أنا و ط®ط¯ظˆط¬ و الحمار
كنت غادي فالدوار
بانتلي خدوج فوق الحمار
هزيت السلهام و غوَّت بصوت جبار
خدوج..رحمي قلبي من صهد الجمار
و نزلي من فوق داك الحمار.. راني مغيار
يالاهي نمشيو لمدينة نخدم خضار
و نعيشو ولو فعشة بلا شي دار
اليد فاليد نقاومو هذا الزمان الحكار
خديت خدوج من يديها و ركبنا فالكار
وصلنا لمدينة.. دخنا وسط العمارات من سمسار لسمسار
تكرفسنا.. عيينا.. دقنا المرار.
فرشنا الهيدورة شدينا الارض غرقنا وسط السوار.
شفنا مناظر تحير العقل
الكارو فيد عيالات و رجال صغار و كبار
الناس لابسة عريانة و هذا فبلادنا عار.
البنت لابسة سروال نص كم
و الولد تابعها يقولها انت السكرانت زحل انت القمر
شفت فخدوج بانو ليا غير عينيها من ليزار
قلت ليها خدوج…!
قالت لي نعام ا روح القلب
نعام ا مول الدار.. نعام الخضار..!
ضحكت ضحكة وراها اسرار
ضاقت بيا الدنيا وقطرت الدمعة من عينيا
قلت ليها توحشت الدوار توحشت الاشجار… و فدادن الكبار..
توحشت الصابا و الساقيا و الحمار
درنا رجلينا فالكار ورجعنا للدوار..
نزلت برجلي د ليمن كمشت التراب
بست الارض الفازكة.. شميت الغبار
صليت جوج ركعات فالساقيا و عنقت ط§ظ„طظ…ط§ط± 
Hkh , o],[ hgplhv
الله يعطيك الخير اش هاد الشعر المتميز
له معنى و بطريقة فكاهية
ما شاء الله اعليك
تبارك الله عليك أختي الله يعطيك الصحة
المرجو منك أوختي نقله لمنتدى الشعر لأنه غزال ويستحق الثتبيث
جميل نشوف قصيدة ديالي عجبت الناس بغض النظر عن من حطها فهاد الصفحة