وصفات الجمال لموضوعي شكون لفحالي و معا نحو القمة

نظرا لكثرة الوصفات التي قدمتها الاخوات في موضوع ط´ظƒظˆظ† ظ„ظپط­ط§ظ„ظٹ للاخت الغالية على قلبي ام عصام و اشرف و التي لا زالت تقدمنها في موضوع معا نحو ط§ظ„ظ‚ظ…ط© و للاسف تضيع هاته الوصفات بين الصفحات لكثرة الردود و المشاركات في الموضوعين و نظرا لاهميتها فكرت ان اجمعها في هذا الموضوع حتى تسهل الاستفادة منها

ارجوكم عدم الردود حتى لا تضيع الوصفات مجددا بين الصفحات و اي اخت ارادت ان تستفسر عن اي ووصفة او تشكر صاحبتها فلتتفضل و تشارك معنا في تجمعنا

https://www.anaqamaghribia.com/vb/sho…C7%E1%DE%E3%C9

,wthj hg[lhg gl,q,ud a;,k gtphgd , luh kp, hgrlm hgplhl hgrgf

شوفي دهني راسك دايما بزيت الحبة راه كيرد شعرك حرير والله وخا يكون متل الجكس
والى خلطتي زيت الحبة والزيت العود مع زيت اللوز واركان ودهني وجهك كيولي كالجليجة
وكيشد الصدر وبالتجربة

نقول
نص طاس د دانون مع ملعقة ديال السكر كتحطو ف وجهك بعد ما تغسلي بحركات داءرية لمدة 5 دقايق وتتركيه ربع ساعة او ثلث ساعة وشللي بالما ومن بعد حطي شوية د الزيت العود او اللوز كيكون وجهك سخون كيتشرب الزيت دغيا ورجعي مسحي بدريرة نقية وها انتي كتشعلي مع الكحول الي على حقو وطريقو والكلوس في الفم
وخليك واثقة من نفسك وبغي راسك واهتمي بيها لان ادا ما اهتميتي انتي براسك شكون عيهتم

هانا رجعت معاكم المهم اول حاجة تنقولها لكل العيالات ديرو مرايات بزاف فدار او خصوصا فالكوزينة بزاف تلعيالات تيكونو مشغولات او بهز حط حتى يولي منظرهم فظيع تيدخل راجلها عليها ديريكت تيكون شاف نونو فزنقة او لقى بوعو فالدار هههه لهدا ضروري تيكون مرايا تفكرك راه شعرك تشعكك وجهك تكرفس حوايجك توسخو لبسة تروبلات صافي تفهمنا على المرايا بنسبة للباقي اختي خصص يوم واحد فقط فالاسبوع لجمالك العام يكون فيه تغدية للبشرة الشعر كوماج تنظيف المهم عناية كاملة بنسبة لشعرك من وراء الحمام نشفيه سيشورار او لا بطريقة ليتتريحك بنسبة ليا انا تندير سيشوار خفيف على شعر او مسخونش بزاف تينشف لي شعري او يسرحو او تيسهل عليا تلاعب بيه او انا فالكوزينة لان شعري طويل تيبرزط شوية غير المهم يكون شعرك مشدود بشكل جميل يجي مع وجهك او لابس نظيف او انيق حاولي تختار لوينات منسقة فحال الى غتخري متقوليش راه دار ماشي مشكل لا لاناقة خاصها تكون اكثر فدارك منين تكملي شقاك او تخسلي معانك او طيبي عشاك او ميبقا ليك والو سيري كومي وجهك او دوري بحالتك فحال العرق وماجاوره ديري كريم للجسم يكون دو رائحة زوينة حيدي دوك الحويجات او لبسي لبيسة تكون مخصص لليل مرة تقليدي مرة عصري منغير هدوم ههه مرة سواري غوب او لا شيحاجة تكون سبيسيال مع صندالة عالية ضروري باش تبين البسة او المشية كدالك سرحي شعرك بحيت يكون منسدل عليك متخليهش مجموع ديما الى كنتي لابسة شي سوار ديري ليه مشيطة خفيفة راه عطا الله فالانترنيت مشاطي بساط او ديري مكياج خفيف ماشي ضروري تعبي نفسك بمكياج كامل باش متعيايش او باش ميملش راجلك خلي المكياج الكامل لنهار واحد فالاسبوع او زوج او الايام الاخرى اكتفي بعويناتك او فيمك او الوجنتين يكونو حشمانين او الوجه نقي او حتى الى مكانش مكياج المهم يكون الوجه نقي او حمير او العوينات مكحلين ايوة ديك الساع سربي عشاك بكل اناقة او فالايام الخاصة فحال يوم اجازة زوجك ديري شهيوة خاصة او شميعات او ديك ساع مكياج كامل باش يكون عند راجلك يوم خاص ويكون كيتسناه بفارغ الصبر ايوة او متنسايش كل مرة حاولي تدير مفاجاة ولو بسيطة المهم مفاجاة فحال انك تكتبي سميتو بشكلاط او تكتبي حداها احبك فشي شهيوة او لا تدير ليه شي جلسة فشي مكان اخر فدار فحال تخلي المكان المخصص للاكل او تمشي لبيت نعاس تسربي فيه الاكل فطبيلة صغيرة بشميعات او لومب بدون اضواء فصباح نوضي جمعي الروينة لي درتي بليل هههه نصبي غداك رديه او عجني خليه يخمر او غسلي الماعن لوحي الخبز للفران او انت تتقادي شلايظ كمليهم خرجي الخبز جمعي الدار او سيقيها او هانتي ساليتي الى كان عندك صابون لوحيه فالمكينة او كل ساع دوريها حتى تكوني بغيتي تسيقي او خرجيه او سيقي عاد منين تسالي كل مرة جبدي ركنة مرة مري الماعن مرة خملي شي بلاصة متديريش كلشي فمرة باش متعيايش او تاخديش وقت كبير مرة جبدي بلاكار مرة جبدي الاخر حتى تسالي الكوزينة او هاكدا نتمنى نكون فدتك راه الشغل كلو مافيه والو غير نظمي وقتك او تسابقي مع الوقت فحال انك تحددي نص ساعة لغسل الاواني تسابقي مع راسك باش متفوتيهاش الله الموفق

املينة المكياج راه ساهل بزاف غير تشجعي او بداي المهم فالمكاب انو يكون الوجه نقي و مافيهش زغيبات باش حيت تديري الفوندوتان يبان غزال فوندوتان يكون فحال بشرة متاعك ميكونش فاتح عليها اما الى فيك شي عيوب فغتحتاجي الكوغيكتور لي غتديريه فوق التراس او تمسيه بخفة باش يبقى مغطي ليك عاد تديري الفون دوتان لي على شكل كريم او تخلي الغبرة هو الاخير هادي هي طيقتي فالمكياج لي تتجر رائعة حقيقة عاد ديري عينيك لون تفوق العين حطي باول العين لون فاتح و النصف تاني دخلي عليه لون اخر اغمق باش تبان عينك رائعة الى حدرتيها تراسي عينك كيف كيجي معاك او لتحت متاع العين ديري فيه الون لي درتي التحت من جنب السفلي او الى معرفتيش تقنيه ممكن تشري سوبوبي على شكل اقلام يجيوك اسهل من الفرشات تراسي حجبانك او خودي شوية متاع الون الابيض ديريه فمساحة بين العين و الحاجب او كدالك فاسفل العين باش يحيد اي لون طاح او انت تتقادي او تبان العين نقية او غزالة عاد ديري الفون دوتان الغبرة او الفاغجو فالون لي يناسب بشرتك او باش يبان طبيعي ديريه بشكل دائري من الوجنة لمحيط لي حدا العين بشكل افقي متخليهش غير فالوجنة بوحدها بعدها ديري تراس لفمك الى كان فمك كبير دخلي التراس على حافة فمك او الى كان فمك صغير ديريه فالحافة عادي او الى كان صغير بزاف ديريه فوق الحافة بشكل غليظ بحيت يبان يتراسي الحافة و فوقها عاد غوج دو ليفغ الى كنتي دايرة عينيك لونهم غامقين ديري العكر فاتح او الى كانو العينين فاتحين ديري الفم غامق اما الى بغيتي امثلة من مكياجي ممكن تستعملي العين متراسية مزيان او شفار كدالك بالاسود او فوق العين ابيض و اسود و الفم فيه احمر غامق هادشي الى كان شي سهرة او هانتي كملتي المكياج عندك تنساي الاكسيسوارات مهييييييييمين او شعر كدالك بصحة مسبقا