أجي نتفكرو القصص ديالنا ديال أول مرة فالطبخ ونضحكو شوية هههه

أكيد كل وحدة فينا عندها شي حكاية زوينة ، وطريفة من طرائف فاش بدات كتعلم الطياب هههههه، وكانت يا إما تتجرب فمالين الدار ،كان الله فعونهم مساكن، هههههه، و لا فاش مشات عند راجلها مسكين وكان صابر عليها هههههه، غييييرر فالأول، ههههههه ، وكانت النتيجة ياإما يقبلو مساكن على ديك الماكلة وكيفما جاتهم غادي ياكلوها بلهلا يطريه ليهم ههههههه ، أو لا يعيبوا عليها، أو لا ترمى وتلاح الله يسمحلينا.

والمصيبة الكبيرة هيا، ايلا كنتي مازالا تتعلمي وكانو جايينك الضيااااف ألا لا وحصلتي ههههههه، وهاديك هي قمة الإحراج هههه

إيوا عاودي لينا يالا لا آش كان كيوقع ليك، ونتفكرو هاديك المواقف ونضحكوو جميع، من بعد ماوصلتو كاملات تبارك الله نحو الإنحراف في الطبخ، أو وليتو طباخات ماشاء الله عليكم
كنتمنى تعجبكم الفكرة ط¯ظٹط§ظ„ هاد الموضوع، وكنتمنى نقضيو وقت ممتع مع بعضياتنا ان شاء الله

---

H[d kjt;v, hgrww ]dhgkh ]dhg H,g lvm thg’fo ,kqp;, a,dm iiii l]p ]dhg,h .,[m

موضوع زوين اختي سوسنة تبارك الله عليك عجباتني بزاف فكرة الموضوع
انا بعدا قصتي قصةمع المطبخ قبل ما نتزوج ما كنتش كانعرفو حتى فين جا في الدار ههههه
كنتفكرو غير الى بغيت نشرب ولا الى تنقلب على ماما صافي هادي كل علاقتي بيه
حتى تخطبت و قرب العرس عاد بديت تنفكر نتعلم شوية لكن تندخل نجلس فيه دقيقة و نمل ههه

ههههههه ، زيديني عليك يالحبيبة حتى أنا مكنت كنعرف ندير لا حلوى ولا نطيب شي حاجة مكادة هههههه، وكنت كنقول لواحد صاحبتي، أنا كاع متسوليني آش دارت شميشة آشدارت وآش عملت، سولني غير على مول شطابة البلدية آش كيدير ههههه، حيت كان الإختصاص ديالي فدارنا هو ل menage ههههه
واحد لمرة كانت ماما مسافرة مسكينة، وآضطريت نطيب للدراري خوتي، وآجي تفرجي ههههه، درت ليهم شرورو هههههه ، وقالو ليا هدي راه مابقاتش مرقة راه ولات بحر هههههه، المرقة جات كتيييرة والماكلة بسالت وبقاو تيضحكو عليا، ،إيوا شفتي على حالة ، ولواه مضحكيش عليا عافاك، مدرتش معاك بحال هاكدا ههههههه
وستريييييييني عفاك
ههههههههه

واحد المرة مشيت عند ناسي و كانو جايينهم الضياف و خاصها تخرج ضروري هي و لوستي و كان خاصني نعاونهم
لوستي نصبت بالزربة و خالتي دارت بسطيلة و منين بغاو يخرجو طلبت مني لوستي ندير شي شليضات على ما يجيو
دخلت للحمام و اتصلت باختي سولتها قلت لي عملي وحدة طيبة و وحدة باردة ههه و عطاتني اسهل ما كاين
دخلت بكل ثقة في النفس حطيت مطيشة و فلفلة يتشواو باش نديرهم فشلاضة و من كثر الثقة درت كلشي فمرة
حطيت الروز حتى هو يتسلق و الباربا كطيب فوق البوطة و قطعت داكشي اللي خاصو يتقطع و خرجت نجيب اللي ناقصني من الحانوت
فداك الوقت كانت لوستي و خالتي خرجو يقضيو شي غرض و يجيو قبل ما يجيو الضياف
جلست قدام الكمبيوتر ناخد معلومات اضافية على اللي عطاتني اختي ههه الابداع هههه خليت داكشي كيطيب و يعيط اللي يطيب معاه هههه
غير انا شميت الريحة و طرت للكوزينة رميت تقريبا كلشي اللي تحرق و اللي مزيان (الله يسمحلي) و بديت كنجمع البوطاجي و البوطة
نسيت الشلايض ولا همي غير نقي الدنيا من ديك الفوضى و نحيد ريحة الحراق قبل ما يجيو ناسي و الضياف و هادشي اللي درت
منين جات لوستي و سولاتني على الشلايض ضربتها ليها بنكرة ههه الله يسمحلي قلت ليها نسيت باللي وصيتيني عليهم
و حطو العشا بلا شلايض ههههه احسن التبدير ما مزيانش هههههههه المهم انا اللي زينت ليهم الديسير (حادكة هههه)

شكرا لكي سوسنة علي الموضوع انا اول مرة مشيت نعجن كي شي حادكة ههه ماما كانت تخدم اوا عجنت الحادكة ما خلاتش الخبز يخمر كراستو او طيابتو تعارفي الحجر رطب عليه ههه جا قاصح او مشيت خبعت ادوات الجريمة دارتو مع الخبز يابس

هههههههههههه، ضحكتيني الله يعطيك لخير، لمهم سلّكتي راسك بالفن ههههه، معندي ميتسالك، باااقي شلاّ مايتقال فهاد الشي،هههه باش منبقاوش غير انا وياك اللي تنهدرو زعما غير حنا بوحدنا اللي مكناشنعرفو نطيبو ههههه
إيوا بانو يالغزالات باش نضحكو شوية ونفرفشو

هههههه زوينة الفكرة دكرتينا في لي مضى ، أنا يا لالا أول مرة غنتعلم الطياب تعلمت في العجينة وكانت عندي 11 سنة قلت لماما والو تخليني نعجن ومتكلسيش حداية باش نعجن مزيان ههههههههه اش غنكولك ديك العجينة خويت لها ألما في مخها ولات كتلسق ومعرفتش نجمعها في عوض منزيد شوية دقيق كنزيد الماء عند راسي إلى زادت شوية لما غتوالي مجموعة محدن كنزيد لما وهي كتزيد تحرحر هههههه مشيت غسلت يديا وسكت مقلتش لماما على الفضيحة حتا جات قالت لي انشوف العجينة كيف عجنتيها قلت لها رها تحرحرات غير بوحدها أنا مادرت لها والو معرت مالها ههههههه بقات كضحك مقالت لي والو

ههههههه ضحكتيني أم وليد
قصة ديلي نانا اللة مشي زرغة جاع كنت شوية نصيب مرقة شلاضة حوت ديك شي لمعروف
إو تزوجت مشيت جلست مع ناسي واحد 4 شهور إو للالة كان رمضان وقريب لعيد بغيت ندير شي حاجة وديمة تلفون لمشرجي عندي كنعيت لماما تعطيني لمقدر إو قبل كنت صوبت شباكية جات مزيانة مع إشراف لغير موشر ديل ماما ف تلفون هههه لمهم قلت نصوب حاجة سهلا اشنو ندير lgros عطتني ماما لمقدر سوبتهم طيبتهم إو اش غنقول إلى ضربت بهم لحيط يثهرس وهما لا بقيت حصلا فن نخبهم إلى دارتهم ف سطل ديل زبال حشاكم ردة نحصل
ونة نفكر واحد فكرة دارتهم ف بانيو ودارت عليهم لما حتى رطبو وفرتثم تفرتيت ههههه حتى دابو ف دوك لما وكبثهم ف لفبو ههههه دزت مدة وهو يتخنق ههههه
لمين شاف ولمن ديري

هههههههه، ايوا شفتي كاع عندنا قصص وحكايات ههههه غير الله يستر وصافي هههه
أنا فاش يلاه جيت لداري، كنت كنعرف نعجن من قبل، وبحكم الغربة، وباقي يلاه جيت، فمكتعرفيش الدقيق اللي مزيان من اللي ممزيانش حيت كاينيىن أواع كثييييرة من الدقيق وكل حاجة لاش تتصلاح، المهم راجلي كان جاب ليا شي دقيق وشي سميد باش نعجن، إيوا ختك عجناتو ودلكاتو مزيااااان، وفاش طاب، آش غنقوليك، ضربي بيه شي حد يطيح فلبلاصة كوما هههههه، والراجل بقا غير كيشوف، وهو يقوليا، ويلي ويلي، هاادي هي اللي كتعرف تعجن هههههه، وبقا فيا لحال ههههه،ساعة من بعد ولينا جبنا الدقيق والسميد اللي صلاحو للخبز ههههههه

نزيدكم ولا بركة