اتفضلوا انيقاتي شاركوني هاد الشهيوة

المقادير :
كوسا (قرعة خضراء) حسب عدد الافراد
لحمة مفرومة (كفتة) حسب عدد الافراد
بصل مقطعة قطع صغيرة
ثوم حسب الذوق
ملح وتوابل ( حسب الذوق)
ملعقة نشا
زيت
علبة زبادي ( لتر من الياغورت المسوس)

اولا نحضر الحشوة :
نحط الزيت في المقلاة و نضيف لها البصل المقطع حتى يذبل شوية

بعدها نضيف الكفتة و الثوم و الملح و التوابل

و نحرك حتى تنسجم المكونات كلها ونطفي عليهم و نتركم جانبا يبردوا

في هاد الاثناء نحضر القرعة خضراء

نغسل القرعة مزيان و نفرغوها من الداخل (من الاحسن تختاروا القرعة الصغيرة , حيت ماموجوداش في هذة الارض السعيدة للي فيها انا هههههه):D

من بعد نحطوها في طنجرة فيها الماء تيغلي مع شوية الملح باش ترطاب شوية ( تقريبا من 5 الى 10 دقايق)

من بعد ما نسقطروها من الماء نحطوها في مقلاة فيها زيت تتقلى من الجانبين لكسب اللوز الذهبي وفي نفس الوقت لاعطاءها مذاق ألذ من المصلوق

و نحصل على قريعات محمرين بحال هادو

و من بعدها نعمروهم بحشوة الكفتة و البصل

في هاد الوقت نحطر اللبن (الزبادي)
نحطو النشا في الياغورت و نقلبو مزيان حتى تذوب النشا
نشعل عليهم النار و نحرك في اتجاه واحد

بعدما يغلى اللبن نضيف القريعات المحشية ونغطي الطنجرة و نتركهم شوية تختلطوا باللبن (تقريبا 10-15 دقيقة)

و في الاخير ها الطبق جاهز و بالصحة و الراحة

يقدم هذا الطبق مع الرز مفلفل (رز بالشعرية الرقيقة)

الطريقة : نحط طنجرة فوق النار فيها شوية الزيت و نضيف ليها قدر كمشة الشعرية الرقيقة و نحمرو الشعرية حتى يصير لونها ذهبي

و بعدها نضيف الرز المغسول و المنقوع في الماء لمدة 5 الدقائق

نضيف الماء و الملح و نتركه يطهى على نار هادئة

المقبلات :
1 – سلطة عادية (خيار+ طماطم+بصل اخضر+خس+ ثوم+ملح+بهار اسود+عصير الحامض)

2- بابا غنوج

2 بدنجانات
2 فصوص ثوم
عصير الحامض
طحينة (2 ملاعق)
ملح
زين زيتون

اولا نشوي الدنجال فوق النار او في الفرن و نقشروهم

و من بعد نهرسوهم بالشوكة او عملو مثلي تنحطهم في الخلاط الكهربائي باش يطحنو شوية و لكن غير طحنة خفيفة

ندق الثوم مع الملح و نضيف كل المقادير الاخرى للبذنجان و نخلط جيدا

و في الاخير نحطوه في صحن و نرش عليه زيت زيتون و نزينوه بورق نشوية التحميرة

و في الاخير ط§طھظپط¶ظ„ظˆط§ معانا تذوقوا