واش ممكن الرأي ديالكم بلييييييييييزز ??

واش هاد شي عادي أو غير أنا مولفة دارنا بزاف كيف كتقول ماما؟؟؟؟

---

,ha ll;k hgvHd ]dhg;l fgdddddddddd.. ??

ختي اولا الله يكمل عليك بالخير
هاد الإحساس كيكون عادي جدا ، خايفة لأنك غادا تفرقي والديك و غادة تمشي لدار راجلك و غادة تبداي تحمل المسؤولية ، هادشي لابد منو يا ختي هادي هي سنة الحياة شحال قدك تبقي في داركم شحال مابقيتى واحد النهار غادة تمشي ، غير تشجعي و طردي الأفكار السلبية من راسك و كوني فرحانة و والديك إن شاء الله راكي تجي تزوريهم مرة مرة أو يجيو هما لعندك
الله يسهل عليك و يكمل عليك بالخير ختي

مبروك عليك أحبيبة،الله يكمل عليك بلخير أيسعدك ف دار رجلك او فحياتك جديدة ، ا هاد لإحساس لابد غادي يجيك ، ولكن شحل قدك تبقاي مع وليديك؟ غادي يجي نهار ل- راضي تبعدي عليهم أجلا أم عاجلا، أختي مخسكش تفكري حكى ، فكري ف لحياة زوينة لراحة جاية ، أتكوني عائلة حتى نتي، يكونو عندك وليدات او تكون عندك مثالية، أخوف تجاهم ، غادي يجي لفراق صعيب توحد ميسخى بدار لولدين، ولكين راح أمر لا مفر منو، تشجعي او صلي صلاة استخارة ، او الله يكمل عليك بألف خير يا ربى , او انشا الله وليديك غادي يبقو يزورك او نت تزرهم، او حمدله دبى كاين هاتف ، يعني جميع لوسائل موجودة فهاد لوقت ، الله يسهل عليك

شكرا بزااااااف على الهدرة ديالكم والله حتى دخلات لخاطري و ريحاتني وشكرااااااا تاني مرة

مبرووك عليك الله يتمم بخير ووووووووماشي لهد الدرجة الخوف وتعصبي
راك داخلة على الزواج راه مسؤولية خليك للا ومولاتي وقومي بالواجب مع راجلك
ان شاءلله تولفي ولا تبكي لا تعصبي زواج مرحلة مهمة في حياة كل شخص
خصوصا فترة الشبابية لا ضيعيهاش …وتهلاي في راسك وفي بيتك ومبرووك

مبروك عليك أختي وسيري عيشي حياتك ،راه كان شي بنات كينتظرو شي وحد يتقدم ليهم ومازال ،الله إفرح كل وحده ،……بالذرية الصالحة

احساس عادي ولكن راها سنة الحياة تا وحدة ما بقات فدارهم الله يكمل عليك بالخير

عادي احبيبة الاغلابية كيحس بداك الحساس نتاع لفراق كتر الا كانت صغيرة الله اسعدك مع رجلك متعصبيش بش اكون وجهك منور فعرسك تهلي فيه بليماسك اوفلجسم ديالك وجدي راسك لاجمال نهار فحياتك لي هو عرسك

مبروك عليك اختي هاذ الاحساس عادي غير كاين لي كيزيد فيه شوي كنت هكاك بحالك وماوصل وقت العرس حتا وليت حالتي وضعيفة انا كنت خايفة من البعد من مدينة لمدينة اخرى هههه تقولي واش غادا للمريخ لي تزوجو لبرا ماكانوش كيخخممو كيما انا وغير داز العرس ومشيت لداري شوي شوي حتى نسيت راسي ختي تهلاي في راسك ونساي وفكري في عرسك

الله يكمل عليك بالخير اختي و الله يسر لك هادشي عادي حيت قربتي تمشي من داركم حتى انا دزت من نفس المرحلة و بحكم انا موالفة دارنا بزاف و كنت خدامة منعرف تحاجة الطياب كنت في زيرو دبا الحمدلله ولفت داري و لفت حياتي الجديدة تعلمت نطيب و خى كنتوحش دارنا و لكن هدي هي سنة الحياة وخى مكنباتش بزاف في دارنا و مرة مرة كنمشي هدي هي الحياة عرفتي ان شاء غدا غيدوز شهر الاول و التاني تولفي فراشك متبقياش تقدري تخويه الله يكمل عليك اختي بكل الخير