إلى أختي رائعة بحجابي للي طلبت و حت الأخوات ها الجدول

اخواتي هذ ط§ظ„ط¬ط¯ظˆظ„ د التقييم النموذج بحالو شفتو ف قسم فلذات اكبادنا الله يعطي لصاحبة الموضوع الخير
كان د الصلاة، انا درت إضافات ف المجال ,و جمعت الصلاة و القرآن ف خانة وحدة محيت المدرسة ما غديش تكون ف الوقت و المهم تعلم تفكرها هي و القرآن .8سنوت و نصف
الأخ ديالها 4.5 كنقطلو عل القرآن من يجلس يقرا مع باباه
الإستيقاظ و النوم المبكر واضح
النظافة الشخصية هي بحال ملي تبدل كيلوط ديالها بلا ما نقولها ,عاود اليدين ,الشعر …
بحال ف جميع المجالات الى تفكرت م دايتها راسها نديرو emoticone فرحان
الا حتى نبهتها و طبقاتو emoticone لابأس
ال واخا نبهت ونسات emoticone حزين

بالنسبة للدراسة هي واجبات المدرسة
المطالعة: هي شي قراءة حرةخارج المدرسة قصة مثلا
السلوك شامل: مساعدة ف لبيت; تهز الطبلة معايا; تنظف ،تعاون خوها ,تلعب معاه بلخاطر ,توريه كي يرسم …المهم سلوك حسن و على برا عاود

خوها ف النظافة يغسل وجهو ف الصباح ;ليدين مين يدخل مبرا …
الدراسة ليه هي كتابة أو تلوين ;أعداد على حسب كندر معاه الا تجاوب معايا نسجله تقييم
السلوك حتا هو يجيب كاسو د بلاسيك لكوزينة ههههه كيعاون و يتعلم

النقاط اخر الأسبوع نجمعو emoticones الفرحان خاص ما يهبطش عل 35
المكافأة كل مرة فشكل ; تقدر تكون وقت مطول ف النت ; أو ورق بركولاج; شي ماكلة محببة ; شي خرجة…إوا قلبو
خليوهم يختارو استيكر للي يعجبهم هما وزينو الجدول

كل أسبوع نحطو ورقة جديدة و نسطروها كيف الصور واخا الألوان ما بانوش مزيان للأسف وحت الكتابة بانت مضببة
كنت كنكتب مباشرة و لكن بقا يتمسح دغياورجعت درت الورقة
تقدرو تجمعو الأسابيع و ديرو تقييم شهري