السلام عليكم اخواتي الأنيقات..بغيت نسولكم الله يخليكم..هادي سيمانا باش كان لقاء جنسي بيني و بين راجلي و كان في اليوم 12من الدورة الشهرية و ناوين نزيدو شي وليد ولا بنية ان شاء الله ..ومن تما وانا حاسة بوجع في جنبي ليسر و انتفاخ و ألم حتى فظهري و ايلا هزيت شيحاجة تقيلا كيتزاد الألم وكنحس بجنبي بحال ايلا سخون من لداخل و ماقادراش ناخد شي دوا خفت يكون حمل ويأثر على الجنين ..الله يخليكم لي عندها شي معلومة ماتبخلش عليا ..و اللهم ارزقنا الذرية الصالحة ولجميع المسلمات يا عزيز يا جبار يا أرحم الراحمين يا رب
,ha ih]h plg ,gh ydv hglwvhk pgl
الله يشافيك والله يعطيك باش تخاوي وليدك ولا بنيتك
أختي بالنسبة للوقت لي ذكرتي فهو كان فعلا وقت بداية الخصوبة ولكن مايمكنش لنا انعرفو واش كاين حمل أو لا لأنه حتى موعد الدورة مزال ماوصل ولا فات
ولكن تقدري تسولي فالصيدلية دابا كاين اتحليل المنزلي كيخبرك واش كاين حمل بعد ما تفوت شي ساعات من حدوثه وكيكتب حتى كم يوم<<< ولكن ماعرفت واش كاين فالمغرب >>وراه حتى التحليل العادي كيعطي نتيجة واخا دابا
الي نقدر انقول هو الله يرزقك الذرية الصالحة وانت جيبي تحليل اعمليه في دارك وشوفي النتيجة وإذا ابقى معاك الألم ضروري اتشوفي طبيبة وربي يشفيك