من جديد كتخافي من العنكبوت والحشرات والفئران دخلي نوريك طريقتي و بالصور

المشرفات خليت العشا و الشقا وجيت صلحت الصور حملتهم من جديد. رجاءا الى قدرتو ترفقوهم لي في موضوعي السابق تحت نفس العنوان او الاكتفاء بهدا ولكن غيبقاو فيا التعليقات. جزاكم الله خيرا
السلام عليكم انيقات ،بغيت نشارك معكم طريقتي في تنظيف بيتي ومحاربتي للحشرات الزاحفة فحال العنكبوت لكترعبني ملي كنشوفها ولحمي كشوك وكنعيط من ينقذني ههههههههه المهم نحن في حاجة الى زيت النعناع والماء و قرعة رشاشة خاوية

كنعمرو القرعة بالماء دافئ تقريبا كاملة كنخليو شوية كنزيدو زيت النعناع كنسدو وكنحركو مزيان القرعة،

من بعد منظفت الشرجم استعملت فلاش ومسحت فقط،

حركت القرعة ديال الزيت والماء ورشيت فقط الحافة وزدت شوية على برا ههههه الخوف ومايدير

هاد الفكرة كنستعملها في الدار كاملة من بعد متخملي الكوزينة ولا الصالون عمري هاد قطع ديال القطن وحطهم في القنات عاد حطي فراشك هكدا تكوني متاكدة ان الحشرات مغيدوروش لك في المنزل

عندي خوية حدا باب بيت النعاس عمرت القطنة بالزيت وخشيتها

استعمال اخر اليوم نظفت المكتبة ديال راجلي ومسحت له الكتب وقبل مرجعت الكتب رشيت القنات بالخليط لي القرعة وحطيت جوج قطنات في الجناب احتياط كتبقى الريحة مدة طويلة،
انا عندي الجردة وملي كنفتح الباب او الشراجم كتهجم عليا العنكبوت بهاد الطريقة لن تتجرأ اي حشرة دخول بيتك وحتى الفئران الهههههههههه
ملاحظة لي معندهاش زيت النعناع تستعمل زيت الأساس ديال النعناع
اختي الفاضلة شي دعوة بالفرج ولَك بالمثل،

---

lk []d] ;johtd hguk;f,j ,hgpavhj ,hgtzvhk ]ogd k,vd; ‘vdrjd , fhgw,v

تبارك الله فكرة جميلة نواعدك نجربها

عن طريق : samsung – GT-I9105P

شكرا على هاد الفكرة
واش نقدر نطبقها حتى للفئران كاينة حدايا واحد الدار مهجورة مرة مرة تيدخل ليا شي فار

غير جربيها رآها فعالة، ولكن مديريش فحالي نهار الاول شديت الزيت وبديت كنرش في البيت ديك الليلة راجلي هرب من البيت ههههههه داكشي علاش عملي الماء بزاف وهوي البيت والله يجيب التيسير

اختي هاد الوصفة راها أصلا ديال الفئران غير دريها ودعي معيا، الفار كمشي بنيفو حيث مكشوفش غير يقرب على ريحة النعناع يجري يهرب ديري القطن في القنات ورشي الحواف ديال الباب والشراجم باش ميدخلوش وحتى العنكبوت

الله يجازيك بالخير على الوصفة فعلا سهلة وفالمتناول

العفو اختي

شكرا اختي على معلومه جزاكي الله خير والله يفرج همك

ختي منين خديتي هاد الزيت حتى انا نغيتو لداري فالمغرب بغيت نبقى نرشو قبل منحط لفراش وملي نكون راجعة تاني نصيق ونرش ختي واش يصلاح حتى لشنيولة والناموس ملي نوصلو وهو يعض فينا ولادي كيتزوقو مساكن بالعضان وكندير ليه واش نرشو فالبيت باش مدخلش ولى غير فالشرجم برى سمحيلي صدعتك بالهضرة