أختي عطيني سرك باش تيجيك الأكل التقليدي بنين

بسم الله الرحمن الرحيم
السلام عليكم و رحمة الله و بركاته
اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين انك حميد مجيد

أخواتي كل وحدة و كسكسوها و رفيستها و عدسها و لوبيتها و بقولتها و هلم جرا
لأن كل وحدة وتوابلها و طريقتها
بغيتكم أخواتي متبخلوش علينا بطريقتكم باش تيجيكم الطبخ ط§ظ„طھظ‚ظ„ظٹط¯ظٹ بنين
نبدا بكسكسو
يا ريت كل أنيقة تعطينا طريقتها في تحضير المرق و الكسكس بالتفصيل الممل باش يستافد الجميع و خاصة الأخوات لي مقبلين على الزواج
الله يجازيكم بخير و ينولكم لفي بالكم

---

Hojd u’dkd sv; fha jd[d; hgH;g hgjrgd]d fkdk fd]d;

وعليكم السلام ورحمة الله وبركاته

اللهم صل وسلم وبارك على سيدنا محمد وعلى اله واصحابه والتابعين له باحسان ليوم الدين

اختي بالنسبة لطريقتي في الكسكسو

تنشحر البصلة شرائح مع ثوم مدقوق + زويتة رومية وبلدية + خرقوم تحميرة ملح سكين جبير ضامة ديال البنة دالربيع والزعفران الحر واللحم لي موجود عندي: دجاج طبعا مملح من قبل مزيااااااااان او لحم بقري ولا غنمي + 1 ملعقة كبيرة مطيشة ديال الحك + وحد مطيشة منقية ومقطعة صغيرة وقطيرة ديال الماء وخلي كلشي اتشحر لك مزياااااااااااااااااااااان الا شفتيه نشف من الماء زيدي الماء غير بالقطرة وعلة نار هادية حتى تشمي ريحة اللحم بدا يدخلو الطياب عاد مرقي وخلي كلشي يطيب

ملي يقرب اللحم يطيب زيدي الخضرة ديالك : بالتدريج يعني لي تتبغي الطياب هي الاولى و حتى يقرب يدخلها الطياب عاد زيدي الخضر الاخرى ولي تطيب دغيا هي اخر حاجة غتحطي في الطنجرة الا طاب اللحم زوليه وخلي الخضرة تكمل الطياب مع التفوار ديال الكسكسو

انا تندير 3 تفويرات

تنشللو مزيان ونخليه اشرب ونعاود نسقيه مزيان ونخليه اشرب حتى تنحس به بدا يرطاب عاد تنردو اتفور وتنخليه نصف ساعة

ونزولو ونسقيه مرة اخرى بالماء مخلط بالملح ونخليه ارتاح شوية ونعاود نردو اتفور ربع ساعة اخرى ونزولو وتوفويرة الاخيرة تندهنو مزيان بزيت الزيتون ونردو يتفور ربع ساعة اخرى تتكون الخضرة طابت والمرقة عقدات وهذي حاجة مهمة ماتخليهاش جارية

وصافي تنصاوبو في قصعة ولا طبسيل ونسقيه ونقدمو

والحمد لله تيجي بنيييييييييييييييييييييييييين

شكرا يا ختي انا هاد الكسكس اللي باقا واحلة فيه تايجيني عادي ما خيبش و مابنينش معرفتش مناااش

وعليكم السلام ورحمة الله .

طريقتي في تحضير الكسكس .

ا ــ للحم والبصل يتشحر في قليل من الزيت والملح ـ ممكن إضافة السمن للي كايبغيه ـ

ـ ونضيف العطرية بنوبة ـ البزار وحركي
سكين جبير وحركي
ثم المروزية ـ حسب نوع اللحم : دجاج أو لحم .

وهه نصيحة من بركاش الله يرحمه ـ نعطي للعطرية وقت باش تطلق ريحتها ونسمتها .
وكنضيف معه الحمص من البداية كايجي لذيذ
مطيشة كنصلقها ونطحنها ونضيفها بعدما تغلي الخضر لأن مطيشة لا درتيها مع الخضرة كتحبس عليها الطياب .

ما كنستعملش الثوم ولا التاحميرة وما نستعملش ضامة البنة .
ونحرك حتى تندمج العناصر ، ومرة مرّة نزيد شوية الماء حتى يبدا اللحم يطيب
كنزيد الخضر ـ باستثناء القرع بنوعيه يبقى حتى الفورة الأخيرة .
وبعدها كيبقى التفوار ثلاث مرّات

إذا كان كسكسو غليظ يتعاود بالمرق في الفورة الثانية ـ تتنقصيها من البرمة وتخليها حتى يفور وتعاودي لمرق ـ كايجي لذيذ بزاف وبالصحة والراحة .

أختي نوال تبارك الله عليك الله يعطيك الصحة باين كسكسو دايزو الكلام
غادا نجربو بطريقتك خاصة أنني أول مرة نشوف الزعفران الحر و التوم فيه
بغيتك توضحي لي إلى جات على خاطرك أشنو قصدتي ب"دجاج طبعا مملح من قبل مزيآآآآان" واش تترشيه بالملح و تتخليه يشربها عاد تضيفيه
و بالنسبة للبصلة و التومة عطيني القياس لي تديري في كيلو اللحم
و كدلك قياس الزيت واش تتكتري الزيت في كسكسو أو عادي القياس لي تديري في المرقة
واش متديريش الربيع مربط أو مقطع
واش ممكن الاستغناء عن ضامة الربيع و استبدالها بالربيع
واش متديريش السمن
و عطينا الخضرة لي تتستعملي فيه
و كيفاش تتسقي الكسكسو واش تتخليه شوية ناشف أو تتشربيه
و عطينا طريقتك في تفوير البلبولة
عرفت راسي طولت عليك غير سمحي لي و إن شاء الله نطبقو و نرد عليك الخبار
الله يجازيك بخير و ينولك لفي بالك

حتا أنا أختي بحالك داك الشي علاش طرحت الموضوع باش نستافدو من أنيقاتنا الحادكات
نتمنى لك الإفادة

أختي جلنار تبارك الله عليك الله يعطيك الصحة كسكسو عندك دايزو الكلام
ممكن بعض التوضيحات باش نفهم طريقتك مزيان
أختي القياس ديال البصل لكيلو ديال اللحم
و الزيت واش غير ديال المائدة أو حتا زيت الزيتون و شحال قياسو و كدلك السمن
أختي واش تتقصدي المروزية لتنديرو في اللحم بالبرقوق
واش متتستعمليش الربيع و الخرقوم
ممكن تقولي لينا الخضرة لي تتستعملي
أختي شحال القياس ديال مطيشة لي تتستعملي
أختي ممكن تشرحي أكتر طريقتك في التفوار "]إذا كان كسكسو غليظ يتعاود بالمرق في الفورة الثانية ـ تتنقصيها من البرمة وتخليها حتى يفور وتعاودي لمرق ـ كايجي لذيذ بزاف"
نقوليك أشنو فهمت و صححي لي في التفويرة التانية في بلاصة متعاودي بالماء تتعاودي بالمرق واش خاصو يكون بارد
أختي ممكن تفيدينا بطريقتك في تفوار البلبولة
جاري التطبيق إن شاء الله و رد عليك الخبار
سمحي لي طولت عليك بالأسئلة غير باش نفهم طريقتك مزيان
الله يجازيك بخير و ينولك لفي بالك

أخواتي يا ريت تدكرو لينا طريقتكم في تفوار البلبولة و كدلك باش يمكن لينا نخضرو كسكسو أنواع الخضر لي تتمشي مع بعضها
الله يجازيكم بخير و ينولكم لفي بالكم

شكرا لك أختي
موضوع مفيد لي عودة إن شاء الله

الشكر موصول لك
في انتظار عودتك و كسكسو ديالك الرائع