اتعرف مدينة الخميسات . تساعدني

اخواتي جاني الاتنقال لمدينة الخميسات, ولا اعرف عنها الكثير,
بغيت نسكن فيها ان شاء الله, ولكن قولولي عليها, وعلى السكن فيها, واش فيها كثرة السرقة والاعتداءات, اختكم خوافة من هده الناحية منذ ان تعرض لي شابين في الشارع بمدينة الرباط وسرقوا الساك ديالي
افيدوني الله يفرحكم

---

hjuvt l]dkm hgoldshj > jshu]kd

السلام عليكم ورحمة الله وبركاته مدينة خميسات تبعد عن الرباط بحوالي80 كلمتر أ سمع بأنها ليست شعبية معظم سكانها شلوح

حالتها خايبة او ماليها كتر غي الدباز والسحورات والفساد حشاك ما عندهم لا ملى لل دين الى عندك البديل بدلي حسن ليك .

السلام عليكم اختي كل مدن العالم ينتشر فيها الفساد المخدرات السحر السرقة الكذب النفاق والمعارك التي لاتنتهي لكن انت سودت هذه المدينة لا بأس لكن ما ازعجني في ردك انك قلت ليس لهم لا ملة ولا دين يا اختي لا تحكمي على اي شخص او اي مكان في دولة اسلامية بالكفربالخصوص كمغربنا العزيز بهذا استغفري ربك اختي -للعلم انا لااعرف المدينة ولم يسبق لي زيارتها -لكنني اعرف ان كل المدن المغربية مسلم اهلها تقبلي مروري

فعلا اختي ام حارتة والله حتى عندك الحق الله يسمح ليا راه اختي فايت لي سكنت فيها او شفت فيها العجب العجاب داكشي علاش تاترت او كتبت داك الكلام هي فعلا اختي راها فعلا خايبة وناس قباح مافيهم صواب او هادشي بشهادة بزاف ديال الناس والله يهديهم خرجو على السمعة ديال هاد المينة الصغيورة.

السلام عليكم سعدت لمرورك وتفهمك لوجهة نظري وكل بني ادم خطاء وخيرهم التوابين

السلام عليكم اخواتي اي مدينة فيها الخيب ازوين انا ديما كنمشي ليها بالحكم اني تزوجت منها الناس ديالها دراوش ادابا بالعكس اصبحت امنة بمجرد استبدال الضباط والشرطة في كل مكان لا داعي للخوف اختي انا كنت مكنحملهاش كنمشي على عيني دبا كندوز فيها رمضان و العيد لكبير اديما غادا ليها الله يوفقك اختي

شكرا اخواتي على الرد
اغلبكن يقول خايبة. داكشي علاش مايطلبوهاش بزاف في الاتنقال,. على العموم كل مدينة فيها الخايب والزين, ايو نتوكل على الله كما قالت الاخت , والله يدير الخير

ما خيبة ما والو اختي توكلي على الله الى خا ضتك شي مساعدة وخا مسكناش تماك نوصي عليك الناس الله يوفقك

حبيبة أنا ماساكنة فيها ماشايفاها ولكن حماتي من هاد المدينة وهيا الله يخليهة لينة درويشة. وأنا دخلت غير باش نقولك الله يسهلك للي فيها الخير