وصفة ل السميدة الغليضة عافاكم

السلام عليكم خواتتاتي بغيت نسولكم عندي ط§ظ„ط³ظ…ظٹط¯ط© ط§ظ„ط؛ظ„ظٹط¶ط© و مالقيتش شي ظˆطµظپط© ماعرفتش اشنو غاندير بها الى عندكم شي ظˆطµظپط© ماتبخلوش عليا و شكرا

---

,wtm g hgsld]m hgygdqm uhth;l hgyldqm

السميدة الغليضة
امكن ليك تعملي بيها حتى البغرير او الحرشة
المقادير معروفين غير في القياس ديال متلا كاس السميدة رقيقة نتي غاديري نصف كاس ديال السميدة الغليضة يعني غاتنقصي المقدار بالنصف
ملاحظة لازم تخلط السميدة بالخلاط الطحان باش تجي هي هديك

البغرير
زلافة السميدة غليضة
نصف زلافة الفورص
خميرة الدار
خميرة الحلوة ملح
طحني الخليط مع الماء دافئ خليه اخمر
الى خمر اوبان ليك مازال عاقد زيدي ليه الماء عينك ميزانك شوية اوبداي في طهي البغرير مباشرة

عفوا بغيت نكوليكم وصفة للسميدة المتوسطة وشكرا

نفس الشيء
فتليها رديها كسكس
عجني بيها الخبز

شكرا ليك اختي على الرد بغيت نسولك واش عندك شي وصفة ديال الحرشة دالفران بحال ديال الباتسري جربت من قبل شحال من وصفة و جاتني قاصحة و شكرا

ينقل لقسمه

اختي ديري بيها كسكسو تتجي زوينة

حرشة الفران على شكل غريبة لذيذة و غنيةاولا تنشكر مولات الوصفة لي دوزاتها فالراديو فبرنامج اللقاء المفتوح

المقادير
كنحتاجو ليها
نصف لتر حليب
كيلو الا ربع سميدة رقيقة
رابعة دقيق الذرة
كاس صغير و نصف سنيدة
كاس صغير و نصف زيت
شوية الملح
100 غرام نافع صحيح
100 غرام جنجلان صحيح
رابعة صغيرة زبيب مقطع صغير ( 125 غرام)
3 خمارات
ربع كاس مازهر
التزيين
زلافة صغيرة سميد عادي (ماشي رقيق)
الطريقة
نديرو الحليب في القصعة و نزيدو عليه السوائل و النافع و الجنجلان و باقي العناصر ثم نزيدو السميدة و الذرة و نخلطو العجينة كتكون ما قاصحة ما جارية نديرو منها كريصات حسب الحجم اللي بغينا و نرشوهم بالسميد العادي و نديروهم في طاوة مدهونة بالزيت و نباعدوهم مانكرصوهمش بزاف نكرصوهم غير شوية باش مايجيوش غلاض و صافي ثم ندخلوهم للفران يكون سخون من قبل و نقصو عليهم النار نطيبوهم فالاول من الفوق حتى يتشققو و يتحمرو عاد نطيبوهم من التحت
حسب صاحبة الوصفة كيجيو رائعين و ممتازين للفطور و صحيين
غير هنا ما استعملتش ماء الزهر

وصفة ديال حرشة بالحليب وهي مضمونة 100/100

المقادير: – نصف لتر حليب

– كأس زيت

– كأس سنيدة

– نصف كيلو سميدة رقيقة (مع الإحتفاظ بالقليل جدا منها لرش الطاوة)
خمارة1 وفاني1

خلطي المقادير حتى تحصلي على خليط متجانس

بطبيعة الحال السميدة والخمارة في المرحلة الأخيرة

دهني الطاوة بالزبدة ورشي عليها ما تبقى من السميدة كي لا تلتسق

وأدخليها الفرن بحال طياب الكيكة

ممكن تدهمي وجهها بالعسل وهي ساخنة وترشيها بالزنجلان الأبيض إذا كان متوفر

أنا كندهنها بالكاوكاو مهرمش

وبالصحة والراحة