أنا موظفة و بغيت ندير برنامج لتنظيم حياتي شكون تنضم لي و نشجعو بعض ؟

ثبت الموضوع
mamachraf

السلام عليكم

كيفما موضح في العنوان أنا ظ…ظˆط¸ظپط© و مزوجة و كنحس بحياتي مرونة و كندير كل مرة ط¨ط±ظ†ط§ظ…ط¬ جديد ولكن مكنقدرش نتبعو ، قلت مع راسي إدا إنضمو ليا الأخوات وشجعنا بعضنا غادي نقدرو نخرجو بنتائج مرضية

البرنامج كيشمل الجوانب الأتية :

– الالتزام الديني
– العناية الشخصية
– التنظيف وترتيب البيت
– الطبخ
– تطوير الذات

نعرفكم بنفسي، أنا من شحاال هادي و أنا متبعة المنتدى وكنت كندخل بحساب صاحبتي و لكن دبا درت الحساب ديالي

إسمي فاطمة ,27 سنة ، موظفة، متزوجة، كنخدم من 8 حتال 5:30

يلا ط´ظƒظˆظ† معايا ، راه عندي أفكار زوينة خصني غير التشجيع

---

Hkh l,/tm , fydj k]dv fvkhl[ gjk/dl pdhjd a;,k jkql gd ka[u, fuq ? gjkudl

أنا معك ياحبيبتي
موضوع زوين بزاف,

موضوع رائع

انا اسمي ايناس موظفة متزوجة عمري 29 عام
بدون اولاد
توقيت من 8 و نصف نالرابعة و النصف

للعلم راجلي تيكون غير من الجمعة الى الاثنين

واخا مكاينش لكن تنكون مطالبة ندير شهيوات و بزاف ديال الاشياء نوجدها منين يجي
مشكلتي مع تنظيم و ترتيب البيت تنحس براسي ماشي منظمة بما يكفي

مرحبا بيك ا حبيبة ، عرفينا بنفسك
وغادي نستناو يتجمعو على الأقل 4 الأنيقات باش نبداو على بركة الله

مرحبا بيك أختي إيناس
الحال من بعضه 🙂 عاد خصك تكوني موجدة كلشي باش الويكند تجلسي مع راجلك، صعيب الحال، إوا الله يسهل عليك الحبيبة و يجمع الشمل

هادشي لي بغيت مابغيتش نخلي كلشي حتى يجي ماحتي نالكوزينة ما حتي نراسي

أنا إسمي ريما موضفة سني 38 سنةغارقة بزاف أو منسيبش الوقت ل اعتناء بنفسي
عند 2 أولاد
توقيت العمل من h8 – 17h

حبيبة نتينا طنجاوية ؟؟ 🙂

السلام عليكم
حتى انا بغيت ننضم لكم، أنا اسمي سعاد 38 سنة، موظفة وعندي 2 وليدات، حتى أنا مكنحكش راسي منين يصبح الصباح حتى الليل. الله يعاوننا كاملين

نبداو على بركة الله

أول حاجة بغيت نقوليكم هو أنه الجانب الديني هو أهم حاجة فهدشي كامل اللي غادي نهدر عليه، أنا بعدا إدا حسيت براسي مزيانة مع سيدي ربي كنحس بأبواب الخير كتفتح لي و الأمور كتيسر بطريقة غريبة سبحان الله و ما شاء الله حتى من الدار كنحس بيها مكترونش دغيا هههه أما إدا كنت بعيدة على الله كنحس براسي حالتي وداري دغيا كترون و نفسيتي زفت خلاوها المصريين … سبحان الله " ومن أعرض عن ذكري فإن له معيشة ضنكاً" يا رب نكونو من اللذي انت راض عنهم
البرنامج ديالنا كيعتمد على التدرج باش منعياوش وكذلك باش العادات الحسنة تترسخ مزيااان
البرنامج الديني كيشمل عدة نقاط اللي هما الأساس أو ال minimum و لي بغات تزيد فذلك من فضل الله :
كل نهار غادي يكون عندنا مهمة خصنا نديروها و الغد ليه مهمة جديدة + المهمة ديال الأمس و هكذا … مثلاً إدا كانت المهمة ديال الأربعاء هي صلاة الفجر و المهمة ديال الخميس هي أذكار الصباح هذا كيعني أنه نهار الخميس خصك تصلي الفجر + أذكار الصباح، نتمنى تكونوا فهمتو
البرنامج يتطلب الإلتزاااام، يعني كل نهار تجي و تقولي لينا صافي راني درت المهمة و إلا مدرتش تشرحي لينا علاااش حيت فغالب الأحيان كتكون أعذار واهية، أنا بغيت ندير لك بحال طبيب نفسي نخليك تلقاي العقدة بوحدك هههه بحال أنا عندي واحد التلفة بغيت نقول التلفزة صغيرة فلكوزينة كنبقى مقابلاها المواعن ديال جوج الناس كنغسلهم فساعة ههههه أنا لقيت العقدة ديالي الأولى هههه