6/6/2019
السلام عليكم ورحمة الله وبركاته وعواشركم مباركة لجميع الانيقات واللهم بلغنا رمضان
طلب واااااااااااحد للانيقات الله يخليكم ما تردوش حتى نكمل بادن الله واراك للردود باش نقدار نزل اكتر عدد ممكن بادن الله
اليوم بحول الله عنقدملكم مجموعة من المملحات الجديدة نزولا عند طلب الانيقات العزيزات
الجميل ف مملات اليوم انها سهلة ف الاعداد +غير مكلفة + ظ…ط®طھظ„ظپط© الحشوات + راقية عند التقديم والاهم الاهم لديييييييييييييييدة ايوا فين تلقاو فحال هاد المونسيو 5 ف 1 ههههههههه
المهم بلا ما نكتر عليكم الهدرة عنبدا ط¨ط§ظ„طµظˆط± ومن تم المقادير واي استفسار انا في الخدمة
هادو تلاتة المملحات كاين سوشون بالعحين المورق والحشوة ديال صوص حلوة حارة بزبدة الكاوكاو والدجاج
وكاين مربعات انتوست محمرين وفوقهم صوص بيضاء والسوريمي وسيبوليت
والمملحة التالتة هي عجينة بريزي مالحة بحشوة التون والجبن متلتات مع بعض الاضافات
بالنسبة الطبق التاني كدلك عندنا 3 ظ…ظ…ظ„طط§طھ
اولا شراءح البانيني بالجبن والبصل
وعندنا حلرونات العجين المورق الجبن والمورتديلا
وطويسات العجين المورق بمورتديلا داند مدخن وجبن احمر محكوكين مع كريمة سائلة والسحتر
(lj[]]) llgphj pwvd fpa,hj lojgtm kgfd ;g hgh],hr fhgw,v hgydv llgm
عندنا قطع التوست محمرة جاهزة والحشوة عندنا سوريمي مقطع صغير + خس مقطع صغييييييير + نص فص توم محكوك او سيبوليت مقطع رقيق +ابزار + مايونيز من الافضل ديال الدار بالخل والليمون + دانون مسوس +شوية موطارد وشوية كيتشوب
سوشون الدجاج بصلصة الكاوكاو
عجين مورق جاهز او معدل ف الدار
الحشوة مافيهاش الملح عندنا بصل محمر ف شوية د زيت + فص توم محكوك + مزيود حار مقطع صغير او تكتفي بالهريسة+ ملعقة صويا صوص+ ملعقة كيتشوب+ ملعقة سكر اشقر انا غيرتو بالعسل وملعقة كبيرة زبدة الكاوكاو انا استبدلته بكاوكاو حمرتو ف مقلاة طحنيو جيداااااااا حتى رجع عجينة من بعد نضيفو ف الاخير حليب تقريبا نص كاس ونصف حامضة معصرة ونحيدوها من البوطة يعني تجي صلصة ما تقيلة ما خفيفة حيت ملي كنبرد كتزيد تتقال فحال تقريبا صوص بيشاميل ونعملو دجاج مقطع مربعات صغيراو شراءح يطيب ف مقلاة مع توم او بدرة التوم وبدرة البصل اختياري وورشة ملح ونص كاس ماء حتى يطيب ويشجت الما مع التقليب ونضيفو عليه الصوص على حسب الدوق وبالصحة والراحة
بالنسبة
بالنسبة لمملحة التون مقادير العجين
250 غرام دقيق+ 125 غرام زبدة + بيضة + قبصة ملح + ابزار +وحكة سحتر
او 250 غرام الدقيق + 100 غرام زبدة + دانون مسوس ورشة ملح و ابزار
طبعا عجينة بريزي ما كنعجنوهاش غير كنبسبيو الطحين مع الزبدة ونجمعو باصفر بيضة او دانون غير تتجمع العجين نلموها ف بلاسنيك ونخليوها ترتاح ف التلاجة نصف ساعة
الحشوة تون مقدار طاسة مع 2 متلتات جبن او 2 مربعات كيري على حسب الدوق والموجود + ابزار
ملعقة كيتشوب وقليل من الموطارد اختياري
بالنسبة للشكل والتقديم على حسب اختيارك هادو تلات امتلة
طويسات المورقة بالجبن وداند مدخن
عندنا 100 عرام شرائح داند مدخن + 100 غرام جبن احمر محكوكين مجوج بيهم وشوية كريمة سائلة باش نجمعو الخليط تجي شوية خفيفة + سحتر محكوك
نطلقو العجين ونقطعو داوئر نعملوها ف مول ديانا ونوضوع الحشوة وندخلوها فران سخووووووووون من فوق وتحت حتى تتحمر
هاد الوصفة ممكن نعملوها بدون شراءح الداند يعني غير جبن احمر وكريمة وسحتر جربوها وردو عليا الخبار لديييييييدة وممكن تعملوها غير بقطع الباكيب يعني تقطعو الباكيط شراءح فحال طريقة الفقاص وندهنو الوجه بهاد الخليط وندخلوهم يتحمرو من فوق وتحت ف الفران يا سلااااام لديد جدا
نخليكم مع الصور
قطع البانيني سااااهلة
كنفتحو البانيني على جوج من الوسط ونقسمو كل طرف لجوج كدلك كل طرف ندهنو شوية موطارد اختياري ونعملو جبن محكوك وبصل مشلدة من فوق ورشة ابزار اسود او بالالوان وصفة بسيطة بلحاق لديدة ندخلوها للفرن تتحمر كدلك
وممكن تعملوها بالتون من فوق كاضافة وبقطع الباكيط
حلزونات المورقة بالجبن كدلك والمورتديلا
كنطلقو العجين تكون باردة يعني ف التلاجة وندهنوه باي خليطط جبن العادي او جبن متلتات مداق الجبن الاحمر او بالاعشاب ونعملو رشة جبن محكوك ومورتديلا محكوك ونلويو العجين للحصول على قضيب بعدها نقطعوه دوائر بالسكين او بالخيط وندخلوها للفون مسخن من فوق وتحت حتى يطيبو
وعندنا كدلك مربعات التون وزيتون على شكل بقلاوة
شوارما الدجاج بصوص روعة
وشرائح الباكيط محمر مدهونة جبن وفوقها شراءح الداند مدخن
ودواءر الباكيط بصوص لافوكا مزينة بمورتديلا السورسمي
بالنسبة للميلفوي المالح
عنحتاجو نصق كيلو عجين مورق اما غادي نقطعوه على 2 او على 3 على حسب شحال بغيتي ديال الطبقات
دايما العجين نخدمو به وهو باااارد يعني يكون ف الاتلاجة من قبل
بالنسبة 2 طبقات غنقسمو العجين على جوج ونطلقوه على شكل مستطيل كبير ورقيييق نوضعوه ف طاوة الفر ن ونتكوه بالفورشيط وندخلوه يتحمر من الجهتين كل مستطيل بحدو غادي نجبدوه غير بشوية باش ما يتهرسش لينا ونخليهم يبردو مزيان
بالنسبة للحشوة غادي ناخدو صدر دجاج متلا نص صدر دجاج نعملوه يطيب ف المقلاة مع شوية الما + توابل الشوارما او توابل الدجاج+ فص تومة + ملح + سكنجبير + خل وابزار غير يشحت من الما ناخدوه ونفرتتوه مزين او نطحنوه ف طحانة باش يسهال علينا ندهنوه نضيفولو ملعقة كبيرة دانون + ملعقة كبيييرة موطارد + قصبور مطحون او معدنوس مقطع + ملعقة كيتشوب
غادي ندهنو الطبقة الاولى بالحشوة ونوضعو الطبقة التانية
بالنسبة للوجه غادي ناخد 2 متلتات او اي جبن كريمي+ ملعقة كبييرة دانون اوقليل من الكريمة الساءلة او بجوج بيهم
ندهنوها على الوجه كامل ونعملو خطوط بالموطارد او الكيتشوب على حسب الدوق ونقطعوه القياس الي بغينا
هاد الحشوة ممكن كدلك نقدموها مع خبز الكومير مقطع ومحمر ف المقلاة من الجهتين
وهادي الصور
خبز الكومير مقطع طولي ومحمر ف مقلاة التقيلة من الجهتين
ندهنوه بخليط من الجبن الكريمي وزحنر ونوضعو شرائح الداند مدخن كيف ما مبين الصور ونتبتوهم بعود اسنان من فوق
وادا ما واضحاش طريقة لف الشرائح ان شاء الله نعاود نصورها حتى تكون كلشي واضح لعيووووووووووووون الانيقات
والمدورين مدهونين بصوص لافوكا
الي هي افوكا معفوسة مزيان بالفورشط ما نطحنوهاش غير نمعسوها ونضيفولها نص طاس دانون وعصير حامضة وخيار مقطع صغيييييييير ورشة ابزار وملعقة مايونيز
صافي هاد الشي الي كاين ندهنوهم ف دوائر الخبز المحمر او التوست الممر وف الوسط وضعت مورتديلا السوريمي على شكل وردة
نفس الصوص لافوكا هي الي عاملاها هنا من فوق متلتات الخبر اللبناني او ما يعرف خبز الشوارما او الخبز العربي مقطع متلتات ومحمر ف الفران او ف الة البانيني
مربعات التون والزيتون مقرمشة او بقلاوة مالحة بالتون
في المرة المقبلة ان شااااااااء الله
شوارما الدجاج بتقديمات مختلفة
السلام عليكم ورحمة الله وبركاته
رابط الموضوع الاول
https://www.anaqamaghribia.com/vb/sho…d.php?t=436134
على بركة الله
مربعات التون او بقلاوة التون والزيتون
بالنسبة للحشوة بصلة مشلدة رقيق ومحمرة ف المقلاة بشوية الزيت ورشة ملح وابزار
كناخدو التون المقدار الي بغينا انا كنعمل 2 طويسات او 3 على حسب + زلافة الزيتون اخضر بلا عضم كنقطعوه ونطحنوه ف الطحانة التوابل مع معدنوس والحار او الهريسة وكنخلطو المكونات كلها مع بعضها وندوقو اكيد على حسب دوقك ممكن تغلب الزيتون اكتر ممكن تغلب التون اكتر
ممكن نعملوه بعدة طرق
مرات كنعملا بعجينة المورقة فحال طريقة الميلفوي بالنسبة للعجن المورق ما خصوش تطيب مع الحشوة ما كيجيش مكرمل وكيجي معجن من داخل
ادن طريقة الميلفوي كيف قلت كنقسم نص كيلو عجين مورق ونطيب كل طبقة بحدها حتى تتحمر نخليها تبرد عاد نوضع الحشوة ونغطيها بطبقة تانية ونخليها شوسة ترتاح واحد نص ساعة او ساعة عاد نقطعها بسكيم المنشار باش ما تتهرسس المورقة
الطريقة التانية عجين المعجنات
ممكن تعملو عجينة العشر دقايق او اي عجينة كتفضلوها او عجين الرغايف وتطلقوها رقيق وتدهنوها بالزبدة وتوضعو طبقة اخرى من العجين طبعا رقيييق متل عجين الرغايف وتوضعو الحشوة بطرقة متساوية عاد توضعو العجين من فوق وتدهنوها بالزبدة من فوق وترشموها بالسكين وتوضعو دوائر الزيتون ف الوسط
الطريقة التانية متلتات الرغايف
الطريقة الرابعة على شكل بتي بان
عجينة المعجنات العادية كتخليوها تخمر عاد نطلقوها وندهنوها بالزبدة ونشكلوها والى الفرن بلا ما نخمروها مرة تانية
الخامسة مدهون ف خبز الكومير
كيفما وعدتكم انيقاتتي غادي نكمل بادن الله بقية المملحات
الشوارما بصوص رائع
بالنسبة للدجاج كنحتاجو لصدر الدجاج + توابل الشوارما+ملح+رشة سكنجبير + رشة كمون + ملعقة خل + ملعقة موطارد + فص توم + كاس صغير ماء + ملعقة صغيرة زيت نباتي
نشرملوهم مع بعضم ونعملوهم فوق البوطة يطيبو حتى يشحات الخليط ويبدا يتحمر
بالنسبة للسلطة عندنا خص مقطع رقيق+ كورنشون مقطع صغير
بالنسبة لمايونيز كنعمل بيضة + ملعقة موطارد +ملعقة صغيرة خل و نطربهم مزياااان ف الغراف د مولينكس ونبدا نضيف الزيت حتى تتقال كتعطيني قريعة صغيرة عامرة
بالنسبة لصوص مايونيزديال الدار طبعا مقدار كاس صغير+ طاس دانون مسوس+2 ملاعق كبار كيتشوب +2 ملاعق كبار موطارد+فص توم محكوك+بصلة مشلدة رقييييييييييق + شوية معدنوس مقطع+ ملعقة عسل + ابزار + رشة خرقوم + نص حامض الي كيبغي الحموضية
دايما متل هاد الانواع ديال الصوص او الحشوات والموالح بصفة عاامة الدوق هو الحكم الرئيسي يعني كتدوق باش تعراف شني غادي تزيد
بالنسبة للشوارما على شكل كورني كناخدو خبز التورتيلا كنقسموه على 4 كنسخنوهم شوية ف بانيني او مقلاة ماشي بزاف باش يسهال علينا نشكلوهم وكنشكلو الكورني كنوضعو السلاطة اولا تم حبات الدجاج تم شوية صوص تم شوية سلطة من فوق
وتقدم مع الصوص
الصور كتوضح
كل هاد الوصفات عطيتالك تقريبيا حيت انا كنعمل عيني ميزاني والدوق هو الي كيحكم
على شكل كورني
[/FONT][/SIZE][/QUOTE][/COLOR]
بالنسبة للشوارما مربعات ف القضية ساهلة
خبز العربي كيف ما باين ف الصورة نوضعو ف الوسط السلاطة والدجاج والصوص او فقط مايونيز وموطارد ونجمعوها للوسط ونوضعوها ف الة البانيني تتحمر ونقطعوها مربعات وبالصحة والراحة
اما بالنسبة شوارما صغيرة كنعملو عجين الشوارما الي هو نص كيلو دقيق + ملعقة كبيرة خميرة خبز + ملعقة سكر + ملعقة زيت نعجنوها بالماء حتى تت
جمع ما تكونش قاصحة نعجنوها مزيان ونخليوها تخمر نص ساعة بعدها نهملوها كويرات صعااااار ونخليوهم يرتاحو 10 دقايق نطلقوهم رقااااق ونسخنو مقلاة ونبداو نطيبو بلا زيت لا والو على بوطة عالية من الجهتين ونوضعوهم ف زيف و نسدوهم ف بلاستيكة عاد نستعملوهم
[/FONT][/QUOTE][/COLOR]
بريوات الدجاج او لحم الداند بالجبن على شكل صريرة
الحشوة لحم الدجاج او لحم داند مقدار صدرة الدجاج كنعملوه يطيب مع بصلة محكوكة+ ملعقة كبيرة توابل الشوارما او توابل الشواء +ملح + سكنجبير+ابزار+ رشة فلفل احمر اختياري +نص كاس ماء نخليهم يطيبو شي 10 دقايق ختى تشحت من الماء نطفية البوطة نفرتتو مزيان بيدي اة بالشوكة نضيفو عليهم جبن كريمي مقدار 4 منلتات الجبن وانا كنفضل 2 متلتات مداق الجبن الاحمر مع 2 مربعات كيري وربيع معدنوس مقطع وقليل من جبن الاخمر محكوك اختيااااري وراس ملعقة صغيرة هريسة
انا كنعمل النص د هاد القياس ادا كنت عنعمل غير للدار يعني نص صدر الدجاج
بالنسبة للورقة ملي تجمعوها اما تربطوها بخيط ادا كنتو غتقليو ها ف الزيت او تخليها طالعة ف مور الفرن
وممكن تعملوها بكل بساطة بريوات او سيكار الامر كيرجع لكم
والبقية في الصور
بريوات كدلك او سيكار
هادي المايونيز الي كنعدلا دايما وما كنشريهاش لانها جد سهلة ولدييدة
الوصفة ديالهم مع مملحة الشوارما اعلاه
ومعاها الصوص الي كنعملا ف بزاف ديال الوصفات منها سلاطة المكارونة بالجعدة مقطعة صغير وطايبة مع مكرونة والماييس وبيض مسلوق ومحكوك وتون وكنزيد هاد الصوص ما تشبعوش منها وممكن تعملا مع سلاطة البطاطا والجعدة وجلبانة
بالنسبة للعجين المورق كنعمل 250 غرام زبدة لدة مقطعة مربعات صغار وباااااردة يعني تبات ف التلاجة و250 الى 300 غرام دقيق و رشة ملح و 125 ملل الما متلج كنبسبسو الزبدة والدقيق برؤوس الاصابع وكنجمعو الخليط بالماء ما كنعجنوش غير نجمعوها ونعملوها ف بلاسنيك ونخليوها ترتاح نص ساعة ف تلاجة نجبدوها ونطلقوها مربع ونطويوها على اربع ونعاودو العملية 4 مرات لا ما نضيفو لا زبدة لا والو ف الطليق نرشو قليل من الدقيق مع مايزينا رشات فقط باش ما تلصقشي ونستعملوها دايما باردة يعني من التلاجة وملي نوجدو المملحات نوضعوهم بصينيتهم فيها ورق الطياب ف التلاجة حتى نسخنو الفرن مزيااااااااااان ونطيبوهم على درجة 220 من فوق وتحت حتى نحصلو على النتيجة مع المراقبة ديما ونبعدوها على الشواية تحتانية باش ما يتحرقوش وهما باقي ما طابو
اخواتي الكريمات ان شاء الله تروق لكن هاته المملحات تتمة الوصفات ف المرة الجاية بحول الله ما بقاشي فيا الجهد تسالا