السلام عليكم ورحمة الله الاخوات مرحبا بكم ف كلميمة وحتى انا مرحبا بيا فكلميمة ههههه مع البرد مايصلاح لينا غي شي اكلة سخونة بحال ط¥ظپظ†ظˆط²ظ† مع الزيت العود حتى حنا في قلعة امكونة كنصاوبوهوم بحال هكا تقريبا اختلاف بسيط لكن النتيجة هي هي فرجة ممتعة وبالصحة بما ان الفيديو مخالف هنا موضوع للاخت موناتيبو بسم الله الرحمن الرحيم اللهم صل على محمد وعلى آله وصحبه أجمعين السلام عليكم ورحمة الله وبركاته اليوم غنطرح ليكم اكلة خفييفة وجد مفييدة واقتصاادية وساهلة و مضمونة 100/100 وكدلك تقليدية اصيلة الا وهي افنوزن افنووزن هي اكلة امازيغية غنية ومفيدة جدا ومعرووفة لدى اهل الراشيدية والنواحي على بركة الله تعالى غنحتاجو لكسكس تاع المنزل او كسكس تاع البييع ولكن حنا اهل الراشيدية الامهات تاوعنا تيفتلو الكسكس في المنزل وكتكون الطياب ديالو ساهلة وكيطيب 2 مرات عوض 3 المرات المهم مقدار تاع الكسكس لي متواجد الى كان الكسكس كي هدا راه تنكبو عليه الماء حتى اتغطى ويتحرك باصابع ثم يترك باش انزل الحبيبات الى الاسفل ويزال الماء بهدوووء **الى كان الكسكس تاع البييع راه هو كيتدهن بالزيت ويرش بكاس ماء المملح وهنا ثم ازالة الماااء اما الى تاع البييع يترك يرتاح قليلا ليتشرب الماء ياخد ويدار ف الكسكاس ونخلييوه اطيب وف هد الوقت غنديرو حاجة اخرى اي نقطعو الفسا سر تاع هد الكسكس ف البنة اولها الفسا بزاف لي كيتعجبو في هده الوصفة ولكن غير ادووقها الواحد تيحمااق عليها والتجربة خير دليل المهم تتحيد الفسا الفتية اي لي مزالة صغييرة / طبعا الى ممتواجدة يمكن عمل تا الفسا الكبيرة * المهم تنقى وتقطع ويزال الاوساخ والزوااائد ثم تغسل جيدا وتقطر باش نحصلو على هدي وتقطع بحال الربييع هنا الكسكس كيتفور الى تاع الدار راه كيتفور مرة واحدة بوحدو الى تاع البييع راه كيتفور مرتين بوحدو وفي المرحلة الاخييرة يضاف له الفسا يتبع باش تفهمو اك المهم ها سكسو تفور للمرة الاولى والى تاع البيع فوروه 2 مرات والفسا ها هي تقطعات تضاف الفسا الى الكسكس لي مزال ليه التفويرة الاخيرة ويضاف ايضا الكامون و الملح حسب الضرورة و البصل الاخضر مقطع طرايف صغار مشلض صغار و السر الثاني في الزيت البلدية اي تضاف له ما يقارب نص لتر زيت بلدية اولا 2 كيسان اما السر الاخير هو لحية الشيخ **يعني يضاف الى الكسكس كل من الفسا ملح كمون زيت بلدية ولحية الشيخ 
يخلط الكل والى الكسكاس باش اتفور للمرة الاخييرة و هاهو وااااااااااجد بالصحة والعااافية تيجي هااائل جدا ومداق فيه مكتشبع منو ولي كلاه ف الراشيدية تيطلب الكيفية والمقادير ودرتو هنا ف كلميم وكلاوه عندنا صحاب راجلي الصحراوا وغيرهم وتعجبو ف المداق ديالو وطلبو لينا الطرييقة 
وهو جد مفييد للبرد و مفييد للجسم بصفة عاامة
Ytk,.k
تبارك الله عليك اختي وعلى دوك العيلات راه حتى فتنجداد كيديرو بحال هاد الكسكسو تيقولو مزيان البرد
ماعندي مانقول ايفنوزن اكلة د البرد لا يعلى عليها ماعندي مانتسالكم
تبارك الله عليك اختي اكلة تتشهي انا عزيز عليا كل ماهو تقليدي واخا هاد الاكلة عمري ذقتها او سمعت بها ولكن باينة غادي تكون لذيذة الله يعطيك الصحة
تبارك الله عليك اختي