذي كنت درتها اشحال هذي لكن ساهلة طبقتين فقط
اتمنى نكون توفقت فالشرح وسمحوليا حيت كانت ايدي غير وحدة ماكاين الي يساعدني
دعواتكم لي
اللهم ارزقني وجميع بنات المسلمين الزوج الصالح
h[d, ja,t, hg’,v’m g]vj ghod ldgh], l[vf flkhsfm ud]
