ثبت في 19/6/2019….أم رزان 
السلام عليكم ورحمة ط§ظ„ظ„ظ‡ تعالى وبركاته اليوم نزلت ليكم petit pain للمرة الثانية بالتفاصيل لأن الموضوع السابق مكانش كافي في الشرح وهذا شكل بزاف الإستفسارات عند بعض الأخوات وأيضا لاحظت أن بعض الأخوات اللي جربوه تيجيوهم شوية كبار في الحجم لهذا قررت نزلكم هاد الطريقة باش اتفاداو هاد المشكل لأني كانستعمل الطريقتين بزوج لكن كانصحكم تجربوهم بهاد الطريقة لأنها أضمن وأسرع اندوزوالمقادير على بركة الله 
500غ دقيق فورص ملعقة كبيرة خميرة الخبز 5م ك سكر 2 م ك زبدة ذائبة بيضة قليل من الفاني ملح ماء دافئ للخلط للتوريق 300غ زبدة ذائبة للحشو شكلاط كريم باتيسيير (اختياري) انخلطو جميع المكونات بالماء 
حتى نحصل على عجين متماسك وتكون شوية قاصحة حيت كترخف مع الدليك زائد الحال سخون 
من بعد كانقسموها من 9حتى 10 كويرات وانخليوهم يطرخفوغير شوية 
وانبداو انشكلوا في الرغيفات اديالنا 
حتى نكملوالكل في مرة 
ومن بعد ناخدو رغيفة ونكرصوها ابحال كيف كنطيبوها 
كانقسموا الرغيفة على2 وانبداو انحشيوها بالكريم والشكلاط 
وانلفوها حول نفسها 
ومن بعد انحطوها في اللاطة لي غتدخل الفرن حتى انكملو الكل 
وانخليوها تخمر من 30 حتى 45 وربعين دقيقة أنا ما جيت انكمل اللاطة حتى لقيتهم خمرو مع هاد الحرارة اديال الصهد ههه ادهنتهم بأصفر البيض ممزوج مع شوية القهوة مذوبة في قليل من الماء ودخلتهم الفرن لى190درجة 
هنا مني خرجتهم من الفرن 
وبالصحة والراحة هاني كانتسناكوم بشي ادعيوات ما تبخلوش علي شكرا
Yuh]m jk.dgpetit pain f’vdrm hglslk ;lh,u]j fhgjtwdg hgllg lu fuq hgYqhthj lvpfh 3andi lhahx hggi Hojd ana hggi hg]hv hgodv hgd,l chokran hojd hovn pjn odvh islam lah vhzum v,um shig shigm okhti y.hgm y.hgdk ‘vdrm
تبارك الله عليك بينين لداد الله اعطيك الصحة
ما شاء الله ، تبارك الله عليك فكرة غزالة وساهلة إن شاء الله نجربها
جزاك الله خيرا.ماشاء الله غزالين
تبارك الله عليك و الله يعطيك الصحة و الله غزالين و كيشهيو إن شاء الله نجربها و نرد عليك لخبار
رااااااااااااااااااااائع……الله يعطيك الصحة ماشاء الله
تسلم الايادي انا منين شفتك المرة الاولى نزلتيهم وانانوض شمرة على دريعاتي وصيبتهم طلعو غزالين عطاك الله الصحة و وليت مدمنة عليهم وحتى دابا راهم كيتبردو في التلاجة مرة مرة كنسخنهم ونديرو بيهم كاسكروط شكرا لك على لوصفة الرائعة
تبارك الله عليك
المشاركة الأصلية كتبت بواسطة ام رزان 
رااااااااااااااااااااائع……الله يعطيك الصحة ماشاء الله السلام عليكم ورحمة الله تعالى وبركاته شكرا لكن أخواتي على التشجيعات أسعدني مروركن شكرا عزيزتي أم رزان على التثبيت دائما كاتنوري صفحتي بمروركي لهلا يخطيك
المشاركة الأصلية كتبت بواسطة Amanisa تبارك الله عليك و الله يعطيك الصحة و الله غزالين و كيشهيو إن شاء الله نجربها و نرد عليك لخبار أختي جربيها وردي علي الأخبار هاني كانتسناك وبصحتك مسبقا