إعادة تنزيل وصفة المعقودة بالتفصيل الممل

السلام وعليكم انيقاتي تحت طلب المشرفة الغالية أخت لطيفة عودة صايبت ط§ظ„ظ…ط¹ظ‚ظˆط¯ط© اليوم و درت غير بطاطا وحدة هههه و هاد المرة بادق التفاصيل هي نفس المقادير غير هاد المرة درت المعدنوس ف بلاصة الكزبر لحقش ما كانش عندي و زدت الخميرة ديال الحلوى لحقش أنا كنت خدت المقادير من عند خويا و منين سولت البارح قتلوا ما جتنش معقدة مكرمشة قلية خصك تزيدي مع الدقيق خمارة ديال الحلوى و ملاحضة أخرى كل ما خلتو الدقيق يخمر كل ما كتجي زوينة ندوزو دبى المقادير نبداو بخليط الدقيق :
أنا درت 2 معالق كبار ديال الدقيق -بيضة -معلقة ديال الخميرة معجونة -معلقة التحميرة- نصف معلقة ديال خميرة الحلوى- شوية ديال الملحألم ليخلط لينا أنا هاد القياس هز لي تقريبا ربع كاس ديل ألما كنخلطو جميع المقادير في الخلاط الكهربائي و نخليو الخليط يخمر
مقادير البطاطا:
أنا خديت بطاطا سلقتها بقشورها منين طابت معستها بلفرشيطة و زدت عليها 2 معلق ديل المعدنوس -نص معلقة ديال التحميرة – شوية ديل الكمون – شوية ديال التومة- ديل الملح -وشوية ديال الملون نسيت ما صورتو حتى وزدتو و خلطتها مزيان بيدي و عملت منها كويرات و بسطتهم بيدي بحال غريبة.
منين كنكملو البطاطا كاملة كنعملو الزيت في المقلات حتى يسخن مزيان كنخدو كل كويرة و نغطسوها في الخميرة لكتكون خامرة مزيان و كنهزوها بالفرشيطة مقلوبة بش ما يبقاش فيها لا trace و نحطوها في المقلات و نقلبوها على الجهة الاخرى و بالصحة والراحة من الاحسن منين تقلا نوقفوها ف شي شبكة ديال الالمنيوم تستقطر بش تبقى مغرملة.
وبالصحة والراحة

https://

Yuh]m jk.dg ,wtm hglur,]m fhgjtwdg hgllg hglur]m