أخواتي الأمهات دخلو محتاجة ليكم تفيدوني الله يخليلكم وليداتكم

ولدي قرب يدير 5شهور بغيت نعطه لماكلة و معرفتش باش نبدا
واش ممكن نعطيه ياغورت و سيريلاك
واش نبدا بلماء ديال خضر عاد نعطيه لخضرة ولا نعطيه نوع بنوع ديال لخضر و لا نخلط
راني حايرة جاوبوني نصحوني ياأخواتي ط§ظ„ظ„ظ‡ يجازيكم

---

Ho,hjd hgHlihj ]og, lpjh[m gd;l jtd],kd hggi dogdg;l ,gd]hj;l

السلام عليكم ورحمة الله

اختي اية بالنسبة للتجربة ديالي خليت ولدي حتى وصل ل 6 شهور عاد بدايت ليه الاكل يعني الا كان شبعان من الاحسن صبري حتى يوصل 6 شهور لانه هادي هي السن اللي ممكن الاطفال يبداو ياكلو فيها

بداي ليه بالتدريج صلقي ليه الخضرة نوع بنوع حتى يولف ومن بعد خلطي ومرة مرة ديري طريف ديال اللحم او الدجاج او سمك وطحنيه مزيان وكليه ليه بالصحة والعافية
ضانون معنديش فكرة لانني مازال مكنعطيهش ليه
وان شاء الله يفيدوك الامهات اكثر

سلام عليكم انا طبيبة قالتلي احسن حاجة تبداي بالفواكه مثلا كتسلقي التفاح ولا الاجاص وكتمعصيه مزيان وكتعطيه للطفل ديالك وحتى يدر 6شهور عاد عطيه الخضر

أختي آية اعطيه مرة مرة ماء الأرز كذلك حسوة السميدة والفواكه كما قالت الأخت مشكورة. والحليب والفرماج ضروريين.

salam aya,

الحبوب : لقد دأبت شركات الأغذية على تحضير أنواع كثيرة من الحبوب بطرق وأشكال مختلفة ، ولقد اشتهر عندنا ( فوح الرز ، وشوربة الرز وغيرها ) وكلها محسنة ومطعمة بالحديد والفيتامينات المختلفة ، وهذه يمكن البدء بها اعتبارا من نهاية الشهر السادس كما ذكرنا .
الفواكه : الفواكه المعصورة أو المغلبة والمصفاة ، والمطعمة بالمعادن والفيتامينات ، تعتبر غذاءً مرغوبا ومفيدا للأطفال ، والموز الناضج والطازج والمهروس ، يعتبر طعاما مثاليا للأطفال الرضع بعد الشهر السادس أيضا ، فهو سهل الهضم ، وملين خفيف للأمعاء .
الخضراوات : وهي غنية بالحديد والفيتامينات ، وتعطى للرضيع اعتبارا من الشهر السابع ، وذلك إما بعد طبخها وهي طازجة ( مثل شوربة الخضار ، وماء السبانخ ) أو تلك المحضرة تجاريا بشكل جاهز.
البيض : يضاف البيض إلى طعام الرضيع في نهاية الشهر السادس كذلك ، وتبدأ الأم بإعطاء ( مح البيض) المسلوق جيدا في البداية ، كما تبدأ بكمية قليلة ( جزء من مح بيضة واحدة ) ، ثم تزيد الكمية بالتدريج حتى تصل إلى مح بيضة كاملة وبمعدل 1-3 مرات أسبوعيا . أما بياض البيض فيجب الحذر منه خوفا من الحساسية ( نعطيه بكمية قليلة وانتباه كبير ) .
اللحم : وهو مصدر غني بالبروتين والحديد والفيتامينات ، وكذلك يستخدم اعتبارا من نهاية الشهر السادس، حيث تبدأ الأم بماء العظم ، وشوربة الدجاج ، ثم الكبد والمعلاق …إلخ
والنشويات : هي آخر شيء نضيفه إلى غذاء الطفل الرضيع ، وهي ذات قيمة حريرية عالية ، ونبدأ بالبطاطا ، ثم شوربة الرز ، ثم الخبز والصمون ، ثم المعكرونة .
أما الخبز المحمص ، أو البطاطا المحمصة ، والجبس والبسكويت …إلخ فنعطيها للطفل عندما نلحظ منه رغبة في مسك الأشياء بيده ، وهذه – في الحقيقة – هي التي تعلمه على الأكل الذاتي بالتدريج …
وماذا عن الحلويات ؟
لا بأس من إعطاء الطفل الذي قارب على نهاية السنة الأولى من عمره ، بعض الحلويات المصنوعة من الحليب مثل : ( المهلبية والكاستر ) وغيرها ، على أن تكون مساعدة للوجبة الغذائية ومكملة لها وليست بديلا عنها .

أما الملح : فصحيح أن الأطفال يحبونه كثيرا ، ويرغبون أن تكون وجباتهم مالحة ، ولكن على أن لا نسرف فيه ، احتراما للنظريات التي تقول : ( الإسراف في الملح في الصغر ، يسبب ارتفاع الضغط في الكبر ) .!

وأما الأصبغة والمطعمات المضافة إلى الأطعمة Coloring agnets and Flavors : والتي باتت اليوم تعد بالآلاف ، فلا مكان لها عندنا ، ويجب منع شركات الأغذية في بلادنا من استخدامها ، فلقد ثبتت علاقتها بالكثير من أمراض الحساسية والربو وتقرحات اللسان ، واضطرابات الأمعاء وآلام المفاصل وغيرها.

أنا فنظري ملأحسن تعطيه فلول لماء ديال لخضر حتى يكبر شوية عاد عطيه لفواكه أما سيريلاك و دانون هوما التاليين باش مايولف ليك لحلاوة و توحلي معاه

الأكل ابتداء من 6 شهور، نبداو بالخضر والفواكه مسلوقة إلا الموز ما كيتسلقش غير كيتمعك بفورشيط… كنبداو بكل نوع خضر على حدة وكنشوفو واش الطفل ما دارش منهم حساسية عاد كندوزو لنوع آخر: الجزر مثلا ثم البطاطس ثم القرعة الخضراء ثم الحمراء… وهكذا

من بعد واحد الأسبوع ولا زوج كنبداو نخلطو الخضر، وندخلو اللحم الأحمر والأبيض والسمك فالتغذية ديال الطفل، ضروري ياخذ الطفل اللحوم ولو مرة واحدة خلال الشهر السابع تفاديا لفقر الدم، إيلا قدرتي تعطيه أكثر يكون أحسن، دخلي أيضا فهاد المرحلة أصفر البيض مسلوق معكيه مع الحساء، بداي بربع المح، ثم النصف ثم يولي ياخذ أصفر كامل في أواخر الشهر التاسع… انتبهي أبيض البيض ممنوع منعا كليا حتى يكمل الطفل سنة كاملة لأنه كيتسبب فحساسيات!

ملي إن شاء الله طفلك يتوالف الخضر كاملة، تقدري تولي ديري ليه حساء تخلطي فيه جميع الخضر، وديري معاهم قطع اللحم أو الدجاج وكميشة دالعدس وكميشة دالروز، وتطيبي كلشي وتقسميه فعلب واحتافظي بيه فالمجمد، كل يوم عطيه علبة منهم: مثلا اليوم الحساء لي فيه اللحم، غدا لي فيه الدجاج بعدو غير خضر وضيفي ليهم أبيض السمك مفور أو أصفر البيض وهكذا…

من بعد الحساء ياخذ الطفل الفواكه كيف قلنا مسلوقة ومطحونة

في أواخر الشهر الثامن تقريبا إن شاء الله، تبداي بدل ما تطحني تمعكي غير بالفورشيط باش الطفل يبدا يمضغ شوية واخا ما عندو سنان، المهم ما يبقاش موالف كلشي مطحون

حتى حدود السنة كيبقى الحليب هو الغذاء الأساسي للطفل، والأغذية الاخرى ما هي إلا مكملة

الأطباء كينصحو تسبقي الرضعة هي الأولى عاد موراها الأغذية الأخرى، أنا صراحة هاد المسألة ما كانتش مسلكاني مع ولدي فكنت كنخالف وقت الرضاعة مع وقت الوجبات الأخرى

الحبوب أو السيريلاك كيبقى مهم وضروري، ختاريه بحسب ما يناسب سن الطفل ديالك

حليب البقر ما تعطيه ليه حتى يكمل على الأقل 9 أشهر والأفضل يبقى حتال سنة

اليوغورت والدانينو والأجبان حتى هي ابتداء من الشهر التاسع

فواكه البحر بحال أبيض البيض حتى يكمل الطفل سنة، وبعض الفواكه بحال الكيوي حتى هي حتى يكمل الطفل سنة

ما تنسايش الماء مهم بزاف فهاد المرحلة، والملح ما يدخل فالتغذية حتى يكمل الطفل سنة، هاديك الساعة تولي توكليه من الأكل لي كتصاوبي للأسرة كاملة

ربي يخلي ليك ولدك ويفرحك بيه

اختي هنا في فرانسا الاطباء كيقولوا ليك لو بديتي ليه الماكلة على اربع و لا خمس شهور عنداك تعطيه دانون ولا ديك شي ديال الحليب لانه فيه شي مواد ماشي مزيانة للمصران دياله و هو مازال مولف الاكل

و البطاطا عندك تعطيها ليه لانها صعيبة في الهضم عطيه سوب خفيفة بززززززاف و جارية ديال خيزو و الكرعة الخضرة مهمة بززززاف و كثري فيها الماء

اياك و اياك من الملحة و لا الدهنيات في الطياب ديال ولدك خلي كلشي طبيعي

طيبي الديسير و معسيه مزيان و عطيه ليه

الله يخليه ليك احبيبة و تفرحي بيه

اختي اية لي عارفة هو ان دانون و الفرماج من الافضل ماتعطيهش للرضيع لان فيهم كواد حافضة و مصنعة مامزياناش لجهازو الهضمي و افضل شي هو الفواكه و ديك الحبوب الجاهزة في الصيدليات

amouna24,malak56,rachida endichi,imane jebreel;habiba hajar, اريج العفاف، أم الشهداء، مسلمة و أعتز؛ رفيقي سكني ؛
شكرا جزيلا أخواتي على ردود ديالكم
والله يخليلكم وليداتكم استافدت بزاف من أجوبتكم
الله ينولكم لي فبالكم و ينور طريقكم
أحبكم في الله