من أجل فطور صحي في رمضان

قال تعالى (يا أيها الذين آمنوا كتب عليكم الصيام كما كُتِبَ عَلَى الذِينَ مِنْ قَبْلِكُمْ لَعَلَّكُمْ تَتَّقُونَ)
بعد أيام قليله يطل علينا شهر رمضان,أعاده الله علينا وعلى الجميع بالخير
والمسرات,ولكن ما أن يطل علينا شهر ط±ظ…ط¶ط§ظ† المبارك حتى يقوم الناس بالعديد من السلوكيات الخاطئة
فلأسف الشديد هنالك فهم خاطئ للممارسات الغذائيه في هذا الشهر الفضيل فتجد الاسرتتسارع الى شراء وتكديس الاطعمة والتفنن في طبخها,
وملء الموائد بما لذ وطاب من الاكلات
والاغذية حتى أن ربة الاسرة تقضي كل نهارها في المطبخ لتحضير هذا الكم الهائل من الطعام
الذي يفوق احتياجات الأسرة وتنعكس هذه الممارسات
على صحه الفرد فنلاحظ أن الاضطرابات الهضمية والتخمة تزداد في ط±ظ…ط¶ط§ظ†
وهذا عكس ماأوصى به الرسول صلى الله عليه وسلم(صوموا تصحوا).

بمعنى، أنه فعوض مايكون فطورنا ظپط·ظˆط± صحي، ونجنيو فوائد صحية من الصوم ديالنا، ونريحو الجهاز الهضمي ديالنا شوية ونظفوه، ونساعدو الجسم ديالنا باش يتخلص من الوزن الزائدو……كتلقانا كنهلكو الذات ديالنا أكثر من اللازم، باش…؟؟؟ بكثرة المعجنات والدهنيات والحلويات والمواد الدسمة اللي كنعمرو بيها الطبلة ديالنا فمرة وحدة، وبالأخص إلا كنا دايرين شي عراضة، وما أدراك ما العراضة ههههه وحتى الجيب تيتهلك وتترتفع الميزانية فرمضان أكثر، وبهذا مكنستفدوش من الصيام ديالنا لا جسمانيا ولا روحيا
حيت منين كنحسو بالتخمة،المعدة ديالنا تتنفخ ، وتنتقالو، وبالتالي متنقدروش نأديو العبادات ديالنا والصلاة على أحسن وجه
وهذا كيكون سلوك خاطئ ، لا من الدينية والصحية والاقتصادية
وكيقول الله عز وجل في كتابه العزيز {كلوا وشربوا ولا تسرفوا إنه لا يحب المسرفين}
لهذا أنا كنقترح عليكم من خلال هاد الموضوع، أنه تقدمو بآقتراحات ونصائح وبدائل ، لغذاء صحي ومتوازن من دون إفراط أو تفريط
آآآشنو قلتو؟؟؟؟
الموضوع منقول، ولكن أجريت عليه عدة تغييرات وتعديلات

---

lu vlqhk Nsjig; fgh lj~ig; gdg wpd t’,v

بارك الله فيك اختي و الله يجازيك بكل خير يا ربي امين
يثبت بتاريخه
لي عودة ان شاء الله

تبارك الله عليك
هذي هي نوعية المواضيع التي نحتاجها
أحسن تقييم للموضوع

موضوع مهم
بالنسبة لينا كمغاربة فاخصائيو التغذية كيقولو بلي زلافة الحريرة هي احسن حاجة نفطرو بها من بعد تمر و الحليب او العصير لانها طبق متكامل و يحتوي على كل المواد اللي كيحتاجها جسمنا و ممكن نقتصرو غير عليها بلا زيادات حتى لبعد صلاة التراويح باش نقدرو نصليو متكونش معدتنا متقلا
عواشركم مبروكه و كل عام و انتم الى الله اقرب و على طاعته اقدر

هدا أكل صحي عطاتو ليا طبيبة التغدية وتمشيت عليه داك العام وكنت كنشبع وفي نفس الوقت مكنحسش بالتخمة
https://www.anaqamaghribia.com/vb/sho…470&highlight=
كنت ناكل تميرة أو 2 نمشي نصلي من بعد نكون موجدة مخمار القمح بنخالتو وندير فيه جبلي مع قهيوة من بعد كناخد زلافة حلريرة صوبة أو شوربة مع بريوة الله يجعل شي بركة

وأنت من أهل الجزاء عزيزتي أم هداية ربي يخليك
وشكر خاص ليك على تثبيث الموضوع
رمضان كريم والله يدخلو علينا وعليكم وعلى أمة سيدنا محمد صلى الله عليه وسلم بالصحة والسلامة ان شاء الله
في آنتظار عودتك بحول الله وقوته

ايه بالفعل اختي ولكن مانساوش واحد الحاجة ان الحريرة لي كتكلمي عليها راها كتبقى تغلي مسكينة حتي تبقى تطلب نزلوها من العافية
و ماكنجيو فين ناكلوها حتى كل الفوائد لي فيها كتكون مشات
و كناكلو غير اشياء كنتبننو فيها و صافي
اذا بغيا الحريرة تكون صحية ماخاصش البصلة اولا تطيب بزاف و القزبور المعدنوس و الكرافس خاصهم يضافو اخر حاجة

بارك الله فيك عزيزتي أم عمر وسلمى
والله يجازيك بخير على التقييم حبيبتي
نتمنى أن الموضوع يلقى تفاعل مع الأخوات ان شاء الله باش نستافدو وناخدو الأجر درمضان ان شاء الله
رمضان كريييم

الله يعطيك الصحة أختي، آقتراحك معقووول وفمحلو
ايلا آقتصرنا غير على الحريرة كيفما قلتي أو الشوربة مع التمر والسوائل بحال العصير أو الحليب والماء ، ورافقناها بالبيض وشوية المخرقة كنظن أنه كااافي تبارك الله
وشكرا عزيزتي على المشاركة ورمضان كريييييم

جزاك الله خير الجزاء على الموضوع انا قررت نغير نطام ديالي هاد العام انهتم بالعبادة اكتر يا ريت يدخلة الاخوات ويفيدونا بالنصائح