كان سراق الزيت غادي كايدور فالكوزينة !!
تالف مابين الطباسل والكيسان والروينة !!
حتى خرجات ليه واحد الصرصورة آية فالجمال زوينة !!
ڭال ليها الزين نهار كبير هذا جيتي فيه تشوفينا !!
المهم ڭال ليها آش بان ليك نطلعو نتمشاو فوق البوطاجي نسرحو رجلينا !!
ولا شفتي آش نديرو خلي حتا طيح الظلمة باش حتا واحد ماحضينا !!
ويخوا المطبخ ماتبقا دور لا التايكة لا بنتها ياسمينة !!
وآجي ندير شي موعد حدى الڭصعة ديال العجينة !!
بقات ساكتة وهو يقول هضري وبداك الصويت ماتبخليش علينا !!
هو ڭال واقيلا مابغاتنيش حيت أنا خايب ولا ماعجباتهاش التحسينة !!
دازت على سراق الزيت ليلة حزينة !!
بقا يقول علاش خلاتني أنا و عندي الدار والفلوس ولاباش علينا !!
المهم داز داك النهار بيخير ومشا هو يزهى فدكالة !!
وفي الغد تعرض ليها وڭال واش عجباتك هاد الحالة !!
وهي ترد عليه بعد من طريقي آش هاد البسالة !!
تفو على سراق الزيت كيف داير يخ على حثالة !!
وهي تدعي عليه سير أنا بغيت مولات الدار تنزل عليك بشي صندالة !!
بقا فيه الحال وقال العيب فيا خليت النحلة والفراشة وجيت عند آوجه البالة !!
هي مشات وهو كمل طريقو فالمطبخ الخالي !!
غادي فوق البوطاجي حتا جاتو ضربة من الأعالي !!
كانت صدمة قوية حيت ضرباتو مولات الدار بصباط راجلها الماداني !!
مات مسكين ومشات معاه كل الآماني !!
الصرصورة بكات وبقات تڭول ناري ناري اش داني !!
زدت فالفشوش ومابغيتش ڭاع نسالي من هبالي !!
واخا كنت دافعة عليه كبير راه كنت ناوياه حلالي !!
هاهو دابا مسكين مات مشا وخلاني !!
غانولي ضحكة عند القريب والبراني !!
أتمنى ألى يكون الموضوع مكررا
, lk hgpf lh rjg iiiii g;k hgksom hgwvw,vdm rfg
مشكورة على النسخة الصرصورية اوا شي دعوة مرات تجي هي هاديك دعات عليه والدعوة وصلت الله يرحمو
المشاركة الأصلية كتبت بواسطة جازيا 
مشكورة على النسخة الصرصورية اوا شي دعوة مرات تجي هي هاديك دعات عليه والدعوة وصلت الله يرحمو
شفتي آ ختي الشعر فين وصل حتى الموت هههههه
دابا المشكلة هي واش نقدر نقتل شي سراق الزيت مرة أخرى ولا لا
غادي نقول ياكما حتى هذا راه رومانسي وانا نمشي نقتلو
هههههههه