أنيقتي، شاركينا بأحسن وصفة من يديك

المهم لي ديما ماكايصدقشليها السنفج وكايجيها مدقس نعطيكوم طريقتي و ماعمركوم غدي تستغاو عليها
2 زلايف فورص تقريبا وشوييييا فينو
خمارة معجونة
راس ملعقة خمارة حمراء
ملعقة زيت
ملح وملعقة سكر
كاتعجني المقادير كاملين بالما دافي وتكون العجنية بحال ديال الخبز واتبادي تزيدي الماء و نتي كاتعجني حتى كاتطلق العجينة وتخليها تخمر ملي تخمر كاضربيها مزيان وتعاودي تخليها تخمر من بعد كاتقسميها كويرات صغار وتبداي طيبي في 2 مقالي
أول نصيحة العجينة خاصها تكون خفييييفة بزاف باش يجيك خفيف
ثاني نصيحة باراكة من العكز وعطيه حقو في الدليك مزيان تايبدا يطرطق
وثالث نصيحة ضروري 2 مقالي إيلا بغيتيه يجيك ناجح وفيه دوك الفقاعات
وهادي معروفةحتى عند السفناج كايحط السفنجة في طرف المقلة عاد كاينزلها في الزيت

السلام عليكم ورحمةالله تعالىوبركاته
هادي غريبة بالنافع كاتجي رائعة وكادوب في الفم
المقادير
500 غ ماركارين زلافة زيت زلافة سنيدة كاس كاوكاو مقلي ومطحون أو زنجلان تاهو تيجي زوين 2 خمارات حمر شوية ملح و 2 معالق نافع مطحون
كاتخلطي سنيدة والمركارين مزيآآن وتزيدي الزيت وتبقاي تخدمي فيهوم تايندامجو مزيآان وتحسني سنيدة ذابت شوية وتزيدي النافع والكاوكاو و والخميرة وتجمعي العجينة بالطحين تكون شوية قاسحة دلكيها واحد 5 دقايق صافي وبداي تكوريها كويرات متوسطين و دخليها الفرن سخون وكولشي كايعرف طياب الغريبة النار ديما تكون من الفوق تا كاتشقق وكمليلها الطياب عادي وبالصحة والراحة غريبة ساهلة والمذاق ولا أروع

السلام عليكم
عندي لكم عصير غريب عجيب فيه من كل فن طرب
اول حاجة كرعة حمراء مسلوقة ولا مفورة
دانون خوخ ولا مانكا احسن
حليب
عصير الليمون او ليمون مقطع
خيزو اخضر ولا مسلوق هههه عنداكم تضحكو راه كنحط لكم المقادير كيف درتهم كل مرة واش
سفرجل مسلوق
فرماجة
بنانة او تفاحة
سنيدة فاني ولا ماء زهر
طحني مزيان وصفيه وانتعشي باحسن عصير على وجه الكرة الارضية

بالنسبة للقياس راه عينك ميزانك على حسب الكمية دالعصير اللي غتصاوبي